عاد تدري انه هذا افضل وقت للشراء لما تكون الاسعار بهذه الطريقه والناس مبتعده عن السوق .. واحسن وقت للبيع وقت الانتعاش واذا شفت الناس قامت تدش تشتري والمؤشر يحقق ارتفاعات :)
طبعا هذ مو كلامي .. كلام خبراء المال ..
لكن مو اي سهم طبعا تشتريه .. فيه شكثر اسهم متهالكه وورقيه وخسرانه طبعا هالاسهم...
والله اني صارلي فتره افكر اشتري اسهم ابل قبل نزول ايفون8 لانه اتوقع انه راح يكسر الدنيا ولما قريت الخبر اللي انت حاطه ابل تتوقع انه اسهمها ترتفع 40% من هذا الاصدار
وهي دايمن تصدق توقعاتها لكن بنفس الوقت خايف لانه السوق عندهم متضخم وترامب والرئيس الكوري ماراح يعدونها بالساهل ههههههههه
اخاف...
والله السوق الكويتي فيه اسهم اسعارها بسيطه جدا واسهم قويه ويمكن هذه تعتبر فرصه لو تقارن الاسهم هذي بالبورصات الثانيه
انا متابع الامريكي وشوي السعودي .. مكررات ارباح عاليه جدا واسعار متضخمه ..
مشكله السوق الكويتي ان المستثمر فاقد الثقه فيه طبعا مالومهم لانه مو منهم من اللي شافوه ..
صحيح كلامك ان العقار قليل المخاطر ولكن هنا تقدر تستثمر باي مبلغ ولكن بالعقار تحتاج مليون عللى الاقل .. والعقار يستهلك صيانه وتضاءدل جودة البناء مع السنوات او مثلا شخص مادفع اجار وغيرها الكثير ..
على فكره قبل فتره فكرت اشتري عقار على قد فلوسي ولقيت شقه مأجره ب 300 دينار وصاحبها يبيها ب70 الف :)
اخي الكريم
راح اخذ كلامك حبه حبه عشان اوضح بعض الامور
في بداية كلامك تطرقت انه ممكن تصير كوارث او اي شي فعلا انا معاك لكن فلنفرض انها صارت انت تضمن حياتك اولا عشان تضمن فلوسك؟ هذه الامور كلها في علم الغيبيات
الشي الثاني كلامك عن كوكاكولا ترى بايام الازمه وصلت كوكاكولا الى سعر 12 دولار تقريبا...
بصراحه انا بعيد جدا عن السوق الكويتي وكل تدولاتي بالامريكي وطلعت من السوق قبل ازمة الرهن العقاري لاسباب خاصه علما باني ماخسرت لكن كنت بعيد عن الاسواق تقريبا وغلطتي اني بعد ازمه الرهن العقاري لما كانت الاسعار رخيصه كنت عارف انها تبي ترجع ترتفع وخاصه في اواخر 2009 لكن كنت بظروف تجبرني ابتعد عن...