السلام عليكم ورحمة الله وبركاته
اخواني واخواتي الكرام، أرجو منكم الرد على هذا الموضوع ولو بالتصويت لأنه راح يفيدني ويفيد كل ما يفكر في دخول البورصه ..
ليش كتبت هذا الموضوع !!!!
أنا كانت لي تجربه متواضعه في البورصه وطلعت منها لأسباب خاصه ..
والحين ناوي أرجع لها، وناوي آخذ قرض لأن الصراحه توصيات بعض الأعضاء جزاهم الله خير ما تتطوف وحرام الواحد ما يستفيد منها ..
وعسى الله ياجرهم ويجعل هالتوصيات في ميزان حسناتهم ..
السؤال اللي أبيكم تجاوبون عليه فضلاً وليس أمراً ..
هل في أحد ربح من البورصه ؟
لأن الصراحه كثير ما أسمع من البعض إن البورصة ماوراها إلا الضغط وعوار القلب وو الخ..
ولمن أستشير ناس ما جربت البورصة بعد يسمعوني كلام يخرع
" يامعود شلك بالعباله والدوخه وخر عنها، ومن هالكلام !! " ..
فأتمنى منكم اخواني الرد والتصويت، بالإضافة إلى الإدلاء بالنصيحه الله يحفظكم ..
حتى يستفيد كل من تسوّل له نفسه في دخول هذا المعترك، وأولهم أنا
ومشكورين وسامحونا عالإطاله