للمتابعه ...........!!

[المانع]

للرفع

عند الارتداد

 

[*بو عبدالله*]

السلام عليكم جميعا يا اخوان

ارجو المعذرة على التاخير والسبب بعض الانشغالات والظروف




الدعم الحالي 250-260

المقاومة 280-295

بالنسبة لرايي بالسهم

في الوقت الحالي شخصيا ما ادخل عليه لان كان الدخول عند السعم عند مستوى ال 250 وهو ظل فترة عند الاسعار هذي بالاضافة الى وضع السوق هالوقت

والله تعالى اعلم





يالنسبة لزين

الدعم الحالي 1520-1540

الدخول ممكن على الاسعار هذي

لكن وقف الخسارة بالاغلاق اسفل الدعم يومين لان السهم ممكن يتجه الى الدعم الي بعدة بحدود 1360


بالنسبة لاجليتي السهم حالي ما يشجع للدخول

مع امكانية الارتداد غذا لوصوله الى نسبة دعم فيبوناتشي 61.8% عند مستوى ال 1100-1080

والله اعلم







مشكور اخوي مدير على كلامك ما قصرت

تبي تعرف سالفة بنك بوبيان شوف منو ملاكه ؟؟ طبعا الدار

والدار حتى سهمهم ما ينعرف له صراحه

شغلك صح دام انك تلعب معاهم عدل استمر دام انك تربح

والله يوفقك ان شاء الله




اي نعم اخوي شرعية حسب احدث نشرة

والله اعلم



هلا فيك اخوي

في حال اغلاقها تحت ال 248 يومين وقف خسارتك


ذكرت سابقا ان السهم هدفة 300 ووضعت عليها تحليل عند ال 250 والسهم وصل الى ال 290

عموما اهم شي انك تفعل وقف الخسارة والسهم ممكن يرجع سعره في حال دخول الملاك عليه مرة ثانية

بس للتنويه غالبا ما يكون السهم ثقيل جدااا جدااا وتداولاته ضعيفة الا في الفترة الاخيرة

والله اعلم







بالنسبة لمبرد حاليا وقف خسارتك في حال اغلاقة تحت ال 275

السهم جيد على الاسعار هذي لكن تفعيل وقف الخسارة مطلوب

بالنسبة لصلبوخ

اسعار شراء عند مستوى ال 270-265

السهم ماسس بشكل جيد عند هالاسعار

ووقف الخسارة بالاغلاق اسفل اسعار الشراء


والله تعالى اعلم




الصفوة حاليا وضعة حرج نوعا ما على وشك انه يكسر ترند نازل بس اظن والله اعلم ان في كميات شراء جيدة عند مستوى ال 240

في حال تاكيد كسر الترند تعتبر اشارة للخروج

والله اعلم




بالنسبة للاستهلاكية

اغلاق يومين تحت ال 305 وقف للخسارة بصراحة شارته مو واضح بالنسبة لي

بالنسبة لاعيان ع

السهم كسر دعمه عند مستوى ال 285 واعتقد انه من الممكن يتجه الى الدعم القادم 260-255

وجهة نظري ان السهم وبالخصوص الفترة الماضي كان يتم الضغط عليه وما كان فيه ناس تبيع

شخصيا لو املك الكاش لدخلت عليه وصبرت

والله اعلم





الله يجزاك خير اخوي



السهم حاليا عنده دعم ممتاز على ال 134

ثم ال 130 ويعتبر دعم ممتاز ان شاء الله

السهم من قروب البدر وماني عارف مايته بصراحة

والله تعالى اعلم





السهم جيد للدخول عند مستوى ال 150-148

يعتبر دعم تاريخي من شهر 12 عام 2006

في حال الاغلاق يومين تحته يعتبر اشارة لوقف الخسارة

الهدف الاول 160 في حال ارتداد السهم

والله اعلم



هلا فيك حبيبنا

يعتمد عليك شخصيا ان كنت مستثمر مدى طويل او متوسط او مضارب
ان كنت مستثمر فلا تبيع شي خصوصا ان كنت على المدى الطويل
اما ان كنت مضارب

بتروجلف وقف خسارتك في حال اغلاقه تحت ال 385 مدة يومين
صافتك بعض المؤشرات دخلت في المبالغة في البيع وانا شخصيا مع اني خسران فيه لكني ما راح ابيعه ان شاء الله السهم كسر دعم ال 152 وكانت هي اسعار الدخول ووقف الخسارة بالاغلاق اسفل من ال 152 اما حاليا فمثل ما قتلك

