استفسار : عن خدمة و اسعار حملات الحج !!!!!؟

q8_chamber

عضو مميز
التسجيل
24 سبتمبر 2005
المشاركات
7,553
الإقامة
الكويت
صبحكم الله بالخير جميعاً :)

انا ابي استفسر عن حملات الحج إللي تقدم خدمات ممتازه (( ما ابي ال vip ))


ابيكم ترشحون الحمله و ياريت اتحطون الاسعار و معلومات عنها ( رقم الهاتف - العنوان )




و اسأل الله العظيم ان يرزقني و يرزقكم حجة هذي السنه :)



شاكرلكم تعاونكم ,,, مقدماً :)
 

شاب محترم

عضو نشط
التسجيل
3 مارس 2008
المشاركات
1,061
اخوي انا رايح الحج اكثر من 6 مرات .. ولا مرة بحياتي رحت مع حملة


الحملات اسعارهم غالية جدا جدا .. مو اقل من 700 دينار للشخص الواحد <<<<< هذا أردى شي .. وللعلم .. vip لحملة الشايع ما يقل عن 4 الاف دينار للشخص الواحد !


انا اروح الحج مع الاهل كل سنة .. واحنا 7 الى 8 اشخاص بالجمس .. يطلع علينا التكلفة الكلية اقل من 1500 دينار شامل كل شي


فاذا تبي نصيحتي .. اذا انتوا 2 او اكثر .. روحوا بسيارة .. وايد وايد ارخص


واذا كنت بروحك .. شوف ربعك اذا بيروحون الحج .. او من ربع المسجد بيروحون .. روح وياهم .. كل واحد قطية 150 الى 200 دينار شامل كل شي (سكن+اكل+شرب+بانزين)


واذا انت اول مرة تروح الحج .. ومنت عارف المناسك .. روح اي مكتبة .. واشتر كتيب اسمه دليل الحاج .. سعره بحدود الدينار


فية كل شي تسوية بالحج ابتداءا من اول الى اخر يوم ..
 

q8_chamber

عضو مميز
التسجيل
24 سبتمبر 2005
المشاركات
7,553
الإقامة
الكويت
اخوي انا رايح الحج اكثر من 6 مرات .. ولا مرة بحياتي رحت مع حملة


الحملات اسعارهم غالية جدا جدا .. مو اقل من 700 دينار للشخص الواحد <<<<< هذا أردى شي .. وللعلم .. Vip لحملة الشايع ما يقل عن 4 الاف دينار للشخص الواحد !


انا اروح الحج مع الاهل كل سنة .. واحنا 7 الى 8 اشخاص بالجمس .. يطلع علينا التكلفة الكلية اقل من 1500 دينار شامل كل شي


فاذا تبي نصيحتي .. اذا انتوا 2 او اكثر .. روحوا بسيارة .. وايد وايد ارخص


واذا كنت بروحك .. شوف ربعك اذا بيروحون الحج .. او من ربع المسجد بيروحون .. روح وياهم .. كل واحد قطية 150 الى 200 دينار شامل كل شي (سكن+اكل+شرب+بانزين)


واذا انت اول مرة تروح الحج .. ومنت عارف المناسك .. روح اي مكتبة .. واشتر كتيب اسمه دليل الحاج .. سعره بحدود الدينار


فية كل شي تسوية بالحج ابتداءا من اول الى اخر يوم ..

مشكور حبيبي على الرد :)

بس الصراحه انا ودي اروح - و اهي اول مره :) و ابي حمله عشان اقدر اخذ اجازه من الدوام :)

بالنسبه للاسعار : ادري انها مرتفعه و مستعد ادفع 700 دينار اذا كان الخدمه زينه :)






و ياريت الشباب و الشابات يفيدونا :)
 

نوط بو 1000

موقوف
التسجيل
6 يونيو 2004
المشاركات
1,426
حملة الرومي بالفيحاء زينه و سعرها معقول و الإداريين إللي فيها خبره بالمناسك و يبعدونك عن الزحمه

عن تجربه و الله يتقبل منك مقدماً
 

NBK

عضو نشط
التسجيل
29 مارس 2006
المشاركات
5,323
الإقامة
الكويت الحبيبه
مطول الغيبات جاب الغنايم

