▀▄▀ مواليد السبعينات بس يدخلون ▀▄▀

[Kuwait]

شكرا لتواجدكم وردودكم الاحلى

 

[طلال701]

الله يعطيك الف عافيه على هالموضوع اللى ذكرتنا فيه كانت احلى ايام ماتنسي
وفيه شي بعد ناسينه الجارى لما نحط قوطى العصير السانكيست على التاير الخلفى عشان يطلع صوت يعنى اجزوز

 

[away1979]

الله يعطيك الف عافيه على هالموضوع اللى ذكرتنا فيه كانت احلى ايام ماتنسي
وفيه شي بعد ناسينه الجارى لما نحط قوطى العصير السانكيست على التاير الخلفى عشان يطلع صوت يعنى اجزوز

لووووول ​

 

[NoOoOoR]

ههههه
صاحب الموضوع ذكرتنا بما مضى

بنوا جدام بيتنا ( بيتنا كان بيت عربي ) عمارة فيها مصعد

بعد الغدا بالصيف ( طبعا ما كنا ننام الظهر ) نروح نلعب بالمصعد - صاعدين - نازلين

كنا نشرب الماي من الحنفية ( نسميها نل )

كواطي الروب نغسلها - نعبيها شربت فيمتو و نحطها بفريزر الثلاجة ونسميها برد

في احد مر عليه وانتوا بكرامة حذاء بوكعب خشب - كانوا يبيعونه بالسالمية ب 4 دنانير

هههههههه

شكلها كانت ايام حلوه وذكرياتكم احلى

 

[acton]

منو يذكر اول مارصفو الشوارع بعد ماكان الفرجان رمل كنا كله مجابلين العمال والشمس حنانيه كله عبالنا بساعه يخلصون
منو يذكر المدارس اول لاتكيف ولاوحدات نقعد تحت البنكات والعرق يقطر اذا صار رطوبه كل اشوي نقول حق الاستاذ استاذ استاذ بروح اشرب ماي بس عشان نفتك من الحر
منو يذكر كل سبت بالمدرسه تفتيش على الاضافر والشعر واللي اضافره طويله اشتغلوه عليه لسب بالخيزرانه
منو يذكر السلام الوطني قبل لايتغير ايام الله يرحمه الشيخ صباح السالم ​

 

[NoOoOoR]

منو يذكر اول مارصفو الشوارع بعد ماكان الفرجان رمل كنا كله مجابلين العمال والشمس حنانيه كله عبالنا بساعه يخلصون
منو يذكر المدارس اول لاتكيف ولاوحدات نقعد تحت البنكات والعرق يقطر اذا صار رطوبه كل اشوي نقول حق الاستاذ استاذ استاذ بروح اشرب ماي بس عشان نفتك من الحر
منو يذكر كل سبت بالمدرسه تفتيش على الاضافر والشعر واللي اضافره طويله اشتغلوه عليه لسب بالخيزرانه
منو يذكر السلام الوطني قبل لايتغير ايام الله يرحمه الشيخ صباح السالم ​

ليش قاعدين عند العمال صج ماكو شغل

 

[acton]

ليش قاعدين عند العمال صج ماكو شغل

شنسوي من نشوف جبل رمل كل الفريج فوقه تقول حمام على شعير ​

 

[q8royale]

شنسوي من نشوف جبل رمل كل الفريج فوقه تقول حمام على شعير ​

هاهاهاها
اييييه اذكر - لا كنا نييب قطعة كرتون نقعد عليها و نتزحلق من فوق لي تحت - يعني سكيتنك

منو لحق على (و انتوا بكرامة) اللابشين الاسود - هذا كان اللي يلبسه ذيك الايام بالمدرسة يعني لاعب كرة محترف

 

[Kuwait]

اتمنى اضافة صور قديمه نتذكر الماضي الجميل

 

[Navigator]

 

[بو عمر77]

أيام حلوة ، شكرا لصاحب الموضوع

 

[Kuwait]

العفو اخوي



بس وين طحت على هالموضوع

 

[مشاري بو ناصر]

الله يذكر أيام مدرسة كاظمه بالخير... بالجهراء القديمه ...

وإلا القواري على يمين باب المدرسه ... جدام حلاق المدرسه ...وبالطلعه نتهاوش وناخذ ضفادع من المزرعه إللي جدام المزرعه ... وعقبها فينا ثواليل ... لووووووووووووول

أصدقاء الطفوله - محمد البرجس - محمد العيار - - عبدالله العساكر - طارق العويشير -
طارق الخلف السعيد - حسين الرزني - عبدالله الحبشي - سعود الثابت - سعود الخلف - حمد العفاسي -
حمد بن طفله - عبدالله التيسي - طارق السعيد ... خالد العريفان - فيصل وطلال الصطام ... الله يذكرهم بالخير

تذكرون لما أنزلت لعبة قرانديز ...

تذكرون كنا نحط علبة السانكيست على مدقر التاير الخلفي للقاري ... علشان الصوت أزعاج ...

ونحط التيب على العصايا أيام المتوسطه ... شعب مجرم ...

أيام تلفزون السينما سكر الليتات والغرفه لازم تكون ظلمه علشان نشوف التلفزون ... كبت مو تلفزون ...

أيام الأتاري ... شخباري ...

شباب تذكرون سياره باب واحد سوزوكي سويفت أحمر ومن تحت بأسود ... هبينا فيها ...

نسيت جوتي باما ... أعزكم الله

 

[وافى الوافى]

اتذكر اول كان رمضان غير ...!!

كان له جو خاص ... ونكهه خاصه ...

كنا نتجمع براس الفريج او قدام باب اى واحد فينا ...

واتذكر بعد كان كل واحد فينا خواته معاه ...!!!

ونلعب مقصى او عنبر مع بعض ...

كانت الامور سهالات حيل وكانوا الناس على فطرتها

وحسن النيه موجود وكنا ندش بيوت بعض ونطلع عـــــــــــــــادى

كانت مثل بيوتنا ..

وقبل الفطور بساعه نشوف الصوانى تنتقل من بيت لبيت

كنا احنا نوديها او خواتنا ..!!

وكنا اذا شفنا وحده من جيرانا شايله الصينيه ورايحه بيتنا كنا نوقفها

ونشيل الغطا او الشرشف اللى يغطون فيه الاكل وكنا .... نشمه

كنا نشم الاكل اللى كان يااما هريس او جريش او لقيمات ونقول ...الله

الله ..... على ايام قبل وليالى قبل ..!!

كنا وقت الصيف وكنا نسميه القيظ .. كنا نفرش فوق السطح وننام ..!!

كانت ايام .... !!!

 

[NICK]

اتمنى اضافة صور قديمه نتذكر الماضي الجميل

حاضرين ..


تعرفون اللعبه هذي
والصوره الثانيه بونجوم

والثالثه .. العاب قديمه

 

[NICK]

صوره قمه في الروعه للشيخ جابر رحمه الله

 

[وافى الوافى]

والله انك حمستنى بصورك ...!!


خصوصـــا ان مراقبنا كويت يبى صور قديمه ...


طيب ...


قليل مننا اللى شاف ابراج الكويت اثناء عملية تشييدها وبنائها ..!!


لكم منى صور نادره للابراج اثناء عملية البناء ..

 

[Kuwait]

روعه الاضافه شكرا اخوي للصور

 

[NoOoOoR]

مدرســـة المثنــــى قديمااااااااا










/
/
/​

 

[Hi5]

اف شباب السبعينات وايد