في طريقة تحفظين فيها الالوان الخاصه بالمؤشرات
مثلا تفتحين ملف وورد
وتنسخين كل مؤشر مع اعدادات او خبير مع معادلاته
المؤشرات تحفظين معادلاتهم في ملف وورد
ليش ملف ورد لانه يسمح لج باحفظ نفس الالوان الخاصه بالخبراء
الطريقة الثالث شوي يبيلها تركيبز
من نافذة الخبراء (ابوكبوس)
تروحين حق Organizer
راح تفتح لج نافذة وفيها خيارين
الخيار الاول اذا تبين تضيفين خبير
الخيار الثاني اذا تبين تسحبين خبير يعني تحتفظين فيه
تختارين الخيار الثاني Export fomula files
يعدها تضغطين نكست
راح تطلع لج جميع المؤشرات اهني تقدرين تسحبين اي مؤشر بالتأشير عليه
اذا ماتبين تحفظين مؤشر لا تختارين شي
اضغطي نكست
الصفحه اللي بعدها هذي حق البحث بالاسهم اضغطي نكست
وهذا ايضا للبحث عن الاسهم اضغطي نكست
نافذة Expert
فيها صورة شخص قاعد يشرح
اهني تختارين الخبير اللي تبين تحفظينه
بس لازم تسوين مجلد لكل خبير علشان لا يضربون الملفات ويا بعض
وانصح عند الحفظ على سطح المكتبه لسهولة الوصول للملف
للامانه ماجربة اني اختار كذا مؤشر و خبير مع بعض واسوي لهم Export
وطريقة تركيبهم مثل طريقة تثبيت اي خبير
ماعليه الطريقه شوي متعبه لكن احسن لحفظ المؤشرات الخاصه
