بيت التمويل الخليجي - ش م ب ( تمويل خليج ) ...6

[بورش]

تسلم يالغالي على التصويب

ومنكم نستفيد ان شاء الله

ولاعليك امر رايك في السهم وتوقعك له هالاسبوع

ولاعليك امر وتسلم يالغالي

مامن أمر ياخوي ماحب أحلل حق هذا السهم عشان نفسيات اخواني بالمنتدى, ولكن من زمان وانا اقول ان تحليله سلبي, وهو ماينفع الا حق المضاربه حالياُ حتى تتضح نتائجه في الربع الرابع ويبين قاعه
على العموم, السهم على دعم 250 فلس, اذا كسره بالنسبه لي خروج
في مقاومه قويه للسهم على 290 اذا كسرها, اقول يروح 350 ان شاء الله, لكن حالياُ اقولك السوق مايساعد أي احد يجازف
دعم قوي ومهم له على 164 وهو اهم دعم اذا كسره اقول يا ليل ما أطولك
بالتوفيق

 

[مضارب الخير]

عسى الله يوفقك ولايحرمنا منك

انا معاك ان السوق مايشجع والوقت موللدخول لكنها فرصة مضاربيه

للاستفاده من الارتدادات وليست دعوه للبيع ولاللشراء

وان كسر الدعم يسلم راسك بتكون خساره اللي دخل توه بسيطه

لكن اللي تعلق كان المفترض يخرج اول ماكسر السهم متوسط

200 يوم وكسر الترند الصاعد الرئيسي

الله يكون في عون الجميع

وانا انسحب من الموضوع خشية ان يتعلق احدنا بسببي

واحمل وزره واصاب بتانيب الضمير

الوضع العام مايشجع سوى على الصعيد العالمي او الصعيد المحلي

حتى لو السهم له نيه للصعود راح ينطق على راسه

واللي بيتعلق طبعا المساكين وبيدعون علي

سامحوني يااخوان ونشوفكم على خير ان شاء الله

 

[مضارب الخير]

الله يستر بستره

لابالله توفقنا

ان شاء الله اسواقنا ماتتأثر بسوق اخواننا في السعوديه

السوق السعودي ينخفض بأكثر من 6 % بقيادة قطاعي المصارف والبتروكيماويات.. وسهم "سابك" ينخفض بالنسبة القصوى
أرقام 17/01/2009

أدت عمليات البيع الكثيفة في السوق السعودي منذ بداية التداول إلى تراجع المؤشر العام باكثر من 6 % ليقترب من كسر مستوى الـ 4600 نقطة مسجلا 4619 نقطة (-317 نقطة) وسط تداولات بلغت 1.6 مليار ريال حتى الآن.

وشهد السوق اليوم تراجع معظم الشركات المدرجة بقيادة شركات قطاعي المصارف والبتروكيماويات،

حيث انخفض سهم "سابك" بالنسبة القصوى وسط انعدام الطلبات عليه مسجلا 47.1 ريال (-5.15) مع تداولات تجاوزت 7.5 مليون سهم مع نهاية الساعة الأولى.

كما تراجع سهم "الراجحي" أكبر الشركات وزنا في احتساب المؤشر، بأكثر من 4 % مسجلا 56.0 ريال (-2.75) وسط تداولات قاربت الـ 600 ألف سهم، فيما يتم تداول سهم "سامبا" عند 42.0 ريال (-4.6) وهو أدنى مستوى له منذ نحو 5 سنوات.

ويشهد السوق حاليا ارتفاع قائمة الشركات التي انخفضت بالنسبة القصوى وسط انعدام الطلبات عليها.

ومع تراجع السوق اليوم يكون المؤشر العام قد واصل تراجعه للجلسة الرابعة على التوالي حيث فقد خلال الجلسات الثلاث الماضية أكثر من 170 نقطة.

