يااهل العقار ممكن المساعدة ؟

الحالة
موضوع مغلق

الزمن القادم

عضو نشط
التسجيل
2 يونيو 2007
المشاركات
78
حقيقة انا في حيرة من امري انا باجيلي سنة واخلص دراستي , وابصراحة ماخذ تفكيري البيت لاني متزوج ولدي ولدين ودي اضبط اموري قبل لا اخلص البعثة احيانا افكر اخذ شقة ايجار واقول في نفسي الشقق هالايام غالية واقل شقة مو اقل 200 دينار واحيانا اقول ودي اشتري شقة تملك وتكون باسم الوالدة علي مايطلعلي بيت واكون ضارب عصفورين بحجر بس لاني خايف لاني اسمع ان الشقق يتم تاجيرها للشباب وتصير فيها امور تخل بالاداب واحيانا اقول اشتري بيت ولا قسيمة والله محتار انا الحمد لله مجمع كم قرش من خلال الاكتتابات يعني ممكن توصل الي 15 الف دينار او اقل .
والله ياجماعة انصحوني ابصراحة محتار ومن كان في عون اخيه كان الله في عونه بس ياخوان ابي اللي يرد علي يكون مار بهالموضوع او عنده خبره فقط ولكم الشكر .
 

نوخذه

عضو نشط
التسجيل
2 نوفمبر 2005
المشاركات
481
السلام عليكم
عندي لك شقه تمليك 85 الف مطابقه لمواصفات التسليف وتاخذ 70 عليها
والله يوفقك
 

الزمن القادم

عضو نشط
التسجيل
2 يونيو 2007
المشاركات
78
يعطيك العافي اخوي علي المرور بس شنو تقصد ( مطابقة لمواصفات التسليف).
ثانيا انا مو مفكر اني اضيع 70 الف في شقة لاني ابصراحة مجرب الشقق وفيها سلبيات واخير انا ادور علي شقة حلوة ويكون فيها جميع الخدمات وموقعها ممتاز وتكون بحدود 25 الف او 35 الف مو اكثر .
 

بو عبد العزيز

عضو نشط
التسجيل
3 أغسطس 2008
المشاركات
13
اخوى عندى لك نصيحة ذهبية اشترى شقتين بحدود40 الفوانا بضبطك راسلنى لنصيحة والله الموفق
 

الزمن القادم

عضو نشط
التسجيل
2 يونيو 2007
المشاركات
78
هلا اخوي عبدالعزيز ابصراحة مشكور علي هالراي الطيب بس ممكن توضح مساحة الشقة موقعها وكم غرفة فيها وشكرا
 

بو_راشد

عضو نشط
التسجيل
11 يوليو 2008
المشاركات
917
الإقامة
الكويت
انا اقول انطر الاكتتاب احسن لك انا اشوف انا في شركات كثيره راح تنزل مثل المستودعات الشماليه و شركة الاسكان و مستشفى الضمان الصحي للوافداين و شركة جزيرة بوبيان اللحين الكويت عندها وفره ماليه يعني راح يصير في عمار وانشاء شركات خصوصا بعد ان اقر مجلس الامة انا المواطن لازم يكون شريك في الشركات الجديدة
 

louzany

عضو نشط
التسجيل
28 أغسطس 2007
المشاركات
521
بيع شراء استأجار

والله ولد عمي الشقه زينه اذا انت تشتريها وتصير ملك لانك ماراح تدفع اجار ولا بطيخ وذا بتأجر هم زين بس شوفلك مكان حق عوايل هذا الي تحافظ علي روحك من زعاج الشباب ومضايقاتهم وفي شقق وايد للبيع 35 بحولي 30 بالمهبوله ومساحاتهم طيبه وشي مرتب علي حسب انت وضروفك الي تبيه احنا حاضريلك وتدلل , وذا تبي تأجر وفلوسك تخليهم حق الإكتتابات بعد هذا شي راجعلك وذا مطر تشتري شقه هم هذا شي راجعلك فكر علي راحتك وبعدين ردلي خبر


مكتب دروازت الكويت العقاريه
ت:7141441
 

حطوير

موقوف
التسجيل
23 مارس 2008
المشاركات
277
اخوي الزمن القادم
لا تستعجل وتركد

انا رايي عليك اذا ما عليك التزامات كثيره
تاخذ لك تورق من بيت التمويل ب 25 الف دينار علي 10 سنين
وفايدتهم اتصور ما تتعدي 50% وافتك شقتك ملكك ولا منة اي تاجر يقولك بكره اطلع

وبدل الايجار ماشي لك ودورك بالاسكان علي وضعه
وحط رجل علي رجل وبعدها تقدر تستثمرها او تأجر بيتك
ساعتها انت حر وملك نفسك

والراي الاول والاخير لك
 

الزمن القادم

عضو نشط
التسجيل
2 يونيو 2007
المشاركات
78
الله يجزاكم كل خير وادعولكم في هالليلة المباركة ابصراحة انا نفس ماقلت ياحويطر ماعلي اقساط يعني معاشي صافي واللي اقدر اجمعة من فلوس علي طول اكتتب فيها قبل لاتروح في مهب الريح بس ودي ابسؤال انا ودي ابشقة ارخيصة يعني بحدود 20 الف تقريبا وتكون عبارة عن غرفة ماستر وغرفتين عادية وصالة ومطبخ وحمامين او حمام علي الاقل وتكون فيها خدمات وشرط تكون في المنطقة العشرة جريبة من بيت الاهل وتكون فيها خدمات مثل سكيورتي وتكيف مركزي وdsl وتكون فقط للعوائل يعني ممنوعة علي الشباب( جني مسختها شوي هههههههه). بس هذا اللي احلم فيه
 

حطوير

موقوف
التسجيل
23 مارس 2008
المشاركات
277
الزمن القادم

بالهوينه علي نفسك
علي مد لحافك علي قد ارجولك


انا اقصد من كلامي لا تحط فلوس التسليف بشقه حرام

اشتر شقه وسط لا كبيره ولا صغيره ضيقه
والسعر الي ذكرته كان زمان وجبر

اتصور اقل شي راح تلاقيه 25 الف
والمناطق المعروف فيها
المهبوله الفنطاس المنقف
ونصيحتي بعد عن الوسطاء دور الناس الي عندها شقق وتبي الفكه
يبيعونك ارخص وركز علي الجرايد الاعلانيه ترا اغلب المكاتب يعتمدون عليها
لان كثير شباب طلعت لهم اراضي وبيوت بفهد الاحمد والمناطق الغربيه
وعندهم شقق يبيون يبيعونه لانهم محتاجين للبيوت الجديده

فعلي مهلك وصلي استخاره
وان شاء الله راح تلاقي

بس نصيحتي لك لا تقرب يم دورك بالاسكان
 

الزمن القادم

عضو نشط
التسجيل
2 يونيو 2007
المشاركات
78
يعطيك العافية علي هالنصيحة وبخصوص دوري بالاسكان اكيد مراح اقرب عليه وابصراحة انا ارتحت لكلامك ممكن تعتبرني اخوك الصغير وقلي لو انت بمكاني شنو الخطوات اللي راح تخطيها عشان تاخذلك شقة وهل تملك الشقة مفيد ولا راح اطيح بجبدك بعدين وماتلقي اللي يشتريها
 
الحالة
موضوع مغلق
أعلى