لمعرفة التجميع من التصريف

[tareq74]

الحسبة مو دقيقه ...

لأن متوسط السعر = قيمة تداول السهم \ كمية تداول السهم

وايضا الطريقة هذه ماتبين التصريف من التجميع

ولكن هناك طرق اخرى

ما هي ؟

 

[TAKE-OVER]

اعتقد في طريقه اسهل وهي غالباً معلومه للجميع ..


تداول بسعر الطلب = تصريف

تداول بسعر العرض = تجميـع


هذا والله اعلم ..

اخوي عمر
كثير من صناع السوق يقومون بضغط السهم و يطلبون بنفس الوقت لغرض التجميع

 

[الفال الطيب]

مرحبا تك اوفر ..
1- هل الاسهم الممسوكه تمشي معاها هذه الطريقه ..؟
2- واذا الكميه في تداول اليوم اقل من اليوم السابق بكثير ..؟
انا سويت نفس الحسبه وطلع معاي النتيجه سالب , لكن الكميه مو شي , بالامس كانت كثيرة.
شنو رأيك ..؟؟

 

[عادي]

هلا اخوي
اذا الناتج 0 هذا يعني ان السهم في حالة استراحه

ما عليه أخوي إستحملنا شوي
حتى لو كانت كمية الأسهم المتداولة عالية ، ممكن نعتبر السهم في حالة إستراحة .

 

[raay]

يا هلا و مرحبا اخوي raay
احيانا تكون فيه طلبات بالملايين
و تختفي فجأه

انا ما اتفق معاك اخوي
لو يبي يصرف لازم يحط كميات كبيرة على الطلب عشان يوهم المتداولين انه السهم مرغوب ومدعوم من ملاكه وانت تشتري واهو يبيعك بكميات قليلة واذا اخلصت يحط غيرها - هذا رأيي
تحياتي

شكرا لكم على المداخله الهامه
فعلا تكون هناك طلبات وهميه تختفي فجاه ولكن احنا علينا الاجتهاد
فان اخذت معادله الاخ تيك اوفر مع الاخ كويتي فهي طرق ممتازه واذا قدرت وعرفت الفرق بين العرض والطلب على السعر وليس الكميات الاجماليه فانك تستطيع ان تستنتج هل هو تصريف ام تجميع

وشكرا من القلب على المداخله والتي اثرت الموضوع ايجابا
تحياتي والله يوفق الجميع

 

[NBK]

جزاك الله الف خير

 

[TAKE-OVER]

مرحبا تك اوفر ..
1- هل الاسهم الممسوكه تمشي معاها هذه الطريقه ..؟
2- واذا الكميه في تداول اليوم اقل من اليوم السابق بكثير ..؟
انا سويت نفس الحسبه وطلع معاي النتيجه سالب , لكن الكميه مو شي , بالامس كانت كثيرة.
شنو رأيك ..؟؟

حياك الله يالغالي
طالما السهم صار عليه شراء وبيع وحركه على السهم تقدر تشتنتج العمليه
و كمية التداول ما تأثر على الناتج
والطريق هذي ناجحه ان شاءالله مع جميع الاسهم

 

[TAKE-OVER]

ما عليه أخوي إستحملنا شوي
حتى لو كانت كمية الأسهم المتداولة عالية ، ممكن نعتبر السهم في حالة إستراحة .

نعم اخوي
وكثيرا صار التداول بكميات عاليه جدا وضخمه
ومع هذا ما تغير السعر
وهذا يعني تبادل ملكيات
واذكرك بتاريخ 18-4-2007 كان التداول على شركة زين
مليار و 53 مليون و 766 ألف و 976 سهم
ومع هذا السعر ما تغير ( - 20 )

 

[TAKE-OVER]

جزاك الله الف خير

مشكور يالغالي

 

[عادي]

نعم اخوي
وكثيرا صار التداول بكميات عاليه جدا وضخمه
ومع هذا ما تغير السعر
وهذا يعني تبادل ملكيات
واذكرك بتاريخ 18-4-2007 كان التداول على شركة زين
مليار و 53 مليون و 766 ألف و 976 سهم
ومع هذا السعر ما تغير ( - 20 )

بارك الله فيك وزادك علماً .

