الكويت قاعدة تضيع ..... الديرة ضاعت وينج يا حكومة ؟؟؟

[adelsaqer]

ممكن مصدر هذه المعلومات ؟

و اذا كان كلامك صحيحا فهذا ينقض كل كلامك السابق .. لأن الأسواق الخليجية التي ضكرتها متدهورة بشكل كبير جدا اكثر من الكويت .. فأذا كانت حكوماتهم تدعمهم فهذا يدل على انه لا من ضخ الأموال الحكومية ... و بعدين الي سووه غلط احنا نسوي نفسهم ؟ احنا من سنين و نعلم غيرنا الحين صار الغريب يعلمنا ؟

يا جماعة لاتسيرون حساسين .. الغلط غلط مايسير هذي اموال عامة مايجوز !!

اخوي يعني انت افهم من حكومات الدول الاوربية وامريكا واليابان والصين كل هالدول ضخوا فلوس في بورصاتهم جان قالو هذا مال عام مايصير ندعم الفرق اللي بينا وبينهم ان اهناك اكو ناس تشتغل واهني ناس تقرق علي الفاضي

 

[sportsaaad]

السلام عليكم ورحمة الله وبركاته

يا جماعة الخير ...

اذا وزير التجاره يصف متداولين البورصه بمغامرين ويريدون الربح والثراء السريع والحكومه غير مسؤوله بهبوط وارتفاع السوق لان لا توجد انتاجيه ؟؟

آمنا بالله مو مشكله لا تتدخل الحكومه ( بس ليش الحكومه ما توفر فرص استثماريه لصغار المستثمرين ليش تجبرهم على دخول السوق )

يعني اللي يبي يستثمر 10 او 20 ألف وين يروح في استثمار يناسب هذا المبلغ غير البورصه ؟؟

وتحياتي ...

 

[Edrak]

اخوي يعني انت افهم من حكومات الدول الاوربية وامريكا واليابان والصين كل هالدول ضخوا فلوس في بورصاتهم جان قالو هذا مال عام مايصير ندعم الفرق اللي بينا وبينهم ان اهناك اكو ناس تشتغل واهني ناس تقرق علي الفاضي

ليش ما تعلمنا قدس الله سرك ؟

انا ابي منك ي واحد .. اشرحلنا شلون ضخت اوروبا الموال بالأسواق يا فطين ؟ اشرحلنا وورنا عشان لا تكون من الي يقرقون عل فاضي ..

و الأخ الي تكلم عن بورصات الخليج انا للحين ناطر المصادر .. بسكم عواطف عاد و خلكم حقانيين مو عشان خسرانين ماتفكرون الا بنفسكم ...

الله يهديكم بس

 

[معمل العود]

هاهاهاهاهاااااااااااااااااااااااااى مادريتو هذى الكويت صلوا على النبى

اللة الوطن صباح الأحمد والباجى قطة بحر

 

[bo3adsa]

اقول محد طقهم على ايدهم وقالهم دشوا السوق ، هذا السوق ربح وخسارة ، واللي ما يتحمل الخسارة لا يدش ، ولا يبا لا ادش الحكومة شنو ياخذون من فلوسنا وقطونها بالسوق ، علشان عيون ناس بايعينها ، اشوف الدول الثانية خسرانا وسوقها ازفت من الكويت محد طلع مظاهرات . ساكتين وبالعين الخسارة لانه بيدهم دشوا محد طقهم على ايدهم وغصبهم ادشون السوق.

ترى احنا ديرة دلع والله ، اللي دش السوق يتحمل الخسارة ويتقبلها مثل ما يتقبل الربح

واللي يزعل خل يزعل ، ويا حكومة لا تفسفسين بحلالنا وحلال عيالنا عشان اللي حاسبين السوق وناسة وربح دايم.


وعلى فكرة والله اني خسران فوق 90% من فلوسي وتحويشتي ، بس متحمل ، هذا السوق ، فا لا تسوون لنا افلام واحد يبي ينتحر والثاني يمشي بمكسر وفنيلة !! وين قاعدين ، اقول لا اضحكون العالم علينا ، والله يعوض على الجميع انشالله.

وجهة نظر جيدة ....

حنا دخلنا البورصة وعارفين ان فيها ربح وخسارة,
العوض على الله


خسارتي ايضا تعادل اكثر من 90% من راس المال

 

[bader1800]

كلام صحيح وهذا الواقع الي يدش السوق يتحمل والله يحفظ الكويت واميرها من كل مكروووووووووووه

 

[AutoCad]

آنه شخصياً متفائل من الأيام الجاية

ولو ارتفع السوق قريب احسبوها علي بس ها أبي الحلاوة

 

[AMR]

انا عندي كلمتين بس

امريكا ما تدخلت في الاسواق في الكساد الكبير سنه 1929

وكانت ترى في سنه 1929 عدم التدخل بالاسواق افضل مهما كلف الامر


الان في سنه 2008

تدخلت و ابدعت سياسه جديده وه التدخل في الاسواق



ولكن شنو المشكله عندنا
==============

المشكله بالطريقه

و الله لما سمعت بان الحكومه تدخلت قلت بل كتبت موضوع موجود في المنتدى

الذي سوف يستفيد من تدخل الحكومه التجار ( الموضوع موجود في المنتدى )

احنا عندنا مشكله كبيره

الله يستر
هذا و الله اعلم

 

[mash3el]

فصلوا الربع الله يهديهم

والله العظيم إني خسران 70% من راس المال

بس ما توصل فينيي اشكك في ولاء حكومتي

فيه واحد من الاخوان يقول إن الحكومه منتخبه من امريكا !!

هذي عليها الف علامه استفهام هذي حكومتنا زينه او شينه بالاخير هم اللي باقين لنا

وياأخي احمد ربك على النعمه والخير والعافيه اللي انت فيها غيرك محرووم منها

ومثل ما خسرت اليوم راح تربح باجر سواء بالسوق او بغيره

التجئ الى ربك وادعيه وراح تهدأ نفسك والمال انت جبته وانت اللي خسرته

وإن شاء الله تقدر تجيبه مره ثانيه وهذي التجاره ربح وخساره

والله يكون بالعون لكن ان شاء الله الاوضاع بتكون افضل في الربع الاول من السنه الجديده

والشي الزين بالازمه هذي ان الكل يفكر يحلها يعني العالم كله تضرر منها

بالاخير راح يلقون او يتوصلون الى حل وراح يتعافى الاقتصاد من جديد بس اصبروا عليه شوي