 

[بونور2]

مضارب الخير و بورش بارك الله فيكم و موفقين

 

[نصوح]

باقي 6 أيــام تداول على
إعلان الربع الرابــع​

 

[صايدهم]

عسى الله يوفقك ولايحرمنا منك

انا معاك ان السوق مايشجع والوقت موللدخول لكنها فرصة مضاربيه

للاستفاده من الارتدادات وليست دعوه للبيع ولاللشراء

وان كسر الدعم يسلم راسك بتكون خساره اللي دخل توه بسيطه

لكن اللي تعلق كان المفترض يخرج اول ماكسر السهم متوسط

200 يوم وكسر الترند الصاعد الرئيسي

الله يكون في عون الجميع


وانا انسحب من الموضوع خشية ان يتعلق احدنا بسببي

واحمل وزره واصاب بتانيب الضمير

الوضع العام مايشجع سوى على الصعيد العالمي او الصعيد المحلي

حتى لو السهم له نيه للصعود راح ينطق على راسه

واللي بيتعلق طبعا المساكين وبيدعون علي

سامحوني يااخوان ونشوفكم على خير ان شاء الله

حلوه هذي انسحب من بعد ماطمر السهم الى فوق الحين يقول يحس بتأنيب الضمير ماقول الا الله يوفقك ومره ثانيه لاتستعجل الامور ترى الناس خذت بكلامك وشرت كميات جزاك الله خير

 

[مضارب الخير]

حلوه هذي انسحب من بعد ماطمر السهم الى فوق الحين يقول يحس بتأنيب الضمير ماقول الا الله يوفقك ومره ثانيه لاتستعجل الامور ترى الناس خذت بكلامك وشرت كميات جزاك الله خير

هلا بالغالي

بالعكس انا عند كلامي وموقفي ان المؤشرات ممتازه وحاليا وقف على الدعم

وعلى الفجوه مباشره وبإذن الله بيرتد من هالنقطه

كلمة انسحب هي تبرئه مسبقه خوفا من ان الناس لايلتزمون بوقف

الخساره عندما يكسر الدعم ولايقرؤن المشاركات كامله

ثم يلقى باللوم على عاتقي

الى هذه اللحظه الامور ممتازه بإذن الله

حيث انه من المنتظر قله التداول لتكوين الكتف الايمن واغلاق الفجوه

لكن الاوضاع الحاليه غير مطمئنه ( هبوط مدوي للسوق السعودي )

ولكن بفضل الله لم يتأثر السوق به كثيرا

 

[مضارب الخير]

مضارب الخير و بورش بارك الله فيكم و موفقين

الله يبارك فيك يابونور

الله يعطيك العافيه على التوقيع الطيب

 

[TAXI]

taxi
هناك دائما في سؤال لاتجد له اجابه لا في المنتدى ولا حتى عند المحللين ...............اتحاول ادور سبب مافي اجابه
هل في شي هل السهم في خساره هل في فضيحه
شوفو التمويل الخليجي ليش السهم انهار.........انا معندي اجابه
لكن الواحد لازم يصدق اللي يراه ابعينه وليس اللي يحسه ابقلبه
السوق علمنا مافي دخان بدون نار ...........والفيران اول من تهرب من السفيه اذا احست امصيبه

الان السهم تريند نازل رغم الارتدادات التصريفيه
اليوم كانت المقومه 265 لم يستطع الاقفال فوقها رغم التدوير العنيف لسهم .........فهو اقفل ع 250
الان يوم الاحد اذا اعطى شمعه حمراء مع قله بالتداول فان السهم متجه 192 محطه ارتدا الدعم
ام اذا تماسك وقفل فوق 265 فانه بطريقه ل315 مقاومه قويه
الصور المرفقة

المشاركة الأصلية كتبت بواسطة بو فهمي


اعتقد اعلان الشركه الاخير عن لمشروع 3مليار وفي عز الازمه يرد على تساؤلك الاول

البيع بكميات عاليه يؤكد نزول السهم اما البيع بكميات قليلة يدل على قلة الرغبه بالبيع واحتمال الارتداد
فعليه اذا كنت مضارب وشفت انحدار بسعر السهم وبكميات عالية يوم الاحد انحش واعتقد الاخوان حددو نقاط الدعم

المستثمر ماعليه خوف لان وضع الشركه ممتاز والازمه مهما طالت لازم تنتهي
الله يوفق الجميع

taxi
ابوفهمي انا عطيتك احتمالين والارقام هي اشارت الطريق

السهم لما يكون باسعار مغريه وهو بنزول مستمر وبالحد الادنى
معناه هناك ليس بيع عدي هذا تخلص ام مفهوم السعر الغري
انتهى هناك هروب ...........منو يطلع قبل الناس
لما سهم نازل من 700 فلس ومن 4 سنين مانزل عن 500 فلس
ويصير تداول 28مليون عند 250
ابيك اتلاحظ عدل لما يطب 255 شوف الشراء وشوف القط ع 250
ورغم التدول الكبير نزل تكتين اي البيع اكبر من الشراء حتى القفال
وهمي
لذلك انا حطيتلك طريقين فانا متشائم 65% ومتفائل35%
وبكره يبين الطريق
الصور المرفقة

