شنو سر الفرق الكبير بين أسعار العطور في سوق السلاح والمحلات الكبيره؟

[سايق الخير74]

إخواني....صار لي فترة سنين طويله اشتري عطورات احيانا من سوق السلاح وأحيانا أخرى من المحلات الأخرى بالجمعيات والمجمعات...نفس العطورات ونفس الماركات بالضبط لكن الإختلاف بالسعر يصل الى الدبل أحيانا امس رحت سوق السلاح شريت وايد عطورات وواحد منها سعره عندهم 10دنانير وسعره بالمحلات الثانيه 18 دينار...في ناس يقولون اللي بسوق السلاح تقليد وتعبئة الإمارات وماليزيا...وفي ناس يقولون ماكو فرق بينهم بالجوده لكن سوق السلاح يبيع بسعر الجمله وانا عن نفسي مالاحظت ذاك الفرق في الجوده علما بأن اذا شريت علبة الtester تطلع أرخص وأرخص بعد.... واللي عنده تعليق او معلومه يفيدنا

 

[maha_Q8]

العطورات اللي في سوق السلاح مخلوطه بين التقليد والاصلي
الاصلي يكون قديم او مثل ما نسميه "ستوك" يباع ارخص
وبعضها تقليد شغل تايلند والأمارات حسب ما سمعت
وشكرا

 

[Latino]

لاتستغرب لأنها عطور تقليد وتكون غير مركزه يعني خفيفه
بعكس العطور الأصليه الي تكون مركزه وتبين معاك
ولو تجربها راح تلاحظ الفرق

 

[ضحية المخازن]

والله انا من ناحيتي ماني شايف اي فرق بالتركيز

نفس الرائحة ونفس الفترة التي يقضيانها

 

[شركة قنفذ كمبني]

ما كو فرق
بس اجارات محلات المجمعات عاليه واجارات محلات سوق السلاح ارخص هذا الفرق

 

[الأرستقراطي]

يسمحون لي الشباب ،،، الفرق بين عطور سوق السلاح و الوكيل هو أنه أغلب عطور سوق السلاح الرخيصة ذات الماركات الاصلية هي وارد دبي مصنع جبل علي وهي مرخصة من الشركة الام لذلك سعرها أرخص من الوكيل والفرق يمكن اختباره بنفسك اشتري عطر من الوكيل مثلا m7 سان لوران واشتري نفس العطر من سوق السلاح راح اتلاحظ الفرق :
1- السيريل نمبر مختلف ( وارد دبي يبدأ بأرقام معينة لكل العطور )
2- وارد الوكيل ممكن ترشه اليوم يبقى العطر الى ثاني يوم قوي ( وارد دبي ممكن بعد ساعتين يقل تركيزه بشكل ملحوظ )
3- بعض العطور سعرها بسوق السلاح والوكيل متقارب مثل ( كريستيان ديور أديكت ) لأنه الوكيل هو من يصنعه فقط

ولكم جزيل الشكر ،،،​

 

[أوبال]

أخواني والله فيه فرق النوع الأصلي قد يكون غالي لكن قيمته فيه يكفي أنه يظل لثاني يوم يعج بالملابس...
بس اللي من الرخيص وقصدي اللي مو من الوكيل أو من المحلات اللي مو أصلية نفس سوق السلاح مثلاً عبارة عن ماي وكلونيا وشوية عطر اللي يكونون مقلدين عليه...
يعني أنت شبتسوي في العطر بتبخ جم بخه كل يوم وبعد شهرين خلص العطر شالمشكلة؟؟؟
إشتر غيره...بس في الأخر بتكون ريحتك خنينه والعطر ريحته آخاذه...وما تقلب شئ ثاني(ديروا بالكم بعض العطور تصير ريحة شئ محترق!!!)...
صدقوني الوالدة تشتري من اللي في سوق السلاح حق العزايم عشان تحطه على مغاسل الحريم حق بعد العشا وهاذي فكرة حلوة يعني عطر مؤقت يرش عاليد...ونوع من الديكور نكون حاطين غراش وايد ...بس بصراحة مو للإستعمال اليومي ...
وسلامتكم

 

[بوغمازات]

وانت عبالك اللي بالمجمعات مثل المارينا ولا الافنيوزو ولا الفنار في شي اصلي !!!!!!!!! والله العظيم صاحبي عنده محل في مجمع زهره ويبيع البدله علي 300 و 400 ويقوللي شاريها من سوق المباركيه علي 17 و20 دينار ... ويقول (( بعض )) البنات والحريم عبالهم اصلي لانه المحل في مجمع زهره وياخذون واهم مغمضين وصارله 5 سنين علي هالحال ... بس الحريم غالبيتهم مخ صغير عبالهم مجمع زهره ولا المارينا يعني اصلي وتشتري علي طول نفس المحل اللي 3 مرات يسكرونه ويرد يفتح بالواسطه اللي موجود بالصالحيه وسالفته معروفه مالت الجنطه اللي شرتها الحرمه بسعر 1600 دينار .. وسافرت فرنسا وهناك انقطعت وراحت وكالتها ونصدمت وقالوا لها هذي تقليد والمحل هذا معروف جناطه ماركات وتكرمون الجواتي ماركات علي 100 و90 دينار جواتيه وكله تقليد واسمه معروف وسلامتكم وتعيشون وتشترون

