بورش
عضو مميز
يعطيك العافيه اخوى بورش والله يخلي لك الوالده يغفر لوالد واللهيسكنه الجنه
ممكن توضح لنا كيف الطريقه بشرح مبسط وكيف نستفيد من هذه النسب وما اهمية الاوامر الملغية وشكرا
اخوي بورش .. الله يطول بعمر الوالده ويعطيها الصحه ويرحم والدك ويغفر له.. بس عندي سؤال هل اذا كانت نسبة الشراء اكثر من البيع معناها ان السهم راح يرتفع؟ وسؤال ثاني ما عليك امر اذا نسبة الاوامر الملغية كبيرة اشتعني للسهم؟ وتسلم ايدك
جهد مشكور اخوي بورش
فيه سؤال : ما المقصود بالاوامر الملغيه ؟؟؟
هل اوامر اللي ادخالها ومن ثم الغيت سواء شراء او بيع ام المقصود الاوامر اللي لم تنفذ سواء من البيع او الشراء ؟؟؟
ولكم جزيا الشكر علي مجهودكم وبصراحه الله يعينك لانه عمل شاق ومهم في نفس الوقت
يعطيكم العافيه
أوامر الشراء تبين في بعض الأوقات ان هناك في شراء على السهم من المعروض, وهي بادرة ارتداد في بعض الأوقات, ناخذ منا قابضه على سبيل المثال, قبل ارتدادها بيوم كانت نسبة الشراء أكثر من نسبة البيع
بس لما نشوف بنك بوبيان يوم كان 610, نشوف نسبة البيع كانت اكثر من نسبة الشراء, ومنها نزل السهم إلى 570 وبعدها نشوف ان نسبة الشراء اهي الي تفوقت, ومنها تم الارتداد غلى 610 واقفل على 600 يوم الخميس.
المستثمر الدولي الي انا غصيت فيه وافتكيت منه. قبل لايعطينا واحد صفر, كانت نسبة البيع بيومين قبل الهبوط الكبير اكثر من نسبة الشراء, وهذا كان دليل على التصريف
بالنسبة ل(زين) انا اشوف نسب البيع مع التحليل الفني تقول ان السهم نازل لي تحت شوي أو وضعه مو مستقر.
نسبة البيع هي ببساطه انه يقط على المطلوب, نسبة الشراء هو الشراء من المعروض. وهذه النسب تكون في بعض الأوقات مؤشر لإرتداد السهم أو التصريف, في بعض الأوقات السهم يقفل على سعر نفس سعر الأساس, ولكن كمية الشراء الكبيره توحي بأن السهم مافيه شي. انا شخصيا استخدم هذا الأسلوب لمعرفة اذا كان هناك نسبة بيع على المطلوب أكثر من نسبة الشراء من المعروض
ملاحظه مهمه: لا تنسون أهميه التحليل الفني.
بالنسبة أخواني للأوامر الملغيه: هي الأوامر الي توضع ومن ثم يتم سحبها, مثلا صانع السوق اذا يبي يلعب بالمضاربه, يحط أوامر ويطلب مليونين على 500 فلس فرضا, وتلقون ناس تحط طلباتهم بعده, وفجأة يسحب طلبه ويرجع يحطه. أول مايقط على 500 فلس, راح يقط على الفقارى الي نفسي. ومنها انا شخصيا اعرف ان السهم فيه عله والحبيب قاعد يحذف علي.
طبعا في أيضا إلغاء أوامر من المعروض, الي يبي تفصيل الأوامر الملغيه ان كانت من طلبات أو عروض لايرده إلا لسانه
بارك الله فيك يا بوجوري ( بورش )
بس تعب عليك هذا الشىء
والصراحة موضوع مهم إن الواحد يشوف سلوك التداول على سهم معين
والأهم أكثر أن يكون لك هذا السلوك بشكل إسبوعي أفضل أعتقد
وأخيرا ً وليس أخرا ً ومهما ً وليس مهملا ً الدعاء لكم بهذا الدعاء المعروف
(( اللهم إني أسألك وأتوجه إليك بنبيك نبي الرحمة، محمد صلى الله عليه وآله، يا أبا القاسم، يا رسول الله، يا إمام الرحمة، يا سيدنا ومولانا، انا توجهنا واستشفعنا وتوسلنا بك الى الله، وقدمناك بين يدي حاجاتنا يا وجيها عند الله، أن يحفظ ويعافي الوالدة الكريمة ويرحم الوالد ويحشره مع من يحب إن شاء الله أنك سميع مجيب ))
أخوكم / بومصطفى
مشكور على الدعوه يا بومصطفى
الصراحه بغيتها في شكل اسبوعي, بس المشكله ان عادي تلقى المحافظ تشتري 4 أيام, واليوم الخامس يتم التصريف أو البيع. اذا بحسبها على 5 أيام بيكون الشراء أكثر من البيع, وفي هذي الحاله ماتضبط.
يشهد الله اني ادعيلك من زمان وانت تدري؟
وعلى هالموضوع يبيلك ........(( دار ))
انت حبيب من زمان يابوحمد
اللهم إني أسألك وأتوجه إليك بنبيك نبي الرحمة، محمد صلى الله عليه وآله، يا أبا القاسم، يا رسول الله، يا إمام الرحمة، يا سيدنا ومولانا، انا توجهنا واستشفعنا وتوسلنا بك الى الله، وقدمناك بين يدي حاجاتنا يا وجيها عند الله، أن يحفظ ويعافي الوالدة الكريمة ويرحم الوالد ويحشره مع من يحب إن شاء الله أنك سميع مجيب
اخوك بوسليمان
يعطيك العافيه يابوسليمان, مشكور وماقصرت