مقارنة اسعار بين الكويت والسعوديه

[البرنس777]

أخي الكريم كوبرا

في توقيع بالنسبة لسورة الحشر آخر ثلاثة ايات هذا مو صحيح و عليك احضار الدليل من كلام الله او حديث صحيح

 

[سهم فسفوري]

الله يعينا على العجـــز الاكتواري.... لازم نقف صف واحد وندعم الحكومه بمالنا وجهدنا لمواجهة العجز الاكتواري حاله خطير تهدد كل بيت.... يجب ان ننسى جميع متطلبات الحياه من غذاء ( إلى ارتفع بشكل جنوني) وننسى متطلباتنا السكنيه( عيالك يسوقون سيارات تو الناس على البيت)
وننسى البطاله(الشهاده ماتنفع صرنا اعبر من مصر)وننسى الديون(يجب صرف مساعدات لدول الفقير حرام يبون ماي وكهرباء) وننسى انفسنا بشر(لاننا لانعامل كبشر)...

اللهم تحمي الكويت من كل مكروه .... امين

 

[Maxima]

نعم اخي كوبرا cobra
الحديث ضعفه الالباني رحمه الله

 

[albttar]

آنا كنت في الخبر من فترة بسيطة وشفت أسعار ملابس الأطفال في أرقى المجمعات هناك أرخص من الكويت وبعد شفت أسعار الكمبيوترات في مكتبة جرير أرخص وشريت بعض الأدوية حق بنتي من الصيدلية اللي عند أسواق التميمي وكانت أرخص من الأسعار اللي عندنا وهذا غير أسعار الأكل في المطاعم وفي الجمعيات كانت أرخص وفي فرق كبير .

 

[كويت2]

السلام عليكم ورحمة الله وبركاته ،،

اسمحولي اخواني أشاركم بالموضوع الطيب ،

أقول سبب الرخص بالسعودية عدة أسباب منها أن السوق في المملكة كبير كبير جدا
والتصريف كبير وسريع ، فلذلك تجد الأدوية على سبيل المثال أرخص من الكويت بكثير
التاجر مستعد لخفض الأسعار اذا كانت السلع تباع بسرعة
أما اذا كان هناك مرجوع أو انتهاء الصلاحية فسيتكبد الخسائر ويضطر لرفع السلع

الحكومة الكويتية متمثلة بالجمارك ألغت الوكالات ، بمعنى أن كل تاجر يستطيع أن يحضر مايريد من الخارج حتى ولو كان للسلعة وكيل في الكويت بشرط أن لاتكون مقلدة ، ولكنها لا تستطيع اجبار المصانع على ذلك .

في السابق كانت الجمعيات التعاونية تستورد بضائع باسمها وتبيع لحسابها ، أما الان فممنوع ولا أعلم ما الحكمة بذلك .

يوجد سلع كثيرة بالكويت أرخص من السعودية ، منها العيش وكذلك بعض المنتجات السعودية كالألبان والعصائر مراعي ونجديه وغيرها ، وذلك لأن المصانع تبيع للمستورد كمية كبيرة فتخفض له بالأسعار بل وتبيع بالأجل ، بعكس اذا ماباعت داخل الدولة .
هل تعلمون أن الفواكه المنتجة مثلا بلبنان تجدونها بالكويت أرخص وبجودة أفضل .

بالكويت لا يشتري من الجمعيات الا الكويتيين او العوائل المقيمين بالكويت ، أعني أن الأجانب المقيمين مع اسرهم بالكويت قلة بالنسبة للعزاب ، أما في المملكة فالأجانب العزاب أقل خاصة من اخواننا المصريين و الجاليات الأخرى ، فالعازب لا يشتري مثل من له عائلة ، وهذا يعود لقاونين الهجرة فب الكويت المتشددة في مسألة جلب الزوجة و الأولاد .

هذا مالدي ، وشكرا لكم

أخوي حدث العاقل بالمعقول .. تقول انه الكويت ألغت الوكالات .. يعني تقدر أدخلي كونتينر نيدو ونستله داخل الكويت ؟؟

 

[Business Man1]

انا شفت بسكوت الطويل mvits بـ 8ريال بس وحجم كبير

والله اسعار بلاش بالسعودية

 

[ابو بندر2000]

بالنسبة لفرق السعر بين السعودية والكويت لاحضت الفرق مو واقع تجربة :
1---- اسعار الادوية ارخص بوااااااااااااااااايد من الكويت.
2---- اسعار الملابس بعد رخيصة مقارنة بالكويت.
3---- اسعار الاعلاف ارخص تقريبا النصف .
4---- اسعار المواد الغذائية والمعلبات وخصوصا المنتجة محليا وبعض المنتجات العالمية ارخص بواايد من الكويت.
5---- اسعار المنتجات البرولية والمحروقات تقريبا ارخص من الكويت.
6---- اسعار الاراضي والعقارات والايجارات ارخص بوااااااااايد .
7---- قطع الغيار والزيوت يوجد فرق بالسعر .
-------------------------------------------------------------------------------------------
السعر المنتج الوحيد الارخص بالكويت هو الارز وماعرف شنو السبب ؟؟؟؟؟؟
-------------------------------------------------------------------------------------------

 

[Business Man1]

