يسولفي مدير فرع ببنك الراجحي
يقول ايام هبت الناس بالاسهم بالسعودية 2006
فيه شايب عندة عمارتين وفروا راسه الملقوفين وقالوا له بيعها وحط فلوسها بالاسهم وتبي تدبل لك راس مالك 4 او 5 مرات خلال شهر ابركلك من الايجار
سمع نصيحتهم وباع العمارتين ب 4 مليون
وراح البنك وقال اشترلي السهم الفلاني حطوله الامر بكامل السيوله ومشى الحبيب
بعد ماانهار السوق قالوله ربعة اللى انصحوه يدش السوق ابو فلان ها اشسويت بعت قال لا ماقلتولى ابيع قالو روح بيعها والله يعوض عليك فلوسك مابقى منها الا 600 الف تلاحق عليها قبل تروح بعد
مسكين تعب ولام نفسه يوم سمع نصايح هالناس
المهم راح البنك وقال للموظف بيع اسهمى كلها طقطق الموظف بالكمبيوتر قال ياعمي ماعندك اسهم بغى يوقف قلب الشايب وقال حتى 600 الف راحت علي
قاله الموظف ياعمي رصيدك 4 مليون طلع الحبيب يوم حط امر شراء السهم طار وماعطوه
وفلوسه موجودة بحسابه
من الفرحه خربها الشايب وقام يرقص بصالة التداول قدام الناس