جيران عندة دعم ممتاز على ال 280 وهي بوجه نظري اسعار شراء ووقف الخسارة بالاغلاق اسفل منه مدة يومين

مبرد تم الرد عليه في نفس الرد

موفق خير يا اخوي



هلا حبيبنا فيصل

والله يا اخوك متى ما حصلت سهم يستحق الدخول حتى في حالة نزول السوق راح انزل فيه تحليل لاني وبكل صراحة مو خايف من اتجاه المؤشر وخصوصا لما الواحد يكون ماخذ باسهم جيدة وباسعار جيدة وبنفس الوقت مستثمر على المدى الطويل والمتوسط

والتصحيح امر جدا متوقع وللامانه استغرب من الي يبي السوق دائما في حالة اتجاه صاعد هذي ولا عمرها صارت
اساس التداول في اي بورصة هو النزول والصعود ولو كان فيه اتجاه واحد فقط ما صار تداول


عموما الوضع بشكل عام لا باس فيه واجتمعت عدة عوامل بوقت واحد خلت السوق يصحح خصوصا انه ينتظر الشارة عشان يصحح
منها
سالفة ايران
ارتفاع اسعار النفط بشكل قوي
انخفاض الدولار بشكل كبير
مما ادى الى نزول السوق الامريكي بشكل جيد

مع ان ارتفاع اسعار النفط ونزول السوق الامريكي من وجهة نظري قد يكون شي ايجابي للسوق لكن على ما يقولون الارتباط النفسي مع اقوى اقتصاد في العالم

وارتبط الشي هذا نفسيا مع اسواق العالم ومنها السوق الكويتي
بالاضافة الى اعلان ايران عن اغلاق مضيق هرمز
بالاضافة الى ان السوق بالاساس صعد بشكل كبير بترند ثانوي من اواخر 2006 الى اليوم وبحاجة الى نزول

هذا رايي الشخصي

فان شاء الله خير




تم الرد والحمد لله




تمنياتي لكم بالتوفيق ان شاء الله


وعذرا مرة اخرى على التاخير وسامحونا في حال ان تاخرنا على الرد


اخوكم

بو عبدالله

السلام عيكم بو عبدالله الله يبيض وجهك و يرحم والديك , كلام دايم موزون عسى الله يزيدك من فضله , نبي منك تحليل لسهم الصفوة و أبيار في هالويكإند على رواقة ( دعاية شاي الوزة ) أمس و اليوم حركتهم تصعب على المبتئين إلي مثلي ( و على قولة بوفيت: أفرح عندما ينزل السوق مثل ما يفرح الشراي و قت التنزيلات, يعني سوقنا مسوي تنزيلات بس لا يكون يبي صفي بضاعة و يصكر "متفائل خير" )

واياك ان شاء الله اخوي بو عيسى هذا من طيبك

الصفوة وابيار جيدين للاستثمار لكن افضل الانتظار حتى الواحد يقدر ياخذهم بافضل الاسعار وحتى تتضح رؤية واتجاه السوق

والله اعلم

اعيان ع
الاستهلاكية

شنو وضعهم ؟ لاهنت...

هلا اخوي حدي راهي

تم الرد عليك في الرد السابق بس يمكن ما انتبهت له

السلام عليكم جميعا يا اخوان


الله يجزاك خير اخوي



حاضرين أخوي بوعبدالله ودي لو نردلك بعض الجميل اللي تقدمه للجميع والله يجزاك كل خير.

العفو يالحبيب ما سوينا شي نرجوا منكم الدعاء فقط

بارك الله فيك ، كفيت ووفيت يابوعبدالله
وجزاك الله خير والله يجعلها في ميزان حسناتك
خلاص أنا بامسك بكل الاسهم وما راح ابيع مادام كلهم ممكن يصعدون أو حتى يرجعون لاسعارهم اللي اشتريتهم فيها. انطر ولا أني ابيع بخسارة
الحمد لله على كل حال و الحمد لله على أنه رزقنا بمحلل مثلك يا بوعبدالله

هلا حبيبنا مشكور على كلامك الطيب والشباب الله يجزيهم خير فيهم الخير والبركة وانا واحد من هالشباب المجتهدين والله يعطي كل على قد نيته


موفقين خير وادعوكم الى التريث قبل اتخاذ اي قرار للشراء او للبيع وهذي طبيعة كل اسواق العالم ما بين صعود ونزول


