أخي العزيز عندي سهمين من اللي ذكرتهم و أكيد نازلين أكثر عندي
بس ما راح أبيع النزول عام و الأسهم اللي عندك ماشالله وايد زينه
أخي العزيز أنا ما راح أبيع حتى لو نزل أكثر والله يبارك لك و يرزقكم
مشكور اخوي على الرد
استثمر وانسى البورصه واسهمك ان شاء الله تطلع
لان النزول على عمووووووم الاسهم
فالاستثمار يكون افضل من البيع بخساره
شاكرلك اخ مناوي الشعر وياريت تعطيني بيت شعر يمكن يبرد على قلبي
اذا تبي شوري بيع هالأسهم وإشتر في أسهم ثانية وإن شاء الله
الله بعوضك بأسهم ثانية غيرها
والقرار قرارك
شاركلك اخوي بس كل ماشوف هالاسهم طايحه واشوف الخساره اقول بشوف نهايتها يمكن واحد من الاسهم يعوضني عن الباجي
لانك ماكنت حاط ستوب لوز وصلت للاسعار هذي تبي تعوض
انا مااقدر اقولك بيع هذا وخلي هذا انت شغل مخك
اي سهم نزل نزول قوي بتداول ضعيف هذا يرتد بقوة
واي سهم نزل بتداول كبير هذا ارتداده ضعيف
شوف انت تداول اليوم ورح تعرف شنو الاسهم المحترمة
شكرا على النصيحه مشكلتي اني اشتري السهم ولاتابعه لضروفي الخاصه بس كل طراق بتعلومه
ان شاء الله تعوض خسارتك
انت من 8 شركات خسرت 3الاف
انا عرف واحد الله يعينه بشركة واحده خسر 9الاف دينار خلال اسبوع فقط
مشكور اخوي على الرد كل واحد يشوف مصيبه غيره تهون مصبيته الله يصبرنا ويعوضنا انشاءالله
اله يعينك اللهم امين ==انصح استثمر ونسا البورصه الا تخلي الوحوش تاخذفلوسك اذا انت مو محتاج انطر وانت وكيفك == بارك الله فيكم والله يعوض اخواني كلهم واحد واحد اللهم امين يارب العالمين ==الحمد الله علي العافيه الفلوس تروح وتجي بس الحمد الله علي كل حال الله كريم ياخوي
شكرا على المرور مره اقول ابيع بعض الاسهم واشتري سهم ثاني يمكن يعوضني بس ماني عارف ششتري
الله يعينك اخوى ،،
من الخطأ تنويع المحفظه بكذا سهم ، لأنك بهذه الطريقه تزيد الخساره
رأيى لاتبيع بخساره وصير مستثمر لعل وعسى يتعدل السوق وتقل الخسائر
الله يوفقك
شكرا على الرد السوق لمن كان فوق 15000 نقطه كانت هالاسهم زينه بس مشكلتي انا ماتابع السهم لانشغالي والحين راح الاحق السهم لمن ارد قليل من افلوسي وبعتبر بعضهم استثمار
القرار قرارك وانت تتحمل مسؤولية خسارتك ولا تدخل احد لانه ممكن تزيد الخسارة
انا عن نفسي راح ادعيلك
الله يوفقك ويعوضك ان شاء الله
جزاك الله خير على الدعاء في هذا الشهر الفضيل
انا شاري :
- منشاة على 455 فلس و الحين 255 فلس
- تمويل الخليج على 1140 فلس و الحين 790 فلس
خسارتي 3600 دينار
تنصحون ابيع او اصبر؟
شكرا اخوي على المرور
اذا انت كنت شارى هذه الاسهم للمضاربه ونزلت عليك اعتقد انك وقعت فى خطا وهو عدم تفعيل وقف الخساره وهو ضرورى للمضارب
ثانيا تنويع الاسهم بهذه الطريقه خطا و8شركات تشتت فكر المضارب كان ممكن تضارب بسهمين او ثلاثه
