السوق الكويتى يغلق على تراجع (موضوع مدموج)

[frozen]

في ظاهره غريبه هاليومين اذا ارتفع السوق قالوا الهيئه و اذا طاح السوق هم الهيئه و اذا زاد التداول من الهيئه و اذا مافي تداول الهيئه ما دشت و يمكن كل هالكلام صحيح بس اكيد في اسباب غيرها بعد!

 

[ابوعايض]

الهيئه تدعم مؤشر السوق فقط والغرض من السيوله الربح

 

[mustafa2005]

هدفهم اهل الأجل وبس

 

[Medo]

أنا عندي لو يشوفون خسارة كل واحد ويعطونه كاشه بأيده.. أوفر لهم وأفضل من التدخل العبثي اللي حاصل بالسوق واللي قاعد يعطي فرصة للكبار بالخروج قبل الصغار

فكرة من الخيال......​

 

[بوجاسم2]

على قولتك ...

القضية قضية ربح لأن الاسعار مغرية مثلما قالوا

واما انهم بيرفعون السوق علشان انا وانت نربح، فانسى ....

نحن بالكويت (ربي يحفظها)

 

[ابو سالم]

هدفهم اهل الأجل وبس

اي أجل اي بطيخ هو فية أجل كلة بااااااااااااح وطااااااااااااااار حسبي الله عليهم
إلا كان واحدماخذ أجل بــ 20 فلس ويتفصخ علية بفلسين

 

[Ferrari2008]

في ظاهره غريبه هاليومين اذا ارتفع السوق قالوا الهيئه و اذا طاح السوق هم الهيئه و اذا زاد التداول من الهيئه و اذا مافي تداول الهيئه ما دشت و يمكن كل هالكلام صحيح بس اكيد في اسباب غيرها بعد!

ياخوي ما يبيلها شي من متى ما شفنا هالمبالغ الكبيره هذي وبعدين شوف الشراء وين واي شركات داخلين عليها وتعرف وبعدين اذا اهما مصرحين على اعلى مستويات تجي تحاول تبرر انه مو اهم كل يدل على دخول الهيئه وبطريقه مخجلة يبا اي ربح يدورونه علينا قل ايرادات يبا اصحى عندا فوائض ماليه المعلنه خياليه فما بالك اللي رفضوا يصرحون عنه من ارتفاع النفط لمدة سنه وهم شفط لما قدمت لهم اسئله من المجلس وبعدين ياخي دول عاديه جدا واقل من الكويت دخلت الاسواق لي انقاذ اسواقها دون النظر للربح الجشع مو ذيلا اللي مؤشرنا ما صعد من دخلوا الا صعود مزيف وكل العالم لازلت خسايرها بالهبل وبعدين ما تقرا وما تشوف دول العالم والخليج والمليارات والترليونات اللي تحذف يمين وشمال واسواقهم ارتفاعاتها خياليه واحنا نزول شالمصخره لي هالدرجه وصل فيهم الحسد والحقد عالشعب والجشع واهما يحذفون المليارات لدول كانت اول من ايدت غزونا والحين مستخسرين بشعبهم جم مليار وياخي ادخل واربح وارفع السوق وربح غيرك مو تلم لم بالنازل وتخرع العالم وتخليها تقط الباجي من اسهمها بالنازل واصلن كل الضروف مهيئه والعالم مرتفع عن بكرة ابيه حتى الدول الدايخه الا احنا اللي احتياطياتنا النفطيه والماليه تقطي الخليج كله لكن مقيوله ما يجتمع جبن مع كريم ولا شجاعه عند بخيل

 

[kwt.to.kwt]

حسبي الله عليهم
وينهم عن سهم المجموعة د
ومشاعر
اللي مخسرين نصف المتداولين

 

[Ferrari2008]