وينك يالغالي

تو ما نور المنتدى

والله لك وحشه

موفق خير وان شاء الله حج مقبول مقدما
 

INFINITI

عضو نشط
التسجيل
19 سبتمبر 2007
المشاركات
4,316
الإقامة
راس العايــــر
والله ياخوي انا رحت مع حمله مساعد الشايجي
اللي بكيفان
واايد حلوه وزينه ومريحه بكل الجهات وسعرهم 1000 دينار
ونصيحه لاتروح حمله على الرصيف
لاني شفتهم هناك شغل حملة على الرصيف الله يكون بعونهم
وبعدين الخيار الاول والاخير لك
ولاتنسى انك بتشتري راحتك مع حمله سنعه وزينه
والله يوفجك يارب
عاش
 

مراقب الاسهم

عضو نشط
التسجيل
14 سبتمبر 2005
المشاركات
870
كأنك تقرأ افكاري ياالحبيب


نفس السؤال ابي حمله زينه ناوي احج هالسنه ان شاء الله

سنه 96 رحت مع ((حمله الضويحي)) صرااااااحه خوش حمله

واسعارهم معقوله في ذاك الوقت 560 او 650 عن طريق الجو ماني متاكد بس الاكيد بين هالرقمين

اما الحين اكيد اختلفت الاسعار

السكن معروف بالعزيزيه

والعمارات اللي هناك (((ملك للحمله))) عماره للحريم وعماره للرجال وبينهم حوش صغير وبداله ومشرفات للتواصل مع الاهل وكالعاده الكويتين ما يخلون سوالفهم دوانيه تحت وكل عرفه فيها 3 اشخاص وكل دور فيه ((كوفي شوب)) جميع المشروبات غير البوفيه وباصات شغاله الى الحرم والاسواق على مدار الساعه ومشرفين نشيطين و شقرديه لتوجيه الحجاج ومساعدتهم لقضاء المناسك باسرع وافضل وقت حجوزات طيران واسقبال من والى االمطار

ولكن هالسنه ودي اغير يمدحون ((حمله الدواس)) بالفيحاء

اللي عنده خبر لايبخل علينا سواء هالحمله او غيرها

وجزاكم الله خير
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
والله ياخوي انا رحت مع حمله مساعد الشايجي
اللي بكيفان
واايد حلوه وزينه ومريحه بكل الجهات وسعرهم 1000 دينار
ونصيحه لاتروح حمله على الرصيف
لاني شفتهم هناك شغل حملة على الرصيف الله يكون بعونهم
وبعدين الخيار الاول والاخير لك
ولاتنسى انك بتشتري راحتك مع حمله سنعه وزينه
والله يوفجك يارب
عاش

انا كذلك ارشح حملة مساعد الشايجي شغلهم عجيب لكن انا رحت الحج
سنة 2005 والسعر كان 780 على ما اعتقد
 

al_jabli

عضو نشط
التسجيل
21 يناير 2009
المشاركات
19
السلام عليكم .....
انا نويت للحج سنه هذي وابي احجز على حملة عبدالطيف الشايجي ..... في احد حج مع هذي الحمله او لا
شنو الختلف بين عبداللطيف و مساعد الشايجي .
 

HAMAD359

عضو جديد
التسجيل
26 أغسطس 2010
المشاركات
5
أكد صاحب السمو الملكي الأمير خالد الفيصل أمير منطقة مكة المكرمة رئيس لجنة الحج المركزية تخفيض الحد الادنى لرسوم حجاج الداخل الى 1200 ريال مؤكدا على منع المركبات دون 25 راكبا من دخول المشاعر .

جاء ذلك في رد على إحدى المداخلات خلال المؤتمر الصحفي الذى عقد بديوان إمارة منطقة مكة المكرمة واشار سموه أنه تم تحديد أسعار حملات الحج بمبلغ 1200 ريال لكل حاج بدلا عن 3500 ريال وسيتم العمل بشكل مكثف على إيجاد حلول مناسبة بحيث تكون الأسعار في متناول الجميع.

واكد على أهمية الالتزام والتقيد بالأنظمة والتعليمات وتحقيق التوازن بين أعداد الحجاج والطاقة الاستيعابية المكانية للمشاعر وإعطاء الفرصة لمن لم يحج واكد على أهمية الحصول على تصريح الحج وعدم دخول المركبات اقل من 25 راكبا الى مكة المكرمة والمشاعر المقدسة داعيا الحضور الى الالتفات إلى اللوحات الإعلانية المنتشرة بين ردهات القاعة والتي احتضنت وقائع المؤتمر والتي تدل على أن الحج عبادة وسلوك وأضاف سموه ان الحصول على تصريح الحج لسلامة وراحة الحاج.
 
أعلى