ما تتوعون افضل اسقاط القروض

[bohassan24]

ما تتوقعون ان الحين انسب فرصة لاسقاط القروض عن المواطنين و دعم السوق بسيولة و الابتعاد عن القروض المتعسرين و الضبوابط الغير صحيحة و مثل ما ضمنوا الودائع المليونية حان وقت اسقاط القروض و لا رايكم يختلف

 

[المهندس حسين]

لقد أسمعت لو ناديت حياً ولكن لا حياة لمن تنادي!

 

[مستثمر عنيد]

انسى

 

[بوالعيس بيك]

السلام عليكم

ما تتوقعون ان الحين انسب فرصة لاسقاط القروض عن المواطنين و دعم السوق بسيولة و الابتعاد عن القروض المتعسرين و الضبوابط الغير صحيحة و مثل ما ضمنوا الودائع المليونية حان وقت اسقاط القروض و لا رايكم يختلف

والله ياخوي انا أقول لونطلب المستحيل يمكن يتحقق..

اما اسقاط القروض فهذا أكبر من المستحيل ريح نفسك ولاتفكر فيه مرفوض ألف بالألف..

 

[بحرري]

شوف يصير اسقاط قروض بس بشرط انه يبون يضبطون ربعهم الكباريه ورقعونها فينا اما يسقطون علينه بس انسى

 

[hassanabass]

شفت صياد يطلع صيده من الشبك الا لمن ينتف ريشه

 

[bohassan24]

بس اهم يتبجبجون نبي ندمج شركات و نزيد رؤوس الاموال و هالدندرة سهالات انا بس ابي اعرف الي خافوا من ظلم الناس على قولتهم ما كو مساواة باسقاط القروض ليش الحين يقرون قوانين للتجار

 

[bnyder2002]

لما تشوف بالكويت مدينه كامله بشوارعها وبناياتها وبمستشفياتها وبملاعبها تحت الماي راح يطيحووووون القروووووض

 

[kuw-stock]

الله اعز الحكومه
عن قريب راح اتشوف
حل لمشكلة ديون الخطوط الجوية الكويتيه مع العراق الى عارضين 500 مليون دولار واحنه نبى منهم اكثر من مليار .
وهم عن قريب راح اتشوف حل لديون العراق وانت تتفرج .

وهم راح اتشوف حل للشركات واقراضهم لانه اهم على بند الحلال وقروضنه على بند الحرام مايصير اتدخل فيها الحكومه .

وهم وهم على هم راح اتشوف وانا وانته ساكتين انتفرج ولا احد يقدر ابطل حلججججججججه ابكلمه
والى اتكلم راح اتعب نفسه ولا احد راح ارد عليه

ماقول الا الله اعز ديرتنه الى رزت ناااس موكفووووووووووووووو العبو بحلال الناس وهم الحكومه اتساعدهم جنه اتقولهم ( غلطت ماعليه هاك فلوس واشتغل مره ثانيه لاحسيب ولا رقيب )

عمار ياكويت


وجزاكم الله خير

 

[rachelsteak]

o ele ma5atha 8ardh ?

 

[الوافي ابو محمد]

لاحول ولا قوة إلا بالله

حكم القوي علي الضعيف

الحكومه بادرت لحل مشكلة الشركات وتركت المستثمرون الصغار أصحاب الدخل الشهري

وين صاحب العجز الإكتواري ماقال لهم عن العجز القادم

 

[DiamonD]

السلام عليكم
ياجماااعه انا اقول انك تجيب نمله وتحلبها حلب , وتجيب الله يعزكم صرصور يتيم اسهل من قضية وفكرة اسقاط القروض ....
ياجماعه والله الوضع جدا سيئ للغايه ولا يعورون راسنا بسالفة صندوق المعسرين الفاشل ...
انا بقولكم سالفة واحد من الربع مطلوب للبنك قرض قيمة القرض الاصلي : 38,941 دينار هذا غير الفايده اللي توصل مع القرض فوق ال 80,000 الف والقسط 370 دينار والمعاش هو قبل زيادة الميه وعشرين والخمسين هو 590 .... علما لديه قسط سياره 85 دينار على الشركه الدوليه غير الالتزامات الشهريه خدامه وماجلة بيت وغيره المهم
مابطول عليكم قدم على صندوق ( المتدبسين ) قصدي المعسرين قالوله مايحق لك تشارك لانك غير مطابق الشروط لان حسبو معاشه مع الزيادات سابقة الذكر وصل معاشه 760 لكن الامر والادهى من هذا احسبو بدل الايجار 150 من ضمن الراتب وجذي طاف ال 900 دينار بعشره فما يستحق انه يشارك بالصندوق ....؟ بدل الايجار شكو يحسبونه والله ظلم ومصخره اللي يصير بهالديره ......؟ لو .......؟ والله ماني قايل اكثر انا انقهرت اكثر من صاحبي ....؟ انا اقترحت على صاحبي يسكن هو ويا اهله فوق شجره ابركله عشان ينقطع عنه بدل الايجار ويشارك بالصندوق الماخوذ خيره .....
السموحه طولت عليكم لكن حبيت انقلكم حاله من حالات احد افراد هالشعب المظلوم ....
وعلى الخير نلتقي ودمتـــــــــــــــــــــــــــــم

 

[AL_nasser]

صباح الخير لا تطلبون اكثر ماتتمنون علي قولت القايل اقبض من دبش اغسلوا ايدكم بصابون لا

تتفائلون كله حجي وبالهوى طاير علي قولت الشاعر راح بالهوى شاشي وانت ما تتدراشي

الشركات النصابه هم ابدى لانهم ابدى منا عقب ما شفطوا فلوسنا وحطوها علي بشواربهم اللي مو


علي رجال الله لا يكثر امثالهم لاكن املنا بالله كبير يعوضنا فلوسنا ودمتم

 

[لوفي لايث]

الخير كله بوجه الحكومه وابو ناصر وجه الخييييير كله لارد الديرة راح يسنعها والجراذي الي كلت حلال الناس بيسممها وبتشوفون شيوخنا مايرضون بالي يصير لاطبقات ولا شي هذا ابونا كلنا راح يطلع قرارات تمشي على الكبير قبل الصغير بلادي وان جارت علي عزيزة واهلي وان ضنوا علي كرامممممممممممم

 

[مضارب عقاري]

الله يستر اطلبوا الله العفو

 

[مساهم11]

الحكومة اخذت خلال ساعه وحده من الاحتياط العام 23 مليار لدعم الشركات المتعثره
في البورصه وعددها محدود

والعام الماضي قال النائب الطبطبائي سحبت الحكومة 45 مليار للمشاريع التنمويه وللحين ما صار شي


فموضوع القروض ماهو ذاك الامر الصعب او الكبير لان مبلغه الاجمالي لا يتعدي المليار
والمواطن البسيط بالفعل بحاجه لهذا الامر

 

[^(ولد الكويت)^]

أنا قبل كان عندي أمل نص بالــ % يمكن يسقطون القروض

أما الآن 100 % ما في اسقاط القروض

ولا تفكر ولا بعد 100 سنه

 

[bohassan24]

اذا على قولتهم بيصير ركود مالي فافضل تخلي المواطنين يعيشون بدون ديون تحسبا لاي طارئ علشان لا انت تحاسب احد ولا احد يحاسبك و احنا الحمدلله دولة مسلمه نقدر ان شاء الله ما ناخذ قروض بالمستقبل