 

[TAKE-OVER]

بارك الله فيك وزادك علماً .

مشكور يالغالي
و حياك الله

 

[رذاذ المطر]

الله يبارك فيك
كان ودي أعرف اشلون افرق بين التجميع والتصريف ، والحين عرفت..

جزاك الله خير

 

[رذاذ المطر]

الحد الاعلى + الحد الادنى = ناتج
الناتج ÷ 2 = متوسط السعر
*********************
سعر الاغلاق - متوسط السعر = + / -
******************************
اذا كان الناتج بالموجب (( تجميع ))
اذا كان الناتج بالسالب (( تصريف ))
وتقبلوا تحياتي

طبقت طريقتك مع صكوك
الحد الأعلى 150
الحد الأدنى 130
150+130=280
280/2=140

سعر الإغلاق 146
146-140=6 >>> تجميع

ومع بيتك
الحد الأعلى3000
الحد الأدنى2800
3000+2800=5800
5800/2=2900

سعر الاغلاق 2900
2900-2900= 0 >>> استراحة

عدل كذي.....!؟

 

[kuwaitey]

ياريت لو تخليها عملية بعد نهاية تداول نختار كذا سهم

صار عليهم تجميع وتصريف على شان الكل يستفيد

 

[kuwaitey]

جزاك الله خير اخوى

 

[النــاقــد]

خوش موضوع

قواك الله على هالمعلومات

 

[wlmadi]

جزاك الله خير احيانا يكون سعر الاغلاق وهمى للتاكيد حساب متوسط سعر الصفقات واللة واعلم

 

[UNIX]

ما يبين الا من المتمرس برؤية أسعار الطلب و العرض.

و لو كانت السالفة معادلة أم سطر واحد كان العالم كله مافيه فقير. و كان كل الناس مدراء محافظ و صناديق.

 

[Navigator]

ما يبين الا من المتمرس برؤية أسعار الطلب و العرض.

و لو كانت السالفة معادلة أم سطر واحد كان العالم كله مافيه فقير. و كان كل الناس مدراء محافظ و صناديق.

انت صح

والدليل

جروب البدر قبل سنتين

وحاليا المدينه وجروبها

والاكيد البحر

تعتمد على النظره الثاقبه وقوة الملاحظه والمتابعه الدقيقه لحجم الصفقات وطريقة توزيعها اثناء التداول

بمعنى ادق عدد الاسهم المطلوبه والمعروضه وعدد الاشخاص الطالبين واختفائها فجأه سواء للتمويه او البيع على نفس الشخص

بالعربي السالفه مطوله وشرحها صعب

ويونيكس كلامك سليم 100%

بارك الله فيك

وصاحب الموضوع

شكرا

 

[TAKE-OVER]

ما يبين الا من المتمرس برؤية أسعار الطلب و العرض.

و لو كانت السالفة معادلة أم سطر واحد كان العالم كله مافيه فقير. و كان كل الناس مدراء محافظ و صناديق.

اخوي يو نكس
انت انسان مطلع على التداول بالسوق و باستمرار
وكلامك هذا ما هو صحيح
واذا كان على العرض و الطلب
انت تعلم علم اليقين بانه هناك الكثير من الطلبات و العروض الوهميه
و من يحس صانع السوق بانه راح يكون عليها تداول
يسحبها على طول و تختفي الارقام الكبيره
و لو كان على قولتك ( متمرس )
كان ما فيه لا تحليل فني و لا تحليل اساسي
وتبقى و جهة نظرك محل التقدير و الاحترام
و تبقى النظريه هي المعتمده