بالنسبة لفرق السعر بين السعودية والكويت لاحضت الفرق مو واقع تجربة :
1---- اسعار الادوية ارخص بوااااااااااااااااايد من الكويت.
2---- اسعار الملابس بعد رخيصة مقارنة بالكويت.
3---- اسعار الاعلاف ارخص تقريبا النصف .
4---- اسعار المواد الغذائية والمعلبات وخصوصا المنتجة محليا وبعض المنتجات العالمية ارخص بواايد من الكويت.
5---- اسعار المنتجات البرولية والمحروقات تقريبا ارخص من الكويت.
6---- اسعار الاراضي والعقارات والايجارات ارخص بوااااااااايد .
7---- قطع الغيار والزيوت يوجد فرق بالسعر .
-------------------------------------------------------------------------------------------
السعر المنتج الوحيد الارخص بالكويت هو الارز وماعرف شنو السبب ؟؟؟؟؟؟
-------------------------------------------------------------------------------------------

لان الحكومة توزع تموين بالجمعيات عيش مدعوم فيرخص سعر المنتجات الثانية

 

[العجمي123]

الجواب الشافي لاستفساراتكم << بدا يتفلسف
اخواني في شي اسمه السلعه البديله بس بالكويت مو معترف فيها
شنو السلعه البديله؟
السلعه البديله وهي انك تستبدل المنتج الي سعره غالي بمنتج شبيه له وارخص بالسعر
طبعا هشي مستحيل يصير بالكويت لان الشعب تعود انه ياخذ الي تعود عليه ماله خلق يبدل
المنتج
ع قولة احد الاعضاء يقولك الولد تعود ع الكي دي دي
ياجماعه ترى بيدكم ترفعون الاسعار وتنزلونها
كي دي دي دابل سعره القديم 3 اضعاف
عندك البيبسي من 75 فلس الى 90 _ وبعض الجمعيات 100
عندكم الفطاير الفيصل زايد 50 فلس
وعندك وعندك
صدقوني لو تقاطعون المنتج بتنزل الاسعار
لاتقارنون لكويت بالسعوديه لانه مافي مقارنه
لا جغرافيا ولا سكانيا ولا اقتصاديا
ابقولكم ليش رخص عندهم
ابسط مثال السعوديه اول مادشها شنو يلفت نظرك تلقى الشارع يبدي سوبر ماركت بعدين مطعم بعدين صيدليه ويتكرر هشي بكامل الشارع يعني تخيل شارع فيه 3 بقالات و4 مطاعم و2 صيدليتين
يعني مجال للمنافسه غير طبيعي والعدد السكاني كبير عندهم يعني لو يبيع بسعر رخيص مراح يخسر بالعكس لويبيع بسعر مرتفع يمكن الناس يقاطعون هالمنتج او السوبر ماركت
ولا ننسى انه عندهم الصناعه المحليه قويه
من حليب وشركات بيبسي والمشروبات الغازيه يعني مشالله متوفر عندهم الصناعات المحليه بقوه كبيره
<<لكويت بسكوت ميزان وطحين بونخاله وكي دي دي ولا مرتفعه اسعارها مع انها سلعه محليه
فما مافي مجال نقارن
الي نقوله الله يحفظ لكويت واهلها والله لايغير علينا بهنعمه

 

[Faris]

أنا معك اخوي العجمى بكل كلمه وفعلا هذا إلى صاير

قاطعوا التجار وقاطعوا السلع المعروفه والمشهوره المتداوله ( مقاطعه )

بس من يقتنع . التجار عندنا معدودين على الاصابع وناظرين لمجتمعنا إن مسواه فى الاعلى بالنسبه للراتب والمعيشه وما يستغنى عن سلع معينه ومحدده .. ولا تنظر للسعوديه وغيرها لأنه مستواه الرواتب جدا متدنيه ولا عجب عندما ترى الاسعار منخفضه !

قاطعوا يا شباب والسلع معروفه ومشهوره خاصتا بينا ياكويتيين !!

 

[حطوير]

هل تصدقون ان السلع ترتفع كل يوم !!!!
بالامس صدمت من حفاظات للاطفال العبوة الاقتصاديه (( دارينفز )) لونه بنفسجي
كنت اشتريها 2,990 وامس ارتفعت الي 3,600 !!!!
تخيلوا

 

[Knights]

ما اقول الا حسبي الله ونعم الوكيل هذا بس الي اقوله

 

[حطوير]

علبة الماكنتوش بالجمعيه تخيلوا سعرها ارتفع الي 7,450 !!!!!!!!!!

 

[وليد السعيدي]

الله يعين ...

 

[حطوير]

يا جماعه ما فيه حد يجيب لنا الاسعار من السعوديه للمواد
الي تتداوال علي طول

 

[keepintouch]

يعطيكم العافية على هذا النقاش والتوضيح الطيب

 

[بودعيج]

نبي حلول بديلة

في جمعيات الحرس والجيش والشرطة يمدحون اسعارها وصراحة مو حل اروح للخفجي ولا الحفر اتسوق يكفي البانزين والتعب والوقت الا اذا رايح تمشيه وانت مار خذيت الماجلة الطيبة عاد شي ثاني بس هم اكرر ما هي الحلول البديلة ما هي الاماكن اللي ممكن نلاقي السعر فيها رخيص