المشاركة الأصلية كتبت بواسطة بو فهمي


اول شي ابي اقول الله يعطيك العافيه وفي ميزان حسناتك
انا كلامي كان من منطلق التحليل الفني اذا قلت كمية التداول والسهم في هبوط يكون اشاره لانتهاء التصريف وانت علقت اذا يوم الاحد الشمعه حمراء والكميه قليله فراح ينزل زياده وآنا اختلف معاك في هذه النقطه وآنا علقت اذا السهم نازل وكميات كبيرة فهاذا يكون تصريف وليس العكس

سوقنا حاليا مضاربي بشكل عام والي حصل يوم الخميس هو جني ارباح متوقع نتيجة للشراء القوي لليومين الي قبلهم حسب ما نوه الاخوان

آن اعتقد في ثسييل من محافظ بمقابل تجميع من جهات اخرى او سمه تبادل
وآنا اسئلك اذا في هروب منو الي شال هالكميات مثل ماوضحت في جدولك؟؟؟
الله يوفق الجميع وتصبحون لى خير

ا
taxi
نا احب النقاش الهادف خصوصا اذا كان من انسان راقي

ابوفهمي خلك معاك .........اذا واحد يبي يتخلص من كميه كبيره
يبدى يبيع على السهم في المقابل صانع السهم ( اللي يريد ان يحافظ على تماسك السهم يبدا يدعم السهم ويشتري هذا يطلب والبياع قاعد يقط عليه ........لما يحس الصانع ...لا هناك بياع قوي يوخر عن السهم
يكون البياع باع 20% من كميته
يجي ثاني يوم يحاول الصانع يدعم سهمه ويحافظ على السهم من الانزلاق
لكن البياع مازال قاعد يتخلص من السهم .......فصانع خسر قيمه الاسهم اللي شراها والبياع راح يجر معاه تيار البيع القوي بالبيع ..........فيقوم
الصانع بالبيع قبل البياع حتى يحرق سعره ويرغمه غلى التوقف
ويخليه 3 الى 5 جلسات حد ادنا ومحد يشتريه ...... ثم يشتريه بنزول 30%
والبياع كل يوم يعرضه بالادنا 4 مليون - 3 مليون
طبعا الصانع يكون جمع معلومات منو اللي قاعد يبيع وليش قاعد يبيع
يبدا ابخامس جلسه يشتري على طرف اذا شاف البياع رد يبيع ترك السهم

هذا البياع الغشيم
ام المتمكن لازم يدور السهم يحط اوامر كامله 11 خانه
ملاين فوق وتحت وهو عارف محد راح يبيع بهسعر يطق وحدات طبعا من اللي عارضه اهو مع خمطات لزوم الفلم ياكل التكه الاولى يطق التكه الثانيه وتبدا الناس بالطلب يرش عليهم وياكل التكه الثانيه ويرش ويطك التكه الثالثه فالناس عبالها بعلق دش معاه يبدا يطق ويرش ويسوي فلم
يفر السهم يطق خمطه ويرش تبدا الناس تطلب تحت الطلب ابتكه لانها
حذره يبدا لما تتجمع عدل الطلبين اللي تحت يرش فما يمدي اشيل طلبك
لما يوصله الي التكه الاصليه ويوقف ربع ساعه الى نصف ساعه
لما ترقد الناس يرد يطق ويدش مره ثانيه ويلف السهم بس الى التكه الثانيه حتى محد يبيع من المضاربين اللي دشوه معاه لان اغلبهم دشوا بالتكه الثانيه ........ويقفل على تكه صاعده
تجي باشر ولا السهم ماعليه تدول هو طلع فلي طالبين واللي عارضين
هم اللي دشو معاه وناطرين ان يكمل معاهم الفلم ......طلع منهم وعمل
عليهم كشف التسلل :d

للمتابعه

 

[مضارب الخير]

فنيا السهم لازال في السليم

نتابع معاكم الليله

الاغلاق اليوم على الدعم القوي

موفقين ان شاء الله

 

[UNIX]

فنيا السهم لازال في السليم

نتابع معاكم الليله

الاغلاق اليوم على الدعم القوي

موفقين ان شاء الله

ما تشوفه رايح 160-170 ؟؟

 

[فنان999]

ما تشوفه رايح 160-170 ؟؟

يا ينكس بسك تشاؤم خلك متفائل
ودمتم

 

[المدير]

فنيا السهم لازال في السليم

نتابع معاكم الليله

الاغلاق اليوم على الدعم القوي

موفقين ان شاء الله

السلام عليكم

ممكن اري المؤشرات الايجابيه التي تتكلم عنها ؟؟؟؟!!!!

