شركة أصول للإجارة والتمويل ش.م.ك.م ( اصول )

[boalons]

اصول وعقد 10 مليون

قريت خبر فى موقع المركز الشرقي للاستشارات

انه يشاع بأن الشركة قد وقعت عقدا لتأجير السيارات مع القوات الاميركية بقيمة 10 مليون دينار لمدة 5 سنوات

غدا انشاء الله نحاول انتأكد من صحته

 

[boalons]

اشاعه


نفى المسؤلين بالشركه الخبر



والله اعلم

 

[mae2326]

أتمنى من الأخوان فى المنتدى أن يوضحون لنا ما يعرفون عن سهم اصول فالسهم بطئ الحركه جدا صعودا ونزولنا والتداول عليه قليل وما هو سر عزوف المستثمرين عنه مع ان كل الاخبار اللى نسمعها عنه تبشر بالخير هل لانه استثمار طويل الاجل نسبيا .
مع ملاحظة أن السهم هو الارخص سعرا من الشركات التى لها نفس نشاطه والله انا قاعد اطلب منكم النصح لاخواننا فى المنتدى لانى انا قطيت ثقلى على هالسهم واشتريت كميه منه وراح انساها عسى تضرب فى يوم ما .

 

[almotaktak]

أصول

أنا ملاحظ انه أي شركة مملوكة لبيت الإستثمار الخليجي مثل اصول او بيت التمويل الخليجي تطرح في البداية بسعر عالي ثم تنزل على العكس مما هو مطلوب اصول اول ادراجها وصلت الى 320 فلس والآن 230فلس وبيت التمويل وصل الى 550 فلس والآن 490 فأعتقد انه هالشركات المالكة يجب انها تفكر تربح من برة من من مساهمينها وجهة نظر شخصية والله

يرزقنا ويرزقك بإذنه تعالى

 

[mae2326]

الأخ almotaktak أشكرك على ردك واحب ان اخبرك بأن شركة أصول مملوكه لبيت الأوراق الماليه وليس بيت الاستثمار الخليجى .

 

[almotaktak]

مالكي اصول

اعتذر عن عدم الدقة في بيان مالكي وحدات أصول وهي كالتالي كما أخذته من موقع البورصة www.kuwaitse.com
مباشرة / -- بيت الأستثمار الخليجى / 11.27 %‏
مباشرة / -- بيت الأوراق المالية / 18.884 %‏
غير مباشرة / -- شركة مجموعة الشايع / 9.248 %‏
مع تمنياتي لك بالتوفيق

 

[boalons]

السلام عليكم

اخوي قارن بين ارباح اصول والشركات مثيلاتها

اصول تقريبا 1.300.000

اعيان تقريبا12.000.000

الدار ما اذكر بس اكثر من 10.000.000

اصول نشاطها السنين الي فاتت مركز على المرابحه الي ماتوكل خبز واعيان والدار مشاء الله شغالين بقوه بسوق العقار والاستثمار هذا الي مسوي فرق بالارباح وقيمه السهم

بس نصيحه اصول راح تتغير تغير مفاجيء السنه القادمه راح تغير نهجها وبتدخل بسوق العقار وراح تزيد راس المال يعني سهمها استثماري 100% انشاء الله

اخوي هذا مو كلام رسمي استنتجت هالكلام من نقاش من الاصدقاء الموظفين في هذي الشركات

والله اعلم

 

[بيلووو]

السلام عليكم

صحيح كلامك أخوي الفاضل بان سهم أصول استثماري 100% ان شاء الله

وللعلم سوف يتم زيادة راس المال 47% تقريبا من راس مال الشركة

يعني زيادة كبيرة مو شويه والشركة للحين ما اخذ سعرها بالسوق حقه لان لان ملاكها لا يستعجلون على سعر السهم انه يرتفع ولا يتدخلون فيه على ما اعتقد انا لانهم يستثمرونها الاستثمار الصحيح ان شاء الله ولانهم ذو سمعة معروفة بالسوق

والله يرزقنا وياكم الرزق الحلال ان شاء الله

 

[فيغو]

شركــــــة اصـــــــــــــــــــــــــــــول

السلام عليكم
انا اشوف ان شركة اصول تملك مبالغ هائلة
مع العلم انها تستثمر بالشكل الصحيح والمردود
قوي جدا بدون ذكر ارقام
ليش هالسوق منزلها بالشكل الغير صحيح
المفروض ان السوق يرفعها ويعطيها حقها الصحيح
وانا اتوقع ان الشركه لو انها بالسعوديه كان سعر السهم
200 ريال والله علي الاقل افيدوني جزاكم الله الخير
علي الايميل bofahd2000@hotmail.com
وشكـــــــــــــــــــــــــــــــــــــــــــــــــــــــــــــــــــــــــرا

