آراء وتعليقات الاعضاء لاسباب النزول ليوم الثلاثاء

[alshammery]

صدقت انا اقول لو هذا الانهيار كان فى بورصة بيروت لتدخلت هيئة الاستثمار لدعم سوق بيروت ولكن سوق الكويت محد يدرى عنة

 

[سمبسن]

اخوي دلال البوصة

وجم الدعم اللي بعده، اذا ما عليك أمر يالغالي عشان الناس تستفيد

 

[معذب الونات]

حملة ( بكره أرخص) للي بيدشون البورصه

شعار ولا اروع منه


للشباب الي يبون يدخلون البورصه , واللي عندهم كاش

لأن بجد كل يوم اقول بدش يطلع ارخص

انطر ثاني يوم ه يطلع ارخص

فالجميع يصيح معاي بصوت واحد


( بــــــــــــــكره يطلع أرخص ):d

 

[ضحية المخازن]

هذا لا يسمى انهيار

بل يسمى كاااااااااااااااارثه

 

[alshammery]

اللة يعين تصدق اخوى فى واحد اعرفة باع بيتة وبيت عيالة ودش البورصة واخر شى خسر كل شى وقاعد فى بيت اجار بعد ما كان يملك بيت والسبب البورصة والمصيبة الاجل وما ادراكم الاجل فالحذر الحذر من الاجل واللة جتنى توصيات على اسهم من ناس ثقة وصح كلامهم وما دشيت اجل دشيت بفلوسى الكاش بس

 

[ضحية المخازن]

صراحه خربوا طعم رمضان علينا ومالي خلق اتفطر ومالي خلق اشوف المسلسلات ومالي خلق اطلع زيارات ومالي خلق ارد عالموبايل ومالي خلق اشوف رقعة وجهي بالمنظره السبب مو هم السبب انا اللي قطيت كل شي بالبورصه..والله يوفق اهل المحافظ والصناديق والتجار ويرزقهم ويرزق هم الصغار

الله لايوفقهم لا بدنيا ولا باخره

 

[bigd]

الانهيار بجميع اسواق الخليج واسواق امريكا مو بس عندنا يعني في شي صاير بالعالم

 

[alshammery]

واللة انا الكاش جاهز بس مثل ماتقول اليوم سعر بكرة احسن لين يعدل السوق ويرتد ارتداد حقيقى مو وهمى مثل ما شفنا الايام اللى طافت

 

[loss prevention]

المشكله انا كله ااااااجلللللل

 

[sds2]

ااااااااه ياديرتنا الحبيبه....الدعم والمعونه لدول المجاوره واحناااااااااا اعيال هالبلد ابن عن جد جد تسوين فينا جذي الله اكبر عليكم يللي ماتشبعون والله لتصير فيكم حوبتنا ليووووم الدين يا اداره البورصه بس فالحين لما يعلق السهم تقولون ليش علق هذوله كويتيين مانبيهم يربحون نبيكم تخسرووون اعيال البلد ونكثرهم بالسجووون هذا اللي يبونه اداره البورصه

 

[شركة قنفذ كمبني]

والله لو مو احنا يا صغار المستثمرين جان هالتجار ما يسوون بيزه الله ينتقم منهم لاعبين لعب بالسوق

 

[MOHAMMED11]

ياجماعه تتوقعون ربح هذي الشركات واهلها حلال ؟؟!!



قصّوا على العالم من بداية السنه وكل شركة اتطبل حق نفسها
بالصحافه ، وعندنا وراح تشوفون وعقود وذبحة ،
واخرتها بس على شان العالم تثق فيهم وفي سوقهم
وياخذون منهم المقسوم ،،

انا اقول ان بعض الشركات او التجار عايشين على الحرام والجمبزه
اوصلت ارصدته مليارات وللحين عيونهم على اللي بيد غيرهم ؟
ومايفكر شلون يطور من شركته ، لا . يفكر شلون يقص عليك
وياخذ فلوسك وانت مفهي وراضي .
ولا يفرقون بين حلال وحرام ، عادي عندهم
يمشون على مبدأ من صادها عشّه عياله ومومهم التفاصيل
او الكيفية ،،، اهم شي الصيده .















فتى الجبل

حرامية قايل لك .

 

[iig+grand]

هل الشركات مسؤوله عن دعم السهم (شراء 10%)

كلكم راع وكلكم مسؤول عن رعيته

 

[المحسود]

الضرب بالميت حرام

هذا العنوان يكفي لما نشهده من نزيف حاد لجيوب المتداولين مع بداية لجنة المعسرين مع ازمة سوق المناخ حتى هذه الساعة لا احد يعلم سبب هذه الكارثة الاقتصادية ازمة تلد ازمة و انا لن اثق في هذا السوق لانها سببت مشكلة اجتماعية كبيرة للمتداولين و البورصة مسؤولة بسبب وقتها القصير في شهر رمضان
و شكرا

 

[baselko]

المشكلة هالتجار اللي احنا قاعدين ندعي عليهم اهم كويتين واذا الله سبحانه وتعالى راح يعاقبهم هالعقاب راح يشمل اهل الكويت كلهم وسالفة صدام مو بعيده عنا يوم دخل على الكويت ذبح الاولي والتالي ماخله احد وطبعا انا اقصد دخول صدام على الكويت هذي كانت ممكن عقاب الاهي لنا وامتحان والظاهر ربعنا ماتعلموا فخوفك يجيك العقاب اللي ياكل الاخضر واليابس وذيك الساعه ماينفع الندم .

في شغلة ثانية حبيت اضيفها اهي بس البورصة اللي معفوسة بطلوا الجرايد وشوفوا مهاوش ربعنا هذا الشيئ بروحه يخلي ايدك على قلبك .

واسف على الاطالة

 

[مليون دينار]

المشكله انا كله ااااااجلللللل

أأأأأأأجل الله يعينك ويعوضك

 

[NewYork Broker]

الظاهر يبيلنا صفحة ثابتة لأسباب النزول المتكررة !!!!!