بعد ما تم تداول 28 مليون سهم وصرف وتقول في السليم

هل تعلم يا عزيزي في اي موجه السهم ؟​

 

[UNIX]

يا ينكس بسك تشاؤم خلك متفائل
ودمتم

أخوي الكريم، احنا نتكلم بأمور فنية أما لغاية المضاربة أو الاستثمار أو للتعلم و الاستفادة من بعض.

و لا تتوقع اني صايد الأسهم كلهم تراني خسران أكثر منك، بس ما يضر ان نتفق على نقاط ارتدادية قوية للأسهم.

يعني تبيني أقولك السهم باجر حد أعلى و أكذب عليك؟؟ و لا تبيني أقولك اشتر بال 164 و برد لأن السهم راح يدبل ؟؟



فكر فيها أخوي الفاضل لأني بالنهاية معاك مو ضدك.

 

[بو سليمان]

السلام عليكم

ممكن اري المؤشرات الايجابيه التي تتكلم عنها ؟؟؟؟!!!!

بعد ما تم تداول 28 مليون سهم وصرف وتقول في السليم

هل تعلم يا عزيزي في اي موجه السهم ؟​

منور المنتدي اليوم بتواجد بو فهد​

 

[أسد سليمان ملك]

منور المنتدي اليوم بتواجد بو فهد​

ووجودك يالسمي

 

[TAXI]

فنيا السهم لازال في السليم

نتابع معاكم الليله

الاغلاق اليوم على الدعم القوي

موفقين ان شاء الله

مضارب خير .........بقولك شغله
في شايب بالبورصه ما شاء الله عليه تقريبا كل ربحان
عنده سياسه عجيبه بالتداول ......محد يقدر عليها الا اللي عنده قلب قوي
ها الشايب اذا شاف سهم حد اعلا طلب بالاعلا وقطه ثاني يوم ابتكتين
فهو كل يوم يدور السهم اللي عليه حد اعلا وهذا شغله
واذا شاف سهمه حد ادنا قطه وسترجعه ابثالث تكه من تحت

اذا السهم حد ادنا فاليوم الثاني صعب يمسك

 

[TAHOE]

اخوي الغالي يونكس

استحلفك بالله انك توضح لي اشتقصد واشفهمت من الشرح

وشنو الغلط اللي سويته

طالبك ولاتردني

وصحح لي ان كنت غلطان

يووونكس

من كتم علما ,,, علمه وخلنا احنا بعد نستفيد

 

[مضارب الخير]

السلام عليكم

ممكن اري المؤشرات الايجابيه التي تتكلم عنها ؟؟؟؟!!!!

بعد ما تم تداول 28 مليون سهم وصرف وتقول في السليم

هل تعلم يا عزيزي في اي موجه السهم ؟​

وعليكم السلام ورحمة الله وبركاته

اخوي المدير

المفترض ان 28 مليون تكون جني ارباح طبيعي لارتفاعات اسبوعين

متتاليين وارتفاع من القاع 214 فلس الى السعر 280 فلس

يعني الحمد لله السهم ماقصر ولابد من استراحه يومين والا ثلاثه

لكن الهلع اللي في الناس يخليهم يقطونه حد ادني

وانا اشوف انها مؤامره من الكبار والكبير الله سبحانه

ينزل داون لمت بصفقه والا صفقتين

لو صج انهم مايبونه ينزل ليش يشترون كميه بسيطه وينزلونه

جان امتنعوا عن الشراء وخلوا السهم بدون تداول لين انعقاد الجمعيه

العموميه الاسبوع الياي ؟

ثانيا التصريف له فنون واهمها شراء ثلث الكميه وبيع ثلثين

بشكل يومي عشان ماينزل السهم ويحافظ على سعره

لكن التسبب في رميه بشكل عشوائي يؤكد ان وراء الاكمه ماوراؤها

والمؤشرات الايجابيه اللي قصدتها هي اللي من الناحيه الفنيه

سوا صرفوا 28 مليون والا مليار

انتظروني توني داش البيت والله وياي من البحر

بس باسبح وبابدل وبييكم

 

[cocacola]

يووونكس طلعت موهين
الناس تترجاك علشان تعطيها المعلومه