ماهي أفضل شركة لفحص السيارات بالكويت

[gaaind]

السلام عليكم

بدي اعرف افضل شركة لفحص السيارات الياباني

مشكورين

 

[sabty_10]

الرمال الذهبيه

 

[newsktv]

للأمانه الرمال الذهبية خدمة وشغل ميه ميه

 

[gaaind]

جزاكم الله خيرا

 

[gaaind]

جزاكم الله خيرا
ممكن رقمها او عنونها
شكرا

 

[UNIX]

الرمال الذهبية أول،، الحين النجم الثلاثي بحولي

 

[خالدالمطيري1]

صراحه كلهم ممتازين
الرمال الذهبيه
والنجم الثلاثي
ولكن النجم الثلاثي أرخص
من الرمال
واللبتوفيق .

 

[©A©]

اخوي لاتفحص ولا شي طق فره بالسياره و يبين الي في بطنها وبالنسبه للصبغه والبدي مهما تصلح يبين يبين

يعني اذا قالولك المكينه 80% وبعد اسبوع طقت المكينه على بالك بيصلحونها !!!!

تقط 30 دينار عالفاضي لييييييييش.

 

[أحمد ظاهر]

النجم الثلاثي وين مكانه بحولي؟

 

[الفودري]

بصراحه ... لو أطلع سياره من الوكاله وتوديها الرمال الذهبيه لازم يطلعون لك فيها عيوب !!!!

علشان اتصلح بكراجهم !!

 

[العساف7777]

كونكورد احسن شي بصراحه واحسن من الرمال الذهبية

 

[أحمد ظاهر]

يا ليت يا شباب اللي يقول عن محل يقول عن مكانه وين صاير بالضبط .. طبعا ما عدا الرمال الذهبية لأنه مكانه معروف.

ومشكورين مقدما

 

[UNIX]

النجم الثلاثي بحولي يم كلية البنات (دبلوم)

 

[العساف7777]

فحص كونكورد الشويخ اللفه على اليمين اللي بعد مغسلة الصافي اول تقاطع على اليسار المحل زاوية وواضح من اعلانة

 

[gaaind]

جزاكم الله خير

مشكورين

 

[اوكيشن]

انحش عن الرمال الذهبيه

قبل ميه بالميه الحين نصب


قبل مع واحد من الربع يفحص السياره وقالو مو مدعومه ولا مصبوغه ومعانا شريطي يحلف انها مدعومه وحدد وين وقال مبين الصبغه شووفو وجذبناه واللي يفحص يقول لا مو مدعومه ولا مصبوغه ومره الايام وطلعت فعلا مدعومه ومصبوغه حسبي الله عليهم وعلى راعيها اللي يحلف جذب

 

[al7zn]

اذا تبي اطيح سعر الموتر ودا الرمال الذهبيه يطلعلك الف عيب وعيب حتى لو توها طالعه من الوكاله اهم اثنين حاليا النجم الثلاثي وكونكورد وشكراااااااااا

 

[al.dosari]

انا كان عندي فورد 2003 وحايشته دعمه من ورى مو قويه للامانه بس فيها سمكره وصبغ السالفه ..فحص السياره في الرمال الذهبيه قالوا البدي نظيف خالي من الصبغ والحوادث ... استغربت منهم صراحه وين شغل عدل وهذي آخرتها

 

[alhilam]

لاتروح لكراج البشر واحد من الربع فحص عندهم سياره وبعدين شراها وبعد شهر راح يبيعها وتم فحصها في مكان ثاني واكتشف انه فيها شاصي مصلح واللحين توهق بالسياره مو قادر يبيعها ورفع قضيه علي البشر
لان الشاصي من زمان معدل