شركة الصناعات المتحدة ( ص متحدة ) ..... 5

[al7mly]

الاخ يونكس مشكور علي التحليل وهذي من وجهة نظر

انت ذكرت بان الصناديق اهي اللي قاعده تبيع نتيجه حسبه ماليه بحته لا تعتمد علي ايه تحاليل فنيه واصول الشركه وغيرها

ماشي حلو الكلام

السؤال : منو اللي شراء ؟؟؟ بهالاسعار

وانت ملاحظ الكميه اليوم واللي وصلت خمس ملايين ونص
ولاحظ ان التداول كان بنسبه 80 بالميه شراء

 

[بصرك]

الحملي سهرك صناعات
لاومشاء الله عليك من الساعه سبع الصبح وانت متابع صوصو
شكلك اتحسب اذا خذيت الكميه الفلانيه بسعرمثلا200فلس
بيطلع التكلفه الاجماليه مثلا300فلس
حاس فيك كل شوي تحسبها

 

[al7mly]

السهم من الناحيه الفنية :

اذا ما صار ارتداد غدا اتوقع راح يثبت علي هذه الاسعار ...


والله أعلم

أنا أأيدك ....

 

[al7mly]

الحملي سهرك صناعات
لاومشاء الله عليك من الساعه سبع الصبح وانت متابع صوصو
شكلك اتحسب اذا خذيت الكميه الفلانيه بسعرمثلا200فلس
بيطلع التكلفه الاجماليه مثلا300فلس
حاس فيك كل شوي تحسبها

هههههههههههههههههههههه

والله تجنك تدري كل شوي احسب

اليوم حطيت امر الشراء والله يستر ماتنزل بعد
اول مره في حياتي ابرد علي السهم 4 مرات وبعدين

 

[al7mly]

والله يابصرك ناوي ابيعه يوم كان ب 250 فلس وادش علي الدانه

واليوم الدانه دشت في خانه الفلسين

قلت اشوه اللي مابعت

خلك علي مجنونك لا يجيك اللي اجن منه


لا واليوم حاطين خبر نفوق الاسماك في الكويت لا حول الله

انا شفيني ادخل سهم ينزل افكر اشتري سهم يخفس مجرد تفكير

( قبسه )

 

[بصرك]

والله الضاهر اليوم السهم ارتد
دائما عكس السوق اذا السوق مرتفع اكيدصناعات نازل
اليوم السوق نازل180نقطه وهو مرتفع وشراء من المعروض

 

[UNIX]

الاخ يونكس مشكور علي التحليل وهذي من وجهة نظر

انت ذكرت بان الصناديق اهي اللي قاعده تبيع نتيجه حسبه ماليه بحته لا تعتمد علي ايه تحاليل فنيه واصول الشركه وغيرها

ماشي حلو الكلام

السؤال : منو اللي شراء ؟؟؟ بهالاسعار

وانت ملاحظ الكميه اليوم واللي وصلت خمس ملايين ونص
ولاحظ ان التداول كان بنسبه 80 بالميه شراء

الله يعافيك و يطولي بعمرك،، انا ذكرت استراتيجية واحدة فقط و في مئات الاستراتيجيات، و لا علم لي بالضبط من اللي باع و من اللي شرا. و مثل ما قلت لك وجهة نظري قابلة للخطأ

 

[بصرك]

ياشباب الضاهر اليوم تعليقه
بس اذاعلق حاليا شال المعروض على238فلس باقي تكتين
عندي احساس ان الي يشتري موصانع السوق يامحافض ياالشيبه يبرد

 

[mish3al_99]

كنت اسمع . مقوله ... معلق من تحت ..

توني عرفت معنى معلق من تحت ....

صوصو الحين راح تعلق من تحت ...

السهم معلق ... و الناس كلها خسرانه .. جميعا .. لا حوله و لا قوة الا بالله ..

 

[بصرك]

لا الشرو امس واليوم ربحانين الله يرزقهم بس ارجوهم لايطمعون علشان لايطبعون مثلنا اكثر الشباب انا واحد منك دشيت ابي تكه وابيع وطبعت طبعة قهر

 

[almared]

السهم من الناحيه الفنية :

اذا ما صار ارتداد غدا اتوقع راح يثبت علي هذه الاسعار ...


والله أعلم

بالتوفيق للجميع

وجزاك الله خير يا الحملي

 

[TAKE-OVER]

اخواني
وظيفة المؤشرات الفنيه هو التنبأ بحركة السهم المستقبليه
وانا اتوقع نزوله (( اليوم )) و الارتداد (( اليوم )) ان شاءالله
يعني اشتر السهم وهو ( احمر ) وبيعه وهو ( اخضر )
الهدف الاول 240
الهدف الثاني 250
ايقاف الخساره اغلاق تحت 230

السهم نفذ نفس السيناريو المطلوب منه حسب التحليل الفني

 

[al7mly]

السهم نفذ نفس السيناريو المطلوب منه حسب التحليل الفني

كان تحليليك صحيح تيك اوفر

بارك الله فيك

وان شاء الله يكمل ويرتد باتجاه الهدف لتصبح بعدها دعم

ومعودتنا صوصو بنقطه دعم مجنونه ( صبه ايرانيه )

وماتخترق الا بخبر سلبي ...

