أسهم للمراقبه هالأسبوع وقويه ... 1

[مسكين99]

الوافي بو محمد ما عليك امر ادري انا اكثر واحد دوختك باسألتي ,,, بس عشان تعم الفائدة

هل التوصية ما زالت مستمرة على كل من

الصفاة

القرين قابضة

المجموعة الدولية

مياديين

جيران قابضة

سنام العقارية


والمدة لو سمحت اخوي الوافي ابو محمد عشان تعم الفائدة ,,, ونرجو انك تذكر تاريخ التوصية وسعر التوصية جم كان وجم اقفلو الشركات هذول يوم الخميس ,,, والى اين والمدة ؟؟ وشاكر لك اخي الوافي ابو محمد ودعواتنا لك

 

[ffahdd]

توصياتك يالوافى
للاسهم المرشحة للارتفاع
ومشكور تعبناك يالجوكر الموقع

 

[الوافي ابو محمد]

اخوي ابو محمد شنو وضع اعيان العقاريه

مشكور مقدما

سهم قاعد يأسس علي هذه الأسعار وله طلعه إنشاء الله وسعره حلو 290 فلس بس أطلب مبكر وأنطر عليه راح تشوفه بسعر 300 وفوق

 

[الوافي ابو محمد]

اخونا الوافي بو محمد

شرايك بسهم شركه نور بعد زياده راس المال وتحقيقه ارباح تعادل 19 فلس

شنو تتوقع للسهم خلال 3 اشهر

مع الشكر

سهم نور مومن توصياتي واللي أعرفه أن السهم سعره اللحين رخيص وليما المده اللي قلتها فيها إنشاء اللله يرتفع ولاكن وضع السوق لانعلم عنه حالياً وكل ماسألت عن وضعه الكبار يقولون خلك متفرج فقط بس إذا شريت وجالك مربح لو شوي لاتنطر بيع وإتجه إلي الأسهم الرخيصه وإذا أنت مستثمر عنط خليج متحده سعره اللحالي ممتاز للإستثمار والله يستر من وضع السوق ولا عليك من تصريحات الجرايد لأنهم عملاء للمحافظ ولايكتبون إلا اللي يبونه الكبار ويدبسون العالم والله يوفقك

 

[الوافي ابو محمد]

حبيت اسال حبيبنا الوافي بو محمد عن سهم المدينة و افضل سعر للشراء واذا كان يصلح للاستثمار ؟

سهم المدينه لديه زياده برأس المال وأنا عن طبعي لا أحب هذه الشركه لأن من يديرها لا أستطيع أن أخذ معلومات منه وبسرعه ينكبنا ومو تكانه لأنه خسر مساهمين كثيرين والله يكون بعونهم واللي أقصده عام مثل إكتتاب وسهم نبراس سابقاً والأن سهم المدينه جايها الدور توقع شخصي لا أكثر

 

[wlmadi]

الوافي ابو محمد ممكن تحليل سهم بيت الاستثمار الخليجى

 

[الوافي ابو محمد]

الوافي ابو محمد ممكن تحليل سهم بيت الاستثمار الخليجى

عفوا أنا لست متابعاً لهذا السهم للأسف وأعذرني

 

[ahmed6]

شرايك اخوي بالتمدين ا وبورتلاند واصول وشكرا

 

[الوافي ابو محمد]

شرايك اخوي بالتمدين ا وبورتلاند واصول وشكرا

سهم تمدين أ متأخر ووصيت عليه لما كان سعره 400 فلس

سهم بورتلاند سهم تشغيلي وممتاز للإستثمار وليس للمضارب السريع

سهم أصول سعره مناسب ولاكن بالنسبه لي لا أحب أسهم البدر

 

[مسكين99]

الوافي ابو محمد فيه توصيات جديده لهذا الاسبوع ,,, وبشرني اول باول عن القرين قابضة وربي يحفظك ,,,,

 

[أسد سليمان ملك]