 

[almotaktak]

السبب معروف

السبب معروف لأنها زودت راس مالها بنسبة 43 بالمية تخيل يمكن 7 منحه و37 بالمية بقيمة 150 فلس للسهم ونشاطها اكثره مرابحة ما توكل خبز بس السبب الرئيس زيادة رأس المال وليس الربحية لأن سوقنا يركض ورا الشركات الخاسرة مو الرابحه وشكرا

 

[mae2326]

السلام عليكم
انا اشوف ان شركة اصول تملك مبالغ هائلة
مع العلم انها تستثمر بالشكل الصحيح والمردود
قوي جدا بدون ذكر ارقام



الأخ فيغو أنت متأكد انك تعرف كم أرباح أصول عشان تقول يمكن توصل فى السعوديه سعر السهم 200 ريال

 

[خالـــــد]

عندي أصول ابيعها ولا انطر ؟

يعطيكم العافيه على المنتدى الماشاء الله ممتاز

بس انا عندي سوال عندي بشركة أصول ابيعها ولا انطر تعبت منها موراضيه تصعد خير شرررررررررررررررررررررررررررر ؟؟؟؟؟؟؟؟؟ شنو تنصحون وشنو تعرفون عن الشركة هل هي فيها مشاكل او خسرانه وشنو سبب نزولها يوم عن يوم وهل تنصحون بالاستثمار فيها ولا الغببببه منها ؟


وشكرا اخوكم خالد

 

[TechnoFund]

الراي لك

الراي لك .. لكن انا اشوف انه السهم نازل على المدىالمتوسط و الطويل
أما للإستفاده على المدى القصير يمكن تستفيد من وقت لآخر ..

وسلامتك يالسمي .. وتقدر تشوف الفايل المرفق

 

[خالـــــد]

مشكور يالسمي على سرعة الرد بس الصراحه متردد اخاف ابيع

اتحسف ويرتفع السهم والمشكلة اني خسران فيها وايد والله بس الحمدلله

على كل حال الله يرزق

مشكور اخوي والله يعطيك العافيه

 

[أبو عبدالمحسن]

يا اخ خالد

اذا خسارتك كبيره مثل ما اتقول

انصحك لا تبيع

والسبب ان شركه اصول من الشركات الاسلاميه في السوق ( وهم قله )

ثانيا الشركه نظيفه من التداول بالسوق يعني غيرها اذا استمر نزول السوق راح ايكون عنده خساير لان محافظهم راح اتغسر ولو بشكل دفتري في بعضها

وارباحها حسب علمي انها جيده لكن زياده رأس المال اثرت على السهم بالسوق ( شي طبيعي )

لا اييدك بالبيع الى انك لاقي سهم صيده وشبه متاكد من صعوده ( تحتاج خبره او معلومه )

هذا والله اعلم

 

[خالـــــد]

مشكور أخوي بو عبد المحسن

بس يا اخي كرهت السوق خلاص

شكلي بحول امريكي


والله كريم ان شاء الله

 

[afham]

لاتبيع

السلام عليكم

أذا ماعندك جاجه ماسه للفلوس طيعنى لاتبيع..تري بتحصل خير آنشالله.

 

[خالـــــد]

الله يسمع منك اخوي افهم

 

[فيغو]

الرد علي الاخ خالد

مرحبا خالد
تري الشباب ردو عليك بالخط العريض لا تبيع
وشركة اصول المفروض الان تكون 240 فلس علي الاقل
لكن البنك اللي يقولون انه اسلامي نزلها وهذا السوق
غير صحيح
لا للبيع لا للبيع لا للبيع
والله يوفق الجميع انشالله

ونصيحه من قلبي

السوق الامريكي خايس جدا ولا يرحم وياما خسر ناس ومن ضمنهم انا
ونصيحه اللي يبي فلوسه يقعد في سوق الكويت احسن​

 

[خالـــــد]

شكور اخوي فيغو على النصيحه

ما تقصر ان شاء الله

بس الشركة ان شاء الله لها يومها بالارتفاع بس متى هني المشكلة

متى هاليوووووووووووووم ؟؟؟؟؟؟