فرصة استثمارية

[yousif26]

السلام عليكم و يعطيكم العافية,
فالحقيقة هذي اول مشاركة لي بالمنتدى و سبب المشاركة اني اشوف طاقات شابة و عقليات استثمارية واعدة. عسى اللة اوفق الجميع.
الموضوع ........
انا عندي مبلغ للإستثمار من 2,500,000 الى 3,000,000
انا عندي جم فكرة و جاري دراسة الموضوع.
و ودي اشوف مشاركتم و افكاركم لإيجاد فرص استثمارية جيدة

 

[بصرك]

انصحك لوجه الله توجه للتصنيع خاصة الي من مشتقات النفط مثل البلاستيك والانابيب البلاستيكيه

 

[Zero]

الله يزيدك كمان و كمان

اعتقد في هالمبلغ تقدر تستشير استشاريين وعقليات اقتصاديه لها وزنها و خبرتها

ولا قصور بالربع اهني

 

[فلس]

دش بالمبلغ كله باجر على سهم جيزاان لووووووول اتغشمر موصج ..

 

[فيصل2]

تبي اول نصيحة وتبية تكثر لاتنسى زكاتها ........وابشر بالخير والرزق الكثير

وانت ان شاء الله من اهل الخير ..........اتمنالك التوفيق

 

[kndor]

ما شاء الله اللهم زد وبارك
اقول لاتغامر اشتغل ب10% بالكثير واشترلك عقار خارج الكويت وخذلك مزرعه والباقى حطه وديعه وريح الجمجمه

 

[بوسعود66666]

انا اقول روح عند البدر وتفاهم معاه ويمكن توصل حق حل معاه اخاف يبى سيوله​

 

[engineer85]

الله يوفقك للخير اولا . ثانيا اعتقد والله اعلم ان العقار هو افضل استثمار . اشتر ارض استثمارية وابن عمارة وبيعها شقق مفرق واذا ما لك خلق بيعها بالكامل مرة وحده . او اشتر اراضى سكنية وابني عليها بيوت لا تزيد مساحة البناء عن 400 متر مربع للدورين لتخفيض الكلفة وفيها ان شاء الله رزقه حلوه . القصد اخوي ان العقار ربحيته مضمونة وان كانت اقل من غيرها والمخاطرة قليله فيها مع توفيق رب العالمين . ومثل ما يقولون العقار يمرض ما يموت .

 

[حفار قبور]

إشتر لك جم بيت بسلوى نظام تأجير وسلمهم حق مكتب عقارات يديرهم وريح بالك

 

[المانع]

اخوى قسم الاستثمار الى عقار والى بورصه والى وديعه والباجي حطهم بحسابي

 

[*بو عبدالله*]

الله يبارك لك في مالك ان شاء الله

اول شغله انا شخصيا اشوف ان من الغلط ان الواحد يحد مبلغ جذي ويعلن عنه جدام الناس والسبب ان العين حق كما اخبر الرسول عليه الصلاة والسلام

الشغله الثانية انصحك بالاستثماااااااااااااااااار فقط وليس المضاربة خصوصا الاسهم القوية مثل تمويل كويتي تمويل خليج وغيرهم من الشركات الاسلامية القوية

شخصيا لو عندي هالمبلغ احطة باحد هالاسهم وانساه او ني اخصص جزء من المبلغ للمضاربة حسب الفرص الموجودة بالسوق اما اغلب راس المال يكون استثمااااار


بالتوفيق ان شاء الله

 

[UNIX]

عفواً عندك 2.5 مليون دينار كويتي؟

من وين يايبهم؟ ورث ولا تجارة؟ جاوب على سؤالي و أنا بعدها أنصحك..

 

[hamadxp]

انا اقول
اخذ لك عماره تجاريه جديده يعني عمرها تقريبا سنتين او ثلاث سنوات

واخذ اجاراتها وهي تبقى اصل ثابت والله يزيدك من نعيمه

 

[نوخذه 15]

عاد هذا حجى !! فى احد يدش منتدى ويقول عندى مليونين ولا ثلاث
اعتقد سؤالك وعرضك للموضوع فيه استخفاف بعقول الناس

 

[ضرغام]

النصيحة الي راح اقولها لك من القلب والله يشهد
وعسى الله يزيدهم لك
لان اخوك ذاق الخساره وذاق الربح
اول شي
انصحك
انك لاتدش بالسوق بكل فلوسك
قسم الملغ الي اربع اقسام
اول قسم 20 % اسهم تشغيليه لشركات معروفه عنها انها توزع توزيعات
مجزيه
ثاني قسم 30 % عقار مدر ذو عائد شهري
ثالث قسم 20 % الصناديق الاستثماريه الموثوقه لشركات اوبنوك لها صيت للعوائد المجزيه حتى لو كان في دول الخليج وبالاخص البنوك السعوديه
رابع قسم 30 % كاششششششششششششششششششش
لان الكاش يصطاد لك الفرص العابره التي تاتي من غير ميعاد اوحساب


الدخول الاسهم متى وكيف الدخول عندما يكون السوق في حالة انهيار
اوتصحيح او نزول هذا احسن وقت للدخول
وعند صعود السوق اخرج انت من السوق
حاول الدخول لسهم عندما تتضح رؤية السهم من ربحيته و والعائد المتوقع
اجعل جزءمن قسم الاسهم الي الاسهم الغير مدرجه الي سوف يتم نزولها بالسوق (تأكدمن نزولها )

اخر شي لاتمشي على كلام كلا من هب ودب بالمنتديات لان اغلبيتهم
ماعندهم سالفه وكل كلامهم كلام الدواوين و الاشخاص الدايخين
اخذ منهم المعلومه الرسميه واترك فلان قال لي وعلان قالي
ولاتصدق كلام مدراء المحافظ كله تضليل

وبالتوفيق ولاتنسانا اذا تدوبلوا انشاءالله

 

[bo3alwa_q8]

انا اقولك اشتر ارض في الواجهة البحرية في دبي (dubai waterfron). و انشاءالله بعد 5 سنوات اتشوفهم ثلاثة اضعاف اذا مو اكثر!