ورب الكعبه شي مخجل ويفشل هذا البحر والبدر وملوك راحوا وخلوا وراهم كنوز الدنيا وماخلدتهم تقول احنا بدوله فقيره وعايشين عالمساعدات من الدول الخارجيه ما كانا احنا اللي صارفين على نصف الدول العربيه ولما يجي وقت عازت واحتياج اهل الكويت لي صندوق التنميه والهيئه والمركزي بدال ما يعدلون السوق ويردون الثقه فيه ويعوضون الناس وشعبهم يحاولون عصرهم ونهب ما تبقى من اسهمهم ومدخرات اسرهم عيب ورب الكعبه اكبر عيب صرنا طماشه للناس ودول الخليج لي متى هالبخل المخجل واللي يفشل ولي متى وضع ناس ماهم كفو في مناصب اكبرهم منهم ولو جعلت حريمهم يمسكون مناصبهم يمكن يطلعون ارجل منهم باتخاذ القرارات الحاسمه اللي يقول احنا اقل البورصات تاثر واللي يقول الوضع مطمن واللي يقول بندعم السوق والدعوه ضايعه وما شفنا منهم الا الفلس وحسبالهم العالم اغبياء وما يعرفون شقاعد يصير ولا قاعدين يشوفون الخساير اللي قاعده تصير ومن حوالينا حتى من ناس كنا احنا نتصدق عليهم وساهمنا بنهضتهم وكلن يدعم سوقه واسعارهم فلكيه وضامنين الودائع وسوا اشياء يعجز الجبناء عندنا يسونها

 

[abuomar77]

أخر السوق يرفعونة قدام العالم ترى أحنا أخضر تعودنا على هالسوالف

 

[سته فوق سته تحت]

اي والله سود الله وجههم

وين وزير المعكرونه يقول سوقنا بخير

ما يستحوون كل اسواق العالم مولعه اخضر وسوق الكويت بروحه احمر

حتى سوق فيتنام اخضر

لو الوزير عنده دم يستقيل بس من وين

 

[بو سليمان]

أنا عندي لو يشوفون خسارة كل واحد ويعطونه كاشه بأيده.. أوفر لهم وأفضل من التدخل العبثي اللي حاصل بالسوق واللي قاعد يعطي فرصة للكبار بالخروج قبل الصغار

فكرة من الخيال......​

و الله يا بو عبدالوهاب الشباب الحكومة لو ترجع الخسارة
الشباب هم يطالبون الحكومة بدفع الفوائد

صج الشعب محظوظ

 

[Ferrari2008]

بعدين اللي يقهر ميتين موت ومتلهفين ويتحلوسون عند الكتل والنواب والاعلام والناس ويجيسون النبض كل فتره والثانيه يشوفون حدة الرفض او قلت عن اسقاطهم لديون العراق البلد اللي ارتكب اكبر جريمه عرفها التاريخ ومسح دولتنا من الخريطه وقتل من قتل وعذب باجي الشعب ولا يطلع لي احد يقول تغير الحكم الاطماع لازلت موجوده وكلام المقبور صدام لازال يكررونه كبار ساستهم وعبر البرلمانات والصحف وعلى مستوى كتلهم الشعبيه ولحد يقول ضقط من امريكا لانه نفوه اعلى المستويات وبالاعلام وان البلد له سياده في قراراته المصيريه لكن ربعنا ميتين لهفه لاسقاط قروضهم اللي تقدر ب 13 مليار تخيل لو دفعت نصفها في سوقنا وبطريقه شفافه وبصندوق واحد مو اكثر من صندوق وضايعه السالفه ومافيه رقابه عليهم وكلن يخدم معزبه وشركته وكبار المساهمين وما ياكلها الا الصغار ولا حد يطلع لي ويقول من الارباح الغير محققه وكلن يعطي تبرير من جنبه من عرفنا السوق والشركات بالهبل ميزانيتها ارباح غير محققه جتى الشركات التشغيليه كان بعضها يتداول في جزء في قطر والامارات العام اللي طاف وكانت الاسعار بالعلالي شمعنه الحين عموما لو فعلا ضخوا هالمبلغ على اهلهم وشعبهم واقتصادهم وسوقهم كان الكل رابح اهما والناس واللي ينكر هالشي اذكره في اصحاب الشركات هل خسروا في 2005 ما كانت الاسعار خياليه وهما ربحانين والناس ربحانه بس لا حياة لمن تنادي والله الله يعينا بس على هالعاهات اللي ضوعوا في مراكز غير مؤهلين ولا يملكون القرار الشجاع او الغيره الوطنيه او كرم الرجال ونزاهة القيادي للاسف

 

[بو هادي.]