والله الموفق

 

[nnaahhaarr]

السلام عليكم

اخوي ابو عبدالله شنو رايك في الهتيس تليكوم

وافضل سهم لدخول اليوم


لك منا جزيل الشكر

 

[*بو عبدالله*]

الصبر الصبر الوضع ككل ما يسمح لاتخاذ قرارات نهائية بالدخول او الخروج

الا المضارب والي يملك الكاش وقلبه قوي يقدر يطقطق بشكل يومي ويوقف خسارته على طول في حال النزول

 

[nnaahhaarr]

طيب ابو عبدالله بخصوص الهيتس تليكوم انا عندي شاريه 425

 

[MgAzLcHy]

بوعبدالله خسران بالأفكو وتمويل خليج أمسك لي نهايت السنة ولا ننحاش

 

[*بو عبدالله*]

طيب ابو عبدالله بخصوص الهيتس تليكوم انا عندي شاريه 425

اعتقد ان سعرك جيد ان شاء الله

ويعتمد عليك ان دخلت مستثمر ام مضارب

بوعبدالله خسران بالأفكو وتمويل خليج أمسك لي نهايت السنة ولا ننحاش

هلا فيك اخوي

يعتمد على دخولك هل انت مستثمر ام مضارب

مستثمر السهمين ما يخوفون ابدا ان شاء الله من وجهة نظري

اذا مضارب لا بد انك تكون موقف خسارتك حسب سعر دخولك


والله اعلم

 

[الفال الطيب]

مرحبا بو عبدالله ..
( جراند - اولى وقود - عراق قابضه ) شلون تحليلهم ..؟؟

 

[*بو عبدالله*]

مرحبا بو عبدالله ..
( جراند - اولى وقود - عراق قابضه ) شلون تحليلهم ..؟؟

هلا فيك اخي الكريم

جراند للاسف مؤشراتها حتى الان سلبية وكسرت دعم ال 218

الدعم الحالي 208 وبعده ال 190 فلس والله يكون بعون الجميع ان شاء الله

اولى وقود

مؤشراتها سلبية جدا جدا الى الان ودخلت مرحلة المبالغة في البيع وشخصيا ما افضل البيع الان خصوصا ان كان طالع عليك بالعالي الا بعد كسر الدعم الحالي 385 لانه بعدها يتجه الى الدعم الي بعده 360 والله اعلم


عراق قابضة للاسف غير شرعية

 

[الفال الطيب]

- جزاك الله خير على سرعة الرد -

 

[حدى راهى]

بوعبدالله


مشكور وماقصرت
والله يوفجك دنيا واخرة

 

[MgAzLcHy]

مشكور بوعبدالله والله انا ناوي اقط قبل توزيع الأرباح......وياريت تعطينا رايك عن اسعارهم التقريبية في الفترة القادمة

 

[shanab]

الله يعطيك العافيه

والله يرزق صحه ومال ومعرفه

 

[ابوفيصل2008]

مرحبا ابو عبدالله اشرايك بالميادين تنصحني ادخل عليها ولا انطر عليها اشويه بعد وانت شايف وضع السوق بشكل عام

 

[FOREVER]

مساك الله بالخير يا بو عبدالله ابي شنو وضع مشرف شرايك فيها

 

[ابوعيد]

يعطيك العافية يا بوعبدالله .........
شرايك ببنك بوبيان وشنو تحليلك للسهم وهل توقع له صعود؟

 

[الذهبي]

بوعبدالله

السلام عليكم
الصفوة شرائيك في السهم في الفترة الحالية
وشلون نقدر نلعب وياهم
قصدي نضارب في السهم
نرجوا النصيحة منك بو عبدالله
الله يجزاك خير ​

 

[acton]

هلا بوعبدالله سامحنا على الازعاج وسع صدرك علينا تدري الحين كل من خايف يشتري واذا شرا يبي يتأكد منك ومن الناس الطيبه وانا قطيت ابيار ودي اشتري من الدعم الثاني بس كم الدعم من بعد ماكسر الدعم الاول680

 

[الفال الطيب]

للرفع.

 

[الذهبي]

بوعبدالله

السلام عليكم
الصفوة شرائيك في السهم في الفترة الحالية
وشلون نقدر نلعب وياهم
قصدي نضارب في السهم
نرجوا النصيحة منك بو عبدالله
الله يجزاك خير ​

السلام عليكم ​