 

[سايق الخير74]

وانت عبالك اللي بالمجمعات مثل المارينا ولا الافنيوزو ولا الفنار في شي اصلي !!!!!!!!! والله العظيم صاحبي عنده محل في مجمع زهره ويبيع البدله علي 300 و 400 ويقوللي شاريها من سوق المباركيه علي 17 و20 دينار ... ويقول (( بعض )) البنات والحريم عبالهم اصلي لانه المحل في مجمع زهره وياخذون واهم مغمضين وصارله 5 سنين علي هالحال ... بس الحريم غالبيتهم مخ صغير عبالهم مجمع زهره ولا المارينا يعني اصلي وتشتري علي طول نفس المحل اللي 3 مرات يسكرونه ويرد يفتح بالواسطه اللي موجود بالصالحيه وسالفته معروفه مالت الجنطه اللي شرتها الحرمه بسعر 1600 دينار .. وسافرت فرنسا وهناك انقطعت وراحت وكالتها ونصدمت وقالوا لها هذي تقليد والمحل هذا معروف جناطه ماركات وتكرمون الجواتي ماركات علي 100 و90 دينار جواتيه وكله تقليد واسمه معروف وسلامتكم وتعيشون وتشترون

موضوعنا عن العطورات اخوي...انا اقصد مراكز التجميل والعطورات اللي بالجمعيات هذي عباره عن وكلاء عطور ( اصليه ) مجتمعين بمكان واحد ومقارنه بينها وبين عطورات سوق السلاح انت ماتقصد لويس فيتون ادري

 

[أوبال]

أخواني المكان اللي أخذوا منه العطور وأنتوا مغمضين في الكويت---> دبنهامز...وبس
أحسن عطور في الخليج سوق البحرين الحرة صج 100% عطور
ديروا بالكم من عطور السوق الحرة مالت دبي ---->ماااااااي
محل مشهور في الكويت موجود في المرينا بس برا بروحة يم القهوة اللي عالشارع(بس بعد واضح)---> ديروا بالكم تشترون منه يبيع العطر بنفس سعر دبنهامز بس درجة ثانية من تحطه بعد 5 دقايق تتغير الريحة تصير شئ ثاني...
والله مو دعاية لكن تجربة شخصية خصوصاً أن العطور الفرنسية شغلي الشاغل وإدماااااااااااااان
وصح بوغمازات المحل اللي سايق الخير قال عنك ماتقصده كلناااااااا نعرف أنه تقلييييييد
ولا عزاء للمغفلين.

 

[ياسر الروقي]

افضل فرصه لشراء العطورات الفرنسيه الماركه هو السوق الحر

 

[Bo_Fahad_Q8]

اخوي اذا تبي نصيحة .. افضل مكان لشراء العطور وباحسن سعر هو .. عطورات الشايع .. ما هو دعاية والله


نصيحة لا تاخذ من دبنهامز .. لانه غالي .. واسال مجرب


من شهر بالضبط .. كنت رايح المطار .. بشتري عطر versace crystal noir


الـ 90 مل .. حصلتها بالشايع بـ 13 دينار .. ودبنهامز يبيعها بـ 18 دينار !!


مو بس هالعطر .. اغلب العطور الفرنسية .. دبنهامز سعره زيادة على الاقل من 4 الى 5 دنانير اكثر من الشايع !


​

 

[السبيطي]

بعد التحية والسلام
اقول والله اعلم ان العطورات البرفان واوديتواليت لها تراكيز معينة والموجود في سوق السلاح معظمها يكون تست بعني تراكيزه متدنية واول ما تستعمل شي بس بعد فترة كان لم يكن

 

[AutoCad]

السلام عليكم

الكل تكلم وقال بس آنه عندي سؤال أتمنى ألاقي إجابة....