بو محمد الله يعطيك العافيه بس بقيت اسألك عن شركة التنظيف ومستقبل هالشركه وهل زيادة راس المال يأثر سعره مع انه ر بحيته 11 فلس

 

[الوافي ابو محمد]

الوافي ابو محمد فيه توصيات جديده لهذا الاسبوع ,,, وبشرني اول باول عن القرين قابضة وربي يحفظك ,,,,

نعم في توصيه للغد بإذن الله سهم حد أعلي ولاكن الشخص راح يبلغني فيه تقريباً من الساعه الواحده فجراً وراح أحطه لكم بإذن الله من حين وصول التوصيه ولاكن راح نتأكد من التوصيه من المحفظه التي ستدخل علي السهم غداً والله أعلم

 

[مسكين99]

نعم في توصيه للغد بإذن الله سهم حد أعلي ولاكن الشخص راح يبلغني فيه تقريباً من الساعه الواحده فجراً وراح أحطه لكم بإذن الله من حين وصول التوصيه ولاكن راح نتأكد من التوصيه من المحفظه التي ستدخل علي السهم غداً والله أعلم

والله اليوم لي 7 الصبح ماني نايم وبقعد انطرك وانطر توصياتك حق باجر ,,, وتكفى بو محمد اسألي عن القرين قابضة متى يحركونها ,,,

 

[الوافي ابو محمد]

بو محمد الله يعطيك العافيه بس بقيت اسألك عن شركة التنظيف ومستقبل هالشركه وهل زيادة راس المال يأثر سعره مع انه ر بحيته 11 فلس

هالسهم خفيف وراح يرتفع لتشجيع المساهمين علي الإكتتاب بزياده رأس المال وإحتمال أهل الشركه ينزلون سعر السهم علشان ماكو أحد يستفيد من الإكتتاب إلا هم ومن بعد الإنتهاء عمليه الإكتتاب راح يرفعون سعر السهم علشان يصرفون عليكم بسعر عالي والله أعلم

 

[بورصاوي جديد]

عزيزي بومحمد مساك الله بالخير ما رديت عليا بالنسبة لجيران القابضة وهل لاتزال توصيتك موجودة والا اتوكل وابيع بالخسارة وشاكر لك

 

[الوافي ابو محمد]

والله اليوم لي 7 الصبح ماني نايم وبقعد انطرك وانطر توصياتك حق باجر ,,, وتكفى بو محمد اسألي عن القرين قابضة متى يحركونها ,,,

حاضر أنا موناسيك أبداً وكل ماسألت الشخص اللي دزيتلك عنه بالمسج يقول كثر ماعندك أخذ بعد حتي يوم وصل سعره 158 فلس دق علي وقالي أخذ وريح بالك لما توصلي التوصيه راح أدزلك مسج علي الخاص ونام وريح بالك وأهم شيء تكون بدنياً مرتاح علشان تكون مصحصح غدأً إنشاء الله

 

[أسد سليمان ملك]

الله يجزاك خير يالوافي بومحمد

 

[الوافي ابو محمد]

عزيزي بومحمد مساك الله بالخير ما رديت عليا بالنسبة لجيران القابضة وهل لاتزال توصيتك موجودة والا اتوكل وابيع بالخسارة وشاكر لك

والله التوصيه تقول 500 فلس وقبل التداول راح أردلك خبر وأنت لاتبيع بخساره وخلك جاهز حق أي توصيه دش من البدايه وليس من المنتصف والله الرازق ولاتخاف ماني ناسيك

الله هم أرزق بحلالك وأبعده عن حرامك وأغنيه غنا النفس والمال وأغفر له ذنوبه يارب العالمين

الصبر لحد الغد فقط

 

[الوافي ابو محمد]

الله يجزاك خير يالوافي بومحمد

ووياك إنشاء الله

 

[بورصاوي جديد]

شاكر لاهتمامك وكثر الله من أمثالك