شركة الاتصالات المتنقلة - ش.م.ك (زين) ...4

[بصرك]

اخوي يونكس شرايك بتصريح البراك عن الارباح وعن سعر زين بالسوق وعن المتداول

 

[neidan]

ياجماعة ما أدري ليش في ناس تقول أرباحهم مو شي ؟؟

"زين" الكويتية تحقق أقل أرباح في عام مع ارتفاع التكاليف وزيادة الاستثمارات

الكويت - رويترز

حققت شركة الاتصالات المتنقلة "زين".. ثالث أكبر شركة اتصالات عربية من حيث القيمة السوقية.. أصغر أرباحها في عام، في الربع الأول من 2008، مع زيادة إنفاق الشركة الكويتية على الاستثمارات. وجاءت النتائج دون توقعات المحللين.

وأوضحت الشركة -في بيان اليوم الأربعاء 24-3-2008- أن صافي الربح في الأشهر الثلاثة حتى 31 مارس/آذار ارتفع 2.7 % إلى 73.3 مليون دينار (الدولار = 0.278 دينار)، وذلك قياسا على الفترة ذاتها من العام الماضي. وبحسب بيانات لرويترز يعد هذا أصغر ربح منذ الربع الأول من 2007.

وقال الرئيس التنفيذي للشركة سعد البراك، في البيان، إن الأداء المالي كان ممتازا رغم الاستثمارات الهائلة لتحديث وتوسعة عمليات الشركة في أسواق كثيرة.

وفي مسح لرويترز الشهر الماضي جاءت توقعات المحللين لأرباح "زين" في نطاق 86.5 مليون دينار إلى 108.6 مليون بمتوسط قدره 99.7 مليون دينار.

وأضافت الشركة أن الإيرادات زادت 23% إلى 453.2 مليون دينار، في حين نمت الأرباح قبل حساب الفوائد والضرائب والإهلاكات واستهلاك الديون 25%، مسجلة 175.7 مليون دينار.

وتعمل "زين" في 20 بلدا بالشرق الأوسط وإفريقيا. وفي العام 2005 اشترت "سيلتل" التي تتخذ من هولندا مقرا مقابل 3.4 مليار دولار لدخول أسواق جنوبي الصحراء الكبرى.

وفي العام الماضي اشترت شركة عراقنا العراقية مقابل 1.2 مليار دولار، في أحدث استثماراتها الخارجية لتعويض احتدام المنافسة في سوقها المحلية. وتقول الشركة إنها تريد دمج عراقنا مع شبكتها العراقية الأخرى "إم.تي.سي-أثير".

http://www.alaswaq.net/articles/2008/04/23/15493.html

 

[قنوع ؟]

h
حلوه منك مناص (احنا الحين بسقفه زين )
اتوقع والله الرزاق اهو الالعالم 1400 وانت تضحك , بس اصبر

كل شئ متوقع والله العالم

والله يعوض الاخوان

 

[صحفي]

ترى كل مرة يسويها (( زين )) حد ادنى اول يوم ثاني يوم يعدل من عمر وهذي سياسته لا تحاتون السهم يسمونه (( سهم الامان )) لا تحاتي حط راسك ونام (( هذا الزين مو لعب )) (( والزين عندنا والشين حوالينا ))

 

[cocacola]

اكيد السهم راح يصعد وينزل خلال الايام القادمه بس راح يوصل 1.500

 

[lary]

انا املك بالشركه بسعر2000 واتمنااااااااااااااااااااااااا اتمنااااااااااااااااااااااااا يوصل 1500 مثل ما يقولون الاخوان عشان ابيع كل اسهمي والي فوقي والي تحتي وابرد على زين.

بالسوق اكو بقالات وجم مكتب عقار بس جم امبراطورية بالسوق مثل شركة زين
الي يتمنى الف سوق انها تدشه

والله عن نفسي لا خايف ولا متحسف وادري انه هالشركه اهي مستقبل استثماري انا وعيالي والحلو بالموضوع انه قاعد تتوافر الفرصه انه ناخذ بأسعار مثل هذي

 

[الشاعر]

لا اخوي قصدي انه عادي يحصل مع شركات وايد من اخذ شعار او لوجو او مقدمة او اغنية وينسبونها لنفسهم ومن شركات كبيرة

مايكروسفت سوت نفس الشي وشركات ثانية


وبالنهاية غالباً اللي عنده واسطة راح يفوز


الله ينصر صاحب كل حق

شكراً يا المدريدي .. ردّك يثلج الصدر و سامحني على سوء الفهم من دون قصد ..

 

[Mr. Eng.]