منو يضمن بأن العطر الموجود عند الوكيل أصلي؟


آنه أتكلم من واقع خبرة ومعلومات مؤكدة



والسلام

 

[MOHAMMED11]

سواء اصلي او مو اصلي

انا اشوف ان العطورات اسعارها غاليه بشكل رهيب صراحه

واحيان تكون اصلا ماتسوى
ويقصون على العالم


شوف اذا رحت سوق السلاح لاتشتري هذي العطورات
اشتر زيوت العطور
اشتر لك جم زيت حلو يمكن اسعار العلبه على 6 او 7 دنانير
واخذ لك علبة كحول

وتعال البيت اخلط وسو لك عطر
وكل علبه يمكن تسوي لك اكثر من عشرين قرشة
انت عاد دام الشغل لك ركزها عدل

بتحس بعد ماتسوي هذي الطريقه ان العطور
اللي بالسوق كلها ماتسوى احد يشتريها


بس اهم شي انّك تختار الزيت الممتاز
اللي بعد ماتخلطه تكون ريحته حلوه
او تختار زيت ماركه معينه انت تحبها




هذي الطريقة يسويها اخوي الصغير
وانا متى ماخلصت عطوراتي اخذت منه
وصراحة اللي يشم العطر يسئل شنو عطرك



والعملية كلها ماتكلفك 30 دينار
وتوفر عليك حوالي 200 دينار
ان كنت من اللي على طول يشترون عطورات

 

[أوبال]

السلام عليكم

الكل تكلم وقال بس آنه عندي سؤال أتمنى ألاقي إجابة....


منو يضمن بأن العطر الموجود عند الوكيل أصلي؟


آنه أتكلم من واقع خبرة ومعلومات مؤكدة



والسلام

أخوي سؤالك مو واضح...
أنا بالنسبة لي كتبت تجربتي الخاصة ووجهة نظري الشخصية بناء على إستعمالي للعطور...مو بناء على كلام أحد ثاني...
يعني جربت الخالدية للعطور وجربت وهران وجربت المركز الفرنسي اللي لا فرنسي ولا هم يحزنون!!!
كلهم مو أصلييين ولما أقول مو أصلييين يعني تحط العطر من صوب يختفي قبل لا تطلع...
وعلى فكرة للي يقول الشايع عطوره أرخص
ترى دبنهامز حق الشايع
وممكن تسأل ليش يبيع نفس الوكيل نفس العطر بسعرين مختلفين؟؟؟
أنت إختار الجودة وإدفع الفرق
وفي إنتظار رأي باقي الأخوة

 

[أوبال]

وتعال البيت اخلط وسو لك عطر
وكل علبه يمكن تسوي لك اكثر من عشرين قرشة
انت عاد دام الشغل لك ركزها عدل

منصجك؟؟؟
والله حركااااااااااااات

 

[MOHAMMED11]

منصجك؟؟؟
والله حركااااااااااااات

اي وربي

ليش العالم يقصون علينا

اشتر الزيت وتعال البيت وضبط الشغل
ومع الايام تصير عندك خبره
وتبدأ تسوي لك عطورات خاصه فيك
تخلط لك نوع مركز تضيف عليه كم نقطه من زيوت
ثانيه يطلع عندك عطر بسمك

 

[أوبال]

اي وربي

ليش العالم يقصون علينا

اشتر الزيت وتعال البيت وضبط الشغل
ومع الايام تصير عندك خبره
وتبدأ تسوي لك عطورات خاصه فيك
تخلط لك نوع مركز تضيف عليه كم نقطه من زيوت
ثانيه يطلع عندك عطر بسمك

وتبدى مشروعك تبيع العطور الغرشه ب 6 دنانييير بس ومن طاولة في معرض لين طاولة وشوي شوي لما تنشهر...تصير الغرشه ب 60 دينار...
بس ...
المهم الغرشه نفسها تكون بسعر 54 دينار والعطر ب 6 دنانييير عشان لما تبيع تحللللللللللف بالله أنك مو مطلع حتى راس مالها
التجارة شطارة
وترى أتغشمر أخوي مو تزعل مني أنا أنغز على ناس ثانية

 

[MOHAMMED11]

وتبدى مشروعك تبيع العطور الغرشه ب 6 دنانييير بس ومن طاولة في معرض لين طاولة وشوي شوي لما تنشهر...تصير الغرشه ب 60 دينار...
بس ...
المهم الغرشه نفسها تكون بسعر 54 دينار والعطر ب 6 دنانييير عشان لما تبيع تحللللللللللف بالله أنك مو مطلع حتى راس مالها
التجارة شطارة
وترى أتغشمر أخوي مو تزعل مني أنا أنغز على ناس ثانية

ههههههههههههههههههه


لا انا ماابيع
اعطي هدايا




بس عاد تدري ترا مافيها شي والتجاره شطاره
بس اهم شي بعيد عن الغش
والسيناريو الخطير اللي كتبته فوق




شوف انت جرب الطريقه وراح تدعي لي
ويكن تصير انت من اهل الطاولات هههههههههههه

وامرك أنا للحين رايح اشتري زيوت
وحضرتك مبطل لك محلين