للبيع مسباحين سندلوس محشر شغل نظيف

[yousefooo]

السلام عليكم ,,,

اليوم يايب لكم مسباحين سندلوس محشر شغل نظيف غير عن اغلب الي متوفر بالاسواق شغل مصري او هندي , المسابح نظيف بو 33 حبة قصتين لكن نفس الخامة والنظافة , طبعا الي يبي يسوم يسوم المسباحين , وراح اعرض عليكم الصور ونشوف السومات والبيع لاعلى سعر اذا كان السعر مناسب , نشوف الصور :

هذي اربع صور للمسباحين ان شاء الله تكون واضحة و قت الشراء تقدر تشوف المسباح وقت الشراء يمكن ما يعجبك فلك حق ترفض وما تشتريه . الي يسوم وسعره حلوة راح ارسله بياناتي عبر الرسائل الخاصة

 

[بوعبدالله]

اثنيناتهم 10 دنانير

 

[yousefooo]

شكرا بو عبدالله على فتح الباب ونشوف باقي السومات

 

[بوعبدالله]

العفو أخوي
نقول مبروك على المسباحين ؟

 

[yousefooo]

اسمحلي اخوي بو عبدالله والله ما يبت سعرهم , ننطر باقي السومات ؟

 

[mosawi83]

واحد اخذه ب6 دنانير

 

[yousefooo]

وصل في مكان ثاني 30 على المسباحين

 

[alanzi]

الله يرزقك ان شاء الله اخووي
بيعهم بالسعر هذا ( 30 ) خووش سعر والله يوووفقك يااارب

 

[yousefooo]

سعر طيب لكن ممكن احد ثاني يسوم اليوم فتح الموضوع ما يصير اصكره بيوم واحد يمكن احد ثاني يبيه وبسعر اعلى

 

[e7m5]

موفق خير

 

[بوعبدالله]

أخوي يوسف اذا سعر السندلوس مايتعدى ال 3 الى 4 دنانير
و انت بتبيع سندلوس محشر وسعره بالسوق مابين ال 4 الى 7 دنانير
يعني جم تبي فيه ؟

ياريت تذكرلي بجم شاريه و انا ادلك على محل يبيع سندلوس محشر على 7 دنانير بدون مكاسر بالسعر

روح محل المغربي بالسالمية
وروح محل بيت الكهرمان بالدولية
ومحل بوخليل بالديره
راح تلقى سعر السندلوس المحشر مايتعدى ال 7 دينانير

إلا اذا انت ماخذه اغلى من هالسعر فهذا شي ثاني ومن رأيي تردهم

ولازلت على سومتي ب 10 دنانير

 

[VISION]

مشالله

بضاعه طيبه

وتصوير اروع

موفق خير اخوي

 

[بوعبدالله]

الله يرزقك ان شاء الله اخووي
بيعهم بالسعر هذا ( 30 ) خووش سعر والله يوووفقك يااارب

مسباحين كهرب كبس محشر بسعر 30 دينار

شفيكم تشترون بسعر اغلا من السوق

مع احترامي لصاحب الموضوع

 

[yousefooo]

مسباحين كهرب كبس محشر بسعر 30 دينار

شفيكم تشترون بسعر اغلا من السوق

مع احترامي لصاحب الموضوع

اخوي بو عبدالله اذا ما تبي تشتري لا تقطع ارزاق الناس , واذا مو عاجبك السعر , لا تشتري , سندلوس محشر بس شغل مصري وهندي ب 3 دنانير , والكبس محشر ب 5 دنانير بس مو نظيف والشغل النظيف لا زم يتميز بالسعر وبالخامة واذا شايفني قاعد انصب عليك ادزلك رابط المزاد تتاكد ؟