طبعا كلامى السابق اذاكنت مضارب اما اذا كنت مستثمر اسهمك الحمدلله جيده وماعندها خساير وتصلح للاستثمار بس لو كنت ناطر شوى ومحصلها بقيعان واسعار اقل الحين البيع مو من صالحك اسهمك جيده ولابد مع الوقت ترتد ان شاء الله
مشكوره اختي على الرد اختي انا ضروفي غير انا بره الكويت واللي اسمعه اشتريه وماتابع السهم لان كل ليله اشوفه ماشاءالله زين وطبيعه الانسان طماع وعقب ماخسرت توهقت مره اقول ابيعه وافتك من البورصه ومره اقول لمن ارجع الكويت يمكن يصعدون
أسأل الله العلى القدير ان يعوضك خير ويعينك على خسارتك
الحمدالله ياخوى ان الخساره فى الفلوس
الله يرضى عليك المفروض منك انك تشتغل على مبداء وقف الخساره
صدقنى اخوى الاستوب لوز يحميك بعض المرات ويخفف خسارتك
ان شاء الله المدينه مؤشراتها قريبه حيل من الارتداد
ان شاء الله الاخوان يساعدونك فى وضع تحاليل لمحفظتك
وعسى ربى يعوضك ويرزقك ويصبرك اللهم امين يارب
شاكرلك اخوي على الرد وجزاك الله خير وهذا طراق مني لان كنت اشوف السهم صاعد ولاابيعه بس اذا توفقنا المره اليايه راح اتبع التحليل والاخوان بالمنتدى مايقصرون
الله يعوض عليك يارب ،،
بس طريقتك جدا خاطئه ،، شلون 7 اسهم
المفروض سهمين او بالكثير 3 اسهم فقط
شاكرلك اخوي ودي ابيع كم سهم واشتري سهم قيادي وافتك من عوار الراس
أسهمك جيدة أخوي و أرباحها زينة ، بس ما أعرف عن إيكاروس و إكتتاب مش متابع تداولاتهم ... بس أفضل طريقة : لو معك كاش كافي ، أنطر شوي لمن السوق ينزل للاّخر ولإشتري وبرد شوي على أسهمك ، بس يطلع بترد راس مالك كله وبترد تبيع كل أسهمك وترتاح من وجع راس البورصة ... بس عندي سؤال لك : لو ترد راس مالك خلال شهر ، راح تطلع من البورصة وتسيل محفظتك ولا تقوول لا بضل شوي أبي أربح؟ في أمل تبطل تتداول بورصة؟
أخوك خسران كمية من تشايدة، كل يوم أقول بس أرد راس مالي بطلع ، وأنا عارف إنو عمري ما راح أترك البورصة طول ما أنا عايش ... هاهاهاها
الله يعوض عليك المهم الصحة والفلوس بتروح وتجي ، والرجال تصنع المال ولكن المال لا يصنع الرجااااال ، ومادام الجميع خسران ما تزعل ، والموووووووت مع الجماعة رحمة ...
شاكرلك اخوي على الرد بوطبيع مايخلي طبعه البورصه ادمان ويامه خسرنا وردينا خسارتنا بس مثل جذيه ماشفت وانا اعترف ان غلطت شريت اسهم اكثر من اللازم والله يعوضني
نصيحة لا تبيع اخوي حرام مبلغ لا يستهان والتصحيح بعون الله قد اقترب على النهايه
احسن عمل ان تنسى البورصه هذا الشهر ووتتفرغ للعبادة بعد العيد ستجد اسهمك في صعود ان شاءالله
الله يعوض عليك ويبدل خسارتك وكل الخسرانين
تحياتي
مشكور اخوي على الرد اخوي وجزاك الله خير
------------------------------------------------------------------
ياريت احد من الطيبين من المحللين ينصحني بالاسهم هل ابيع بعضهم واشتري سهم ارتداده قريب يمكن الله يعوضني وجزاكم الله خير