ليش التفرقة؟؟

[أبوصقر]

استبشرنا خير بالفائض المالي..
استسبع النواب للدفاع عن الشعب..
تمخضوا بزيادة 50 دينار..
ولـــــــــــــــــــــــــكن..

لمن معاشه اقل من 1000 دينار..

بالضبط نفس اللي اعترضوا على اسقاط القروض بحجة عدم المساواة
وافقوا على توزيع 50 دينار لمن معاشه اقل من الف..
اليست هذه عدم مساواة..
شخص معاشه 950 سيتساوى بعد الزيادة بمن معاشه 1000
الزيادة يجب ان تعم الشعب..لان اللي معاشه اكثر من الف = عمله يساوي اكثر من الف..
ارجو اضافة ارائكم بهالموضوع..

 

[بصرك]

ياخي فيه بعض المدنين الي ماعندهم كادر معاشاتهم مع عيالهم ماوصلت 800
وفيه ناس ماشاء الله معاشاتهم فوق الفين دينار
والغلا مايعرف واحد راتبه اقل من الف ولاواحد راتبه اكثر من ثلاث الاف دينار

 

[gdeem]

أضفنا رأينا وشطب الموضوع لأن اللي أقروا الزيادة ممنوع الإقتراب منهم أو اللمس وشكرا للصانع وربعه​

​

 

[بسام باسم بوباس]

مع الاسف يابوصقر مافي معيار او حتى دراسه على القرار الي انشالله مايمر بهالطريقه الساذجه

 

[abuhbib72]

فعلا معاك حق اخي

يعني اللي معاشاتهم اقل من الف كويتيين

واللي اكثر من الف مو كويتيين

كانهم داشين محل ويدورون على ارخص سعر

حسبي الله ونعم الوكيل​

 

[caca]

ابو صقر الله يعين...
عاد كله 50 دينار لازم فيهاا منى وترجى...
إن لم تستحي فاصنع ما شئت ..
قبل لا يسكر الموضوع...

 

[ali2105]

انا أعتقد مفروض يوافقون على القتراح يا أخي أذا ماحشك الزياده أكيد راح يحوش اهلك او أقاربك او ربعك واخوانك على العموم انا راتبي فوق الألف وصحيح محتاج للدينار بس إن شاء الله الزياده تمر ويستاهلون أهل الكويت ومبروكين مقدما:d

 

[knp]

ربكم كريم والله يرزقهم ويرزقنا

 

[هداف]

اي والله اخوي ابوصقر
صج قانون ساذج
الضاهر راح نقدم استقالاتنا علشان نتوظف في هالوظايف وناخذ الخمسين هذي والخمسينات اللي بعدها
تدرون ياجماعة اللي راتبه يطوف ال1250 راح يقصون منه الخمسين اللي فاتت ولما يطوف ال1000 راح يخصمون منه الخمسين هذي
يعني لااحد يفرح مصيركم راح تاخذون علاوات ودرجات وراح تخصم من راتبكم
يعني الحكومة دارسة الوضع وكانها تقول مصيرها ترجع جيبي

 

[boabdulmohsen]

الحكومة دايخة تبى تكحلها وعمتها 0

المفروض الى عندة كادر ماياخذها

لان الى خريج +قديم بالعمل +6 اطفال اكيد معاشة فوق الالف

زين واذا زايد فوق الالف بدينار شنو حلها 000

اليو م لازم مجلس الامة يحلها 00الله يفكنا من حدس لانها شر على المواطن 000000000

 

[مضارب شجاع]

والله قهر واللي معاشه 1001 !!شنو وضعه !!! يعنى بصراحه تعودنا مع اعضاء مجلس الخمه ، العفو الامه ، فى مثل هذه القرارات الغير عادله والغير منطقيه ، دائما يتركون ورائهم مشكله تحتاج لحل
ولكن السؤال لماذا لم يتسعينوا فى البنك الدولي لمناقشة هذه المشكله !!!!!!

 

[(فزاع)]

تسجيل دخول ..قبل اغلاق الموضوع ..!

 

[مليون دينار]

والله قهر يعني ما يحوشني شئ::verymad::

 

[شجاعي]

انا تحوشني الزيادة

لكن لو كتب الله وزادوا اعيالي بالمستقبل القريب يسحبون مني الخمسين ؟؟


وبعدين اغلب الموظفات والمدرسات رواتبهم اقل من الألف يعني الطبخة الخمسين للحريم

طبخة حريمية هههههههههههههههههههههه


قبل الحذف