دعوة للنقاش

حاليا حسب وجهة نظري بالنسبه للسهم بطريقه لل 1500 - 1540 لتكوين الموجه A من التصحيح و اللي راح يكون Zigzag
التصحيح قد يستمر إلى 3 سنوات إلى 3 سنوات و نصف بعدها بالنهاية يمكن نشوف السهم على عتبة الدينار

أبي وجهة نظر المحللين يمكن أكون غلطان​

 

[قنوع ؟]

وجهة نظر قابله للصواب والخطأ
السهم راااااح ينزل الى اسعار غير متوقعه للجميع
وهذه ليست دعوه للبيع او الشراء
انما معلومه وحبيت انقلها لكم ولستوا ملزمين بالاخذ بها

ربما يقول البعض ارفق تحليل او شارت انا ما اعرف بالتحاليل
والاخوه المحللين فيه البركه


ولكم منى كل التوفيق والاحترام

 

[OVER-THE-TOP]

صعبة زييييييييييييييين توصل هالاسعار

اصلا مو زينة بحقها وبسمعتها انها توصل حق هالاسعار

انا ما املك بالسهم ومن مصلحتي انها تنزل عشان اشتري بس حرام مو سعر زين 1500

زين السعودية فرع من افرع زين وشركة للحين ما اشتغلت سعرها 27ريال

اكثر من سعر زين الكويت هذا ضلم وسعر غير عادل حق سهم مثل سهم زين

الله كريم ويسهل الامور على زين وملاكها انشالله

 

[ENG.electric]

شباب يعني "أتوقعون" سهم زين بشهر 1 جم بيكون؟؟؟
يعني يوصل 3؟؟؟

 

[كازابلانكا]

حبيبى زين راح يصعد بس شويه صبر

 

[انطلق2]

صعبة زييييييييييييييين توصل هالاسعار

اصلا مو زينة بحقها وبسمعتها انها توصل حق هالاسعار

انا ما املك بالسهم ومن مصلحتي انها تنزل عشان اشتري بس حرام مو سعر زين 1500

زين السعودية فرع من افرع زين وشركة للحين ما اشتغلت سعرها 27ريال

اكثر من سعر زين الكويت هذا ضلم وسعر غير عادل حق سهم مثل سهم زين

الله كريم ويسهل الامور على زين وملاكها انشالله

على فكرة..
القيمة الإسمية لسهم زين السعودية هي 10 ريال...والكويتية 100 فلس.
يعني اذا صار سعر زين السعودية 27 ...يعني كأنه 270 فلس مقارنة لزين الكويتي.

 

[kwt.to.kwt]

اتوقع لعبة كبيرة تحاك بليل
فعزيزي المستثمر الصغير لاتحزن
فإذا انت خسراتك بالمئات
فالكبار سيخسرون بالآلاف بل الملايين
فاصبروا

 

[kwt.to.kwt]

يا جماعة الكمية التي انباعت امس هي 6مليون وليس كلها بالحد الدنى
والسهم راس ماله 8مليار سهم
يعني نسبة ولا تذكر فكيف يقال تصريف !!!!

........................ ولماذا الخوف ؟

 

[stock sniper]

الموعد مع زين في شهر 6 واللي ماشرى راح يتحسف

راقبوا السوق واشوفو انسب سعر للشراء والسهم انشاء الله بيرتد

زين مافي خسارة مضاربة ولا استثمار بس الصبر زين

 

[bo_hamood]

مستثمر كانك تفكر في اللي قاعد افكر فيه ارباح ربع اول عاديه+تنزيل السهم مع اشاعات بعدين نهايه الفيلم دخول مستثمر استراتيجي قوي وهذي لعبتك يا الخرافي

 

[abotalal]

مستثمر كانك تفكر في اللي قاعد افكر فيه ارباح ربع اول عاديه+تنزيل السهم مع اشاعات بعدين نهايه الفيلم دخول مستثمر استراتيجي قوي وهذي لعبتك يا الخرافي

 

[الاوربي]

نزوول سهم زين لاسعار متدنيه ليس منصالح السوق واعتقد زين من الاسهم المطمنه في الاستثمار والان فرصه ممتازه لاستثمار
انا من الناس الى مانظر بسعر الاسهم قبل الان في اسهم واجد كانت فوق والان فالحضيض
انا اقوول

 

[lary]

زين اذا وصلت دينار ونص حتى جورج بوش راح يسمع بهالخبر الاقتصادي المهم وهالفرصه الاستثمارية العملاقه
وراح يبيع بيته ويدش بفلوسه على زين
بعض الي يكتبون عن زين جنهم يبون يقولولنا ترا صارت بالمخازن وصارت بجيزان و و و ...
زين غير بألف مليون مره
والايام اليايه راح تثبت هالشي
انا اذا وصل 1500 حتى ملابسي ببيعهم واستثمر بهالسهم و بقعد بمكسر وفنيله داخليه لين يرتفع