كلامكم طالع من القلب ما أقول إلا حسبي الله ونعم الوكيل

و العوض على الله مو على حرامية الديرة

 

[abuomar77]

السوق السعودي ارتفاع 500 نقطة
سوق الدوحة فوق 700 نقطة
حسبي الله على تجارنا

 

[بو سلطان_]

سوق الحرمنة نازل واسواق العالم كلها بالحد الأعلى صج تجار بوطقة تجار طفسة يدورون الفلس من ورا كل واحد يدش السوق ينزل السهم من دينار لا100 فلس بس علشان ماتستفيد

يا يبااا السوق سوق صناع السوق ومالهم شغل بالاسواق الى برا وسوق لا ينفع معاه التحليل واكثر شي فيه ((عدم مصداقيه))

 

[Ferrari2008]

سوق الحرمنة نازل واسواق العالم كلها بالحد الأعلى صج تجار بوطقة تجار طفسة يدورون الفلس من ورا كل واحد يدش السوق ينزل السهم من دينار لا100 فلس بس علشان ماتستفيد

حتى المية فلس بينتزعونها منك شوف اسعار الشركات اللي كانت بدينار الحين تحت المية فلس بالتسعينات والثمنينات صج تجار مشفح مو شايفين خير ومايترس عيونهم الا التراب والغالبيه منهم مو الكل الغالبيه نهبوا الكويت تجار بوطقه اراضي رسموها بالستينات بالشويخ والشاميه وعالبحر بالبدع بوضع يد والحين بملايين ووكالات لا تعد ولا تحصى بالنهب وطلع مليارات وماعمره قط دينار بكليه او مستشفى او فاد الديره بشي الا من رحم الله منهم وينعدون عالاصابع ولا يحاربون البورصه بكبرها ويلعبون بمصائر اغلب المتداولين عشان موضف غبي مفروض فرض من كتله وغصب عن الحكومه محطوط مدير للبورصه طيب الناس شذنبها ومسؤولين بالهيئه دجاج مرته ارجل منه ما يقدر يطلع قرار ولو بطلع شي تقول من جيبه ومستخسر اموال الديره بشعبها يبيها حق كبريهات لبنان وسوريه واسبانيا وتونس والمغرب والدول الدايخه طبعا عارفينها مايسمى سابقا الضد والا الحين لا صاروا ربعنا واحبابنا واولى منا ومن اقتصادنا في اموال الدوله

 

[Ferrari2008]

لعنبوا غيرهم حتى المية فلس بينتزعونها من الناس شوفوا اسعار الشركات اللي كانت بدينار الحين تحت المية فلس بالتسعينات والثمنينات صج تجار مشفح مو شايفين خير ومايترس عيونهم الا التراب والغالبيه منهم مو الكل الغالبيه نهبوا الكويت تجار بوطقه اراضي رسموها بالستينات بالشويخ والشاميه وعالبحر بالبدع بوضع يد والحين بملايين ووكالات لا تعد ولا تحصى بالنهب وطلع مليارات وماعمره قط دينار بكليه او مستشفى او فاد الديره بشي الا من رحم الله منهم وينعدون عالاصابع ولا يحاربون البورصه بكبرها ويلعبون بمصائر اغلب المتداولين عشان موضف غبي مفروض فرض من كتله وغصب عن الحكومه محطوط مدير للبورصه طيب الناس شذنبها ومسؤولين بالهيئه دجاج مرته ارجل منه ما يقدر يطلع قرار ولو بطلع شي تقول من جيبه ومستخسر اموال الديره بشعبها يبيها حق كبريهات لبنان وسوريه واسبانيا وتونس والمغرب والدول الدايخه طبعا عارفينها مايسمى سابقا الضد والا الحين لا صاروا ربعنا واحبابنا واولى منا ومن اقتصادنا في اموال الدوله

 

[jarrah_aam]

اي والله سود الله وجههم

وين وزير المعكرونه يقول سوقنا بخير

ما يستحوون كل اسواق العالم مولعه اخضر وسوق الكويت بروحه احمر

حتى سوق فيتنام اخضر

لو الوزير عنده دم يستقيل بس من وين

عفوا نرجو عدم التعدي على التخصصات , اللي صرح انه السوق بخير مال الدرابيل مو مال المعكرونة

 

[مستثمر سابق]

اخواني تدخل الهيئة كان (ممتاز) لها كربح خصوصا انه الهيئة و التجار اللي عندهم سيولة اخذوا الاسهم برخص التراب و الان ياي الدور يرفعونها و يبيعونها علينا بأسعار ترضيهم و صيدتهم الشباب اللي يضاربون بالأسهم و هي اسعارها متضخمة .

المضارب بعد ما يشتري السهم واهوا فووووووووووق يقول اخ علقوني لي نزل 20 الى 40 بالائمية هذا بالنسة للاسهم الجيدة اما الاسهم الورقية فشرهتك على اللي يشتريها .