وما نخاف من الاخبار السلبيه اخذ مهايط من الشركه لين اعلان ارباح الربع الثاني

 

[al7mly]

كون الشركة تابعة لشركة المشاريع، فإن بيانات الشركة المالية تجمع مع بيانات الشركة الأم،، و سعر صناعات متحدة السوقي لا يؤثر على الشركة الأم لا من قريب و لا من بعيد.

يعني لو يوصل 500 فلس مو فارقة و لو يوصل 100 فلس مو فارق. و انا اختلف مع أخوي الكريم اللي قال ان المشاريع قاعدة تجمع بالسهم، لأن المشاريع ليست بحاجة لتجميع السهم كونها لها كنترول و سيطرة تامة على الشركة، و خصوصاً ان تكلفة الصناعات على المشاريع 100 فلس بدون احتساب الارباح و المنح و التي قد تصل بسعر التكلفة الى 50 فلس.

و بالتوفيق و دوام الحال من المحال

أخالفك الرأي :

أغلب الاسهم في السوق تتبع مجاميع وتأثر واحده يجعل تأثيرها علي باقي الاسهم ...
ونلاحظ هالشي علي حركه الاسهم المجاميع

لاحظ علي سبيل المثال لا الحصر

امس خبر ايقاف الاهليه اثر علي غلف انفست مع ان الاهليه تملك في اانفست ..يعني الاهليه هي الام

تحرك مجموعه البدر ...المجموعه وتوافق الحركه علي جراند والسياحيه واصول في الفتره السابقه عند الارتفاع

ومحموعه اجيلتي ... كيف تتاثر مع بعض

وبنك التجاري ومجموعته
ومجموعت الخرافي

وغيرها من المجاميع

كل هالامور تحدث يوميا ونلاحظها امامنا وانت تقول حركه سهم الصناعات المتحده في السوق لايعني لا من بعيد والا من قريب للمشاريع ...غريبه جدا


عيل باجر تدش مجموعه او محفظه تابعه لاحدي الشركات الكبيره علي السهم وتستولي علي حصه كبيره ومؤثره في السهم وتسحوذ عليها والمشاريع تتفرج علي السهم
ولنا في سهم المال عبره

 

[al7mly]

السلام عليكم

ودي أشارك معاكم ولو بالشيء اليسير وإن شاء الله تكون مشاركتي ذات فائدة

أنا اللي أشوفه من الشارت إن فيه فجوة على سعر 240 ومن الممكن إن يصكرها
والشيء الآخر في ترند صاعد اللي بالخط الأزرق العريض وممكن السهم يوصل هذا الترند وعلى سعر 230
إذن الحصيلة إن هناك سعرين وهما 240 وخاصة بالفجوة وسعر 230 خاص بالترند الصاعد
والسؤال هل يكتفي السهم بالنزول عند أحدهما ثم يكون الإرتداد ؟؟

اخوكم بو محمد

بارك الله فيك بومحمد مثل ماتوقعت 230 فلس وبعدها ارتد السهم

 

[المطرود]

بارك الله فيك بومحمد مثل ماتوقعت 230 فلس وبعدها ارتد السهم

الله يطولي بعمرك ما نستغنى عنك وإن شاء الله راح أكون متابع السهم متابعة لصيقة من خلال الشارت ونشوف وين مودينا هالسهم وعساه خير على الجميع يا رب .

وأتمنى نشوف السهم رايح إلى 250 ثم 265 ثم 285 و 300 و325 والهدف الأخير 380 .

اخوك بو محمد

 

[Abdullah Alhajeri]

مبروك مقدما

وحسافه ماعندي كاش ابرد

تأكيد انتهاء التصحيح بعد ما يطوف السهم 350 فلس​

 

[بصرك]

هل فيه احتمال ينزل بعد الارتداد يوم الخميس

 

[al7mly]

``¬````````

بصرك انتهي تصحيح السهم وراح نودع خانة ال فلسين ان شاء الله قريبا

 

[hassana]

لا الشرو امس واليوم ربحانين الله يرزقهم بس ارجوهم لايطمعون علشان لايطبعون مثلنا اكثر الشباب انا واحد منك دشيت ابي تكه وابيع وطبعت طبعة قهر

أنا طبعتي غير نمونه
أنا مثلك مرة اولت العام دشيت على السهم ب405 ابي تكه تكتين بس وخسرت حوالي 20 تكه عقب صبر سنه كامله مع دقة صبع ومن يومها تبت عن هالسهم لو بلاش