شركة منا القابضه (منا قابضه) .... 5

[بسنا زحمه]

ههههههههههههههههههههه الظاهر قعدلي اليوم تو مناقشك في صفحت ابو عبدالله الخوي الدمدبن شوف الربحيه وسهم ماسك عمرا وسوق كان في انهيار الوعد قريب

الوعد قريب والله يسمع منك

 

[عاشق البدر]

يارب.. ساعتين ونشوف الأمور إن شاء الله خضره

 

[بسنا زحمه]

أكثر من شخص وصاني اليوم على منا .. نتمنى يكون الارتداد غدا

أعتقد ذلك
نفس الشيء،، كلمت واحد من داخل الشركة
وقال لي في ارتداد
بس قال لي حاول تبيع قبل ما يعلق،، وترجع تشتري من تحت،، حتى تعوض خسارتك
لأني السهم راح يكون فيه لعب غدا

لا غير مو مثل الصفاة بكرا الشغل وثلاثاء والربعاء وخميس حد على توقعي الشخصي ليست توصيه وكلن كلن عقله براسه

يارب.. ساعتين ونشوف الأمور إن شاء الله خضره

حد ادنى والعروض مايشيلها بعير شتقولون الحين؟؟

 

[عاشق البدر]

أعتقد العروض راح تنشال خلال ساعة،، والله العليم
خلك متفائل،، وبسك زحام

 

[بسنا زحمه]

أعتقد العروض راح تنشال خلال ساعة،، والله العليم
خلك متفائل،، وبسك زحام

بروح الدوام الحين وبرجع على الساعه 2 وابي اشوف هالعروض صارت طلبات بالحد الاعلى او اشتكي عليك عند المشرفين انك تروج كلام مو صحيح

 

[بسنا زحمه]

أعتقد العروض راح تنشال خلال ساعة،، والله العليم
خلك متفائل،، وبسك زحام

رحت ورجعت من الدوام والسهم بالادنى وين الي بيشيل العروض خلال ساعه

السهم 200 فلس والله العظيم وايد عليه

 

[شرياص الخالدية]

رحت ورجعت من الدوام والسهم بالادنى وين الي بيشيل العروض خلال ساعه

السهم 200 فلس والله العظيم وايد عليه

أخوي عندك أسهم بمنا؟

 

[بسنا زحمه]

أخوي عندك أسهم بمنا؟

ليش ؟

 

[شرياص الخالدية]

ليش ؟

بس أسأل، اذا تقدر تقولي أكون شاكر لك، و اذا ما تقدر هم أكون شاكر لك

 

[بسنا زحمه]

بس أسأل، اذا تقدر تقولي أكون شاكر لك، و اذا ما تقدر هم أكون شاكر لك

طويل العمر كان عندي السهم وربحت منه ربح من نفسي وطبعا الله خير الرازقين ولا اعتمدت على توصيه او تحليل فني لكني شفت شكاوي كثير من الشباب في المنتدى عن وجود ناس تحب تصرف على روس الناس الثانيه ولاني عرفت شلون السهم يشتغل الى حد كبير ولله الحمد فاني انتظر السهم عند سعر بين 300 و 200 والارجح 200 فلس ووايد عليه وسؤالك على راسي من فوق ياشرياص

 

[شرياص الخالدية]

طويل العمر كان عندي السهم وربحت منه ربح من نفسي وطبعا الله خير الرازقين ولا اعتمدت على توصيه او تحليل فني لكني شفت شكاوي كثير من الشباب في المنتدى عن وجود ناس تحب تصرف على روس الناس الثانيه ولاني عرفت شلون السهم يشتغل الى حد كبير ولله الحمد فاني انتظر السهم عند سعر بين 300 و 200 والارجح 200 فلس ووايد عليه وسؤالك على راسي من فوق ياشرياص

انزين لو اقولك ان كميتي كبيره و تكلفتي 1380،، كلامك هذا و أرائك السلبية تتوقع انها ما تضرني نفسياً؟؟؟

تحب تضيق على أخوك المسلم؟؟

 

[محبوبة]

سوال

ولا اخوى شرياص الخالدية كلامك عدل بس الاسف هل الوقت الناس كل واحد يقول يالله نفسى ما يهم اى واحد وانا احب ازيدك اخوى انا ماخذة منا بسعر 1400 والله لما اشوف كلام الناس تسكر فينى الدنياة الى يقول ناطرهة على 180فلس وواحد يقول على 200 صج كلام يزعل بس ما انقول الى الله موجود ويصبر علينا

 

[شرياص الخالدية]

ولا اخوى شرياص الخالدية كلامك عدل بس الاسف هل الوقت الناس كل واحد يقول يالله نفسى ما يهم اى واحد وانا احب ازيدك اخوى انا ماخذة منا بسعر 1400 والله لما اشوف كلام الناس تسكر فينى الدنياة الى يقول ناطرهة على 180فلس وواحد يقول على 200 صج كلام يزعل بس ما انقول الى الله موجود ويصبر علينا

السؤال: اذا الشركة مو زينة و ما تسوى و كلهم حرامية... ليش ينطرونه على ال 200 فلس و ال 300 فلس؟؟

علشان يصعد 25 فلس و يبيعونه؟ و لا علشان يرجع دينارين مرة ثانية؟

عيل الموضوع طمع أكثر من ماهو معلومة صحيحة حول ردائة الشركة. للأسف المسلم يضيق على أخوه المسلم و يقهره بس علشان حفنة من الدنانير.

سبحان الله

 

[عاشق البدر]

ياجماعة،،
تفائلوا بالخير تجدوه

 

[بسنا زحمه]

السؤال: اذا الشركة مو زينة و ما تسوى و كلهم حرامية... ليش ينطرونه على ال 200 فلس و ال 300 فلس؟؟

علشان يصعد 25 فلس و يبيعونه؟ و لا علشان يرجع دينارين مرة ثانية؟

عيل الموضوع طمع أكثر من ماهو معلومة صحيحة حول ردائة الشركة. للأسف المسلم يضيق على أخوه المسلم و يقهره بس علشان حفنة من الدنانير.

سبحان الله

انت من صجك ياشرياص انا اضارب مثل كل الناس شياب طاري الطمع فيني وشايب طاري ضيقة المسلم على ا خوه المسلم

الحين الواحد اذا نصح وحذر صار يضيق على اخوه المسلم

بعدين شنو سالفة يصعد 25 فلس او يرجع دينارين انت من صجك او من صجك

لالالا اكيد فيك شي ياشرياص بروح اصلي العصر وارجع اشوف شتبي تقولي

 

[بسنا زحمه]

ياجماعة،،
تفائلوا بالخير تجدوه

معاك انت بالذات كل الي بالمنتدى متفاءلين بس تكفى كفنا خيرك وشرك ولاتقولنا مره ثانيه وصلني خبر وبيتحرك السهم والعروض بتنشال ترى كافي والناس تفهم ولا في احد قاعد يقرا ويصدقك

 

[sarem]

هذا الاقتباس كان لمشاركاتي في صفحة منا قابضة في شهر مايو الماضي واتهمت في ذلك الحين بالتشائم وعميل للمحافظ وحاسد الناس .
اتمنى الان ان تكون انجلت الحقيقة !!
واليكم الرابط والمشاركات :



10-05-2008, 11:52 PM
sarem
عضــو






للأسف شفنا يوم الخميس يوم ارجعت منا للتداول وافتتحت 1960 وبعدين تلاها صفقة بالحد الادنى فخفق المؤشر السعري -40 نقطة نزول مرة وحدة حيث كان المؤشر -40 وفجأة صار -80 فيتضح من هذه الحركة كم هو اثر منا على المؤشر .

هذا اذا علمنا ان آخر اربع ايام تداول كان هناك تصريف واضح على السهم وذلك من ارتفاع كمية التداول في آخر اربع ايام كما ان الشمعات المتكونة كلها شمعات تصريفية واكثرها وضوحا الشمعة الاخيرة.

كما انه دائما التصريف يتم قبل الهدف المعلن للحصول على الشراي واليكم الامثلة :

المخازن ايام ما كانت 5 دنانير قالوا رايحة عشر دنانير وما بقى واحد بالكويت الا شرى المخازن حتى البنقالي اللي يجيب شاي بالسوق يمكن خذاله شوي وأين تم التصريف ؟؟
تم ب 6760 والعالم حيل يشترون وكل ما نزل قالوا لا بكرة بيرتد عندهم عقد عندهم مادري شنوا والى يومنا هذا وشوف عينكم السهم يتداول بحدود الدينار وهي من هي من الشركات الكبرى ذات الأصول الضخمة ولكن هذا الحاصل.

سهم اللبنانية واللي ما يعرفونه من مستجدين البورصة هو سهم المستثمرون حاليا لمن وصل 1120 قالوا لا أحد يبيع لا يخضونكم السهم رايح 1360 وما عليكم يومين ويرد ونزل ونزل ونزل والمساكين متعلقين بالأمل !!!

سهم المجنونة الدولية صعد من 170 فلس ل 1180 وقالوا حزتها السهم بيطير رايح على اقل تقدير 1800 اذا مو دينارين وشوف عينكم السهم قاعد ينشات بالفناقر يوميا ب 300 .

سهم بترو جلف شلع من 350 الى الدينار بصحبة الأسطورة الحفار وقالو ان الحفار ببيعونه بأكثر من راس مال الشركة وأرباح خيالية وبعدين قالوا هونا نبي نأجر الحفار وبعدين قالوا وقعنا مذكرة تفاهم مع ايران وبعدين قالوا حصلنا مستأجر بسعر أفضل وشوف عينكم السهم انقط عقبها الى كم ؟؟ كم تتخيلون ؟؟ الى 244 فلس حد أدنى من الدينار .

وسهم الرابطة والوطنية العقارية وسلطان والمعادن وشوفوهم اليوم مو مترقعين والناس متعلقة فيهم بأسعار مرتفعة !!!

طبعا والأمثلة كثيرة أكثر من أن تحصى آخرها سهم عقارات ك قالوا رايح نفس منا وصعد السهم كم يوم حد أعلى وتالي صرف 60 مليون سهم على المساكين ونزل .

وقبله سهم امتيازات صعد اسبوع حد أعلى وقالوا هدفه 350 وتالي صرف ب 265 34 مليون سهم وعاد السهم من حيث اتى.

وغيره وغيره وغيره كثييييييييير لكن للأسف نحن نتداول بعواطفنا وليس بعقولنا والطمع بعض الأحيان يعمي بصيرتنا لمن يطيح الفاس بالراس نقول ياريت بعنا وياريت جنينا أرباحنا وياريت وياريت وكلمة ياليت عمرها ما تعمر بيت .

فكروا بعقولكم وخل عنكم المطبلين.

ولا تقولون قاعد أخوفكم لكن أخوكم انقرص من السوق لمن قال بس ، فياليت الواحد يتعلم من غيره.

والبيع والشراء مسئولية شخصية.


11-05-2008, 12:49 PM
sarem
عضــو

خلوا عنكم العواطف واعملوا العقووووووووول

ولاا يزال البعض يردد نفس العبارات نزول بسيط خض بطون استراحة محارب جني ارباح ولكن الحقيقة واحدة هي تصرييييييييييييف




14-05-2008, 06:10 PM
sarem
عضــو

شوفوا يا أخواني مافي سهم بالدنيا يصعد وما ينزل وما في سهم ينزل وما يصعد لكن لمن ينزل ويرتد ويصعد مو شرط يرد الى الأسعار السابقة .

وهذا كان اعتراضي على الأخ تاجر بن تاجر وهو التوصية بعدم البيع طمعا في الصعود .
مع احترامي الشديد للجميع والاختلاف بالرأي لايفسد للود قضية.

ليش ما نبيع السهم اذا اعطى اشارة خروج ونسترد السهم بالنازل ونستفيد من الفرق .

كم الفرق من 1920 و 1580 الفرق هذا احنا اولى فيه بدل لا نمسك السهم ونضرب اوتاد ونخيم فيه واناسبه ونتزوجه وانخليه عندنا صاعد نازل ولا نستفيد من التذبذب .

هذه هي الفكرة.

صح الأخ تاجر دخل الناس على السهم مبكر من 440 فلس لكن خطأ الأخ تاجر هو التوصية بعدم البيع وهذا أكبر خطأ .

حيث استغل ثقة القراء من 440 فلس الى 1980 واستغلالا لهذه الثقة امر بمسك السهم وعدم البيع .

سؤال بسيط اذا هدف السهم 2500 او3000 سؤال مادام الكل عارف الهدف ورح يبيع بهذا السعر ما فكرتوا منوا اللي رح يشتري السهم مادام هذا هو الهدف ؟؟

اذا لازم يقال لكم ان الهدف 2500 ويبيعك السهم 1980 على امل انك تكمل معاه للدينارين ونص ويسترده منك مرة ثانية ب 1300 ويبيعك ياه مرة ثانية 1760 ليش ما تفهمون اللعبة عدل .

ليش تكونوا ضحية التطبيل في المنتديات ولمن نتكلم وننصح تزعلون وتسمونا مشككين علما انه نحن الذين يبحثون عن مصلحتكم وقاعدين نفتح عيونكم على اساليب المحافظ .
ليش ما تردون علينا وتسمعون كلامنا ؟؟؟


17-05-2008, 10:45 PM
sarem
عضــو


الأخوة الاعزاء جميع الشباب المستثمرين بشركة منا قابضة ، انصحكم نصيحة لوجه الله وأرجو ان تتقبلوها بصدر رحب.

شركة المشاريع كانت رابحة في السنة الماضية من بيعة الوطنية اكثر من450 فلس هل يعني ان السهم راح للأربع دنانير ونص؟؟؟

شركة ص متحدة كانت رابحة في السنة الماضية اكثر من 130 فلس هل يعني ان السهم طار لل 1300 ؟؟؟

طبعا ارباح غير مكررة بالنسبة للشركات سالفة الذكر ، ؟؟؟

السؤال المطروح هب ان شركة منا اتمت الصفقة وربحت دينار للسهم هل ستوزع الدينار على المساهمين ؟؟؟

ام انها ستستفيد من المبلغ في مشاريعها المستقبلية ؟؟؟


اذا النصيحة هي عدم التعلق بأي سهم مهما كانت الأخبار الايجابية عليه ؟؟

أخذ رزقتك منه وابحث عن غيرهة ؟؟

أعتقد من لم يقنع بالارباح من ارتفاع سهم منا قابضة وآثر الاستثمار فإنه خسر من ارباحه قرابة 25% من قيمة السهم !!!

مو احنا اولا فيها ؟؟؟؟




20-05-2008, 12:48 PM
sarem
عضــو



الأخ تاجر ابن تاجر قام بأكبر عملية نصب في تاريخ البورصة.

حيث غرر المتداولين وأوهمهم بأن السهم رح يطير الى ارقام قياسية ونصحهم بالتمسك بالسهم من اسعار 1960 وحتى اليوم وهو يوهم المتداولين بأن الأسعار الحالية تعتبر فرصة واسعار شراء وليست بيع كما نفى ان تكون العملية التي تمت على السهم من يومين 12 مليون ان تكون تصريف .
ومن تداول اليوم اتضحت الرؤية جلية للجميع ان تاجر ابن تاجر قام بأكبر عملية نصب في تاريخ البورصة

لا أحد يقولي نصح الناس بالدخول على السهم من 440 فلس ، نصحهم مو لسواد عيونهم وانما لكسب الثقة بتوصياته حزة التصريف.

علشان يصرف على روسهم واهم يطالعون لذا نطالب ادارة المنتدى بإقامة
اكبر مقصلة في التاريخ للأفندي تاجر ابن تاجر .

والله يعينك على دعوات اللي قصيت عليهم.


هذه المشاركات اقتبساتها لكم للتذكير ، وللأسف لمن كنت احذر واتكلم جوبهت بسيل عارم من المعارضة واتهمت بأني عميل للمحافظ واريد لم الاسهم من المستثمرين وغيره وكلام كثير وطبعا قصائد وأشعار نظمت بتاجر بن تاجر .

والآن أتمنى ان تكون اتضحت الصورة وعرف من عملاء المحافظ اللي صرفوا على العالم بالعالي وباعوهم الاحلام والوردية والوهم .

وطبعا لو ارتد السهم باجر او اللي عقبه شوفوا موجة التطبيل الجديدة ومن الحين اقول لكم لو ارتفع السهم مرة ثانية استعدوا للخروج متى ما شفتوا السهم بدى يترنح من جديد ممكن يعلق يوم او يومين او ثلاثة لكسب الثقة من جديد لكن احذركم واقول لكم خلكم صاحين عدل ولا تلفتون لأي بيان تصريفي جديد .

متى ما شفتوا بدى البيع من جديد وبدى السهم يتذبذب تذبذ شديد حد اعلى حد ادنى انحاشوااااااااااااااااااا.

اما اللي يبي يطبع بالسهم ويحلم احلام وردية خله مناسب السهم بس لا يأذينا بالمنتدى كل يوم يقول خسران نص راس مالي وربع راس مالي وداش آجل وما أدري شنو.

وكل من عقله براسه ويعرف خلاصه

وهذا الرابط
http://www.indexsignal.com/vb/showthread.php?p=1239957#post1239957

 

[بسنا زحمه]

سهم المجنونة الدولية صعد من 170 فلس ل 1180 وقالوا حزتها السهم بيطير رايح على اقل تقدير 1800 اذا مو دينارين وشوف عينكم السهم قاعد ينشات بالفناقر يوميا ب 300 .


10http://www.indexsignal.com/vb/showthread.php?p=1239957#post1239957

لا تعليق والله يعين ملاك هالسهم بالذات وبديت فعلا اصدق ان في شركات تحط لها ناس تكتب بالمنتديات ويبدون انهم على علاقه ببعض مثل قروب منا قابضه وقروب البدر الله يرحمه ومايندرى عن القروبات الثانيه وماستبعد البحر وياهم

 

[ابو عبدالوهاب]

الله يفرجها علي كل مسلم ويعوضهم خيرا

 

[روح السوق]

لا تعليق والله يعين ملاك هالسهم بالذات وبديت فعلا اصدق ان في شركات تحط لها ناس تكتب بالمنتديات ويبدون انهم على علاقه ببعض مثل قروب منا قابضه وقروب البدر الله يرحمه ومايندرى عن القروبات الثانيه وماستبعد البحر وياهم

اخوي الله يجزاك خير

ياريت اتغير توقيعك (الصوره)
اتضايق حيل من هالشخص وانا من المتابعين حيل للاعضاء ..

والي بالصوره اسمحلي ... ما ودي اقول
ادري ابتزعل وبتضايق بس هذا رايي...
واذا امصمم ما اتغير قول عادي لان ماراح ادش الصفحه هاذي نهائيا ...