قل وداعا للشركتين زين للاتصالات والوطنية للاتصالات

[Madridi]

مافي لا تنافس ولا شي

الي راح يحول راح يرجع بعد فترة على الشركة الي كان عليها

فيفا ما عندها شي بالنسبة للأسعار، يمكن عروض فقط ، مثل عرض ويانا الي بزين ، يعني يقولك تكلم مع ثلاثة أو سولك جروب خاص يعني مثل هالسوالف

استقبال المكالمات ما يقدرون يسوونه مجاني مو بكيفهم بكيف وزارة المواصلات

واذا صار ووافقت المواصلات راح تسوي الشركات الثلاثة نفس الشي

فيفا اذا تبي تسوي سرعة النت14

فزين سوته وخلصت واللحين شغالين على تحديث الشبكات والكل ملاحظ انه من فترة اشتراكات زين تقطع وتعبانه ، والسبب تحديث الشبكات إلى سرعة 14.4

ما أعتقد راح يقدرون على زين

 

[sulaimanajmani]

ليش كل هالولاء لفيفا وبعدك ما شفت شىء منهم ؟؟؟؟

ولائك وين ؟؟؟؟

 

[الطـبـيـب]

اي خدمه جديده راح يسوونها فيفا راح تسويها الشركتين على طول فماراح تفرق

اي بس الناس ملت من زين ونصبها

زين ترفع اسعارها بدل ما تنزلها مثال

كانت زين تقسم الدقيقية الى وحدات او الى ثواني يعني لو تكلمت ثانية تحسب عليك ثانية بعدين خلوها وحدات ممكن قسمو الدقيقة الى اقسام واخر شي لو تكلمت ثانية تحسب عليك دقيقه يعني بشكل او بأخر صرت تدف اكثر

ممكن احنا نتكلم وما نحس بس مرات قاعد يستهلك التلفون أكثر من السيارة

وبعدين شوف الدول المجاورة تنزل ما ترفع السعوديه وغيرها

 

[bu3teeg72]

بسم الله الرحمن الرحيم
على بركه الله نتوكل ​

وصلني خبر مؤكد بل موثوق به بان وزارة المواصلات قامت باصدار قرار وزاري قبل ثلاثه اشهر يجيز لاصحاب الهواتف المشتركين بتلك الشركتين أعلاه الحق بنقل هواتفهم من والى بين ثلاث الشركات وهي :-

1- زين للاتصالات .

2- الوطنية للاتصالات .

3- فيفا للاتصالات .

وانه من بداية العام 2009 راح تشوفون ( شين الاتصالات ) و(الوطنية الاتصالات ) تتاثر بعزوف المشتركين من شركاتهم واتجاهم الى شركة فيفا للاتصالات الغنية بالخدمات الجديدة الغير المتوفره بتلك الشركتين وبالتالي بل اجزم انها راح تحقق الشركتين (زين - والوطنية ) خسائر كبيرة من نتيجة عزوف المشتركين .

ودمتم ....

القرار صحيح بس الموضوع فيه تعقيدات فنية لها أول مالها تالي.. فما أعتقد بتصير السالفة في 2009... وترى الكلام عن الخدمات الجديدة وغير المسبوقة حجي ماخوذ خيره..

والله أعلم

 

[مساهم11]

والله يا اخوي قبل لا نقول وداعا لوثنيه وشين
خوفي نقول الله يرحم زمانكم
لان فيفا للحين ما شفنا منها ما يشجعنا علي الاقبال عليه
بدايتها خيبت الظن بمسالة الحجوزات الي اتصور انها لعبه دعائيه ترويجيه لا غير
والحبل علي الجرار ان كان هذي بدايتها

فأصبر الي ان نرا شي ملموس وخدمات مميزه ساعتها لكل حادث حديث

وشكرا لك لجميل الطرح

 

[daisy13_8]

صراحة انا راح احول للشركة الي فيها كويتيين مو اجانب ياخذون فلوسنا ويودونها برا الديرة . الشركة الي اغلب موظفينها كويتيين انا وياهم و جذي ندعم عيالنا الي يشتغلون بالقطاع الخاص و نخلي الشركات تدعمهم و دهنا في مكبتنا

 

[aziz777]

صراحة انا راح احول للشركة الي فيها كويتيين مو اجانب ياخذون فلوسنا ويودونها برا الديرة . الشركة الي اغلب موظفينها كويتيين انا وياهم و جذي ندعم عيالنا الي يشتغلون بالقطاع الخاص و نخلي الشركات تدعمهم و دهنا في مكبتنا

كل الشركات اتعين موظفين من نفس جنسيه البلد الي فرعهم متواجد فييه

يعني زين الفروع الي بالبحرين موضفينهم بحرينيين الي بالكويت كويتيين بالامارات اماراتيين


يعني ماسوينا شي

 

[daisy13_8]

و الي بالوطنية هنود و فلبينيين مع انها بالكويت و يسمونها وطنية بعد و الشركات الياية مايندري عنها المهم احنا ندعم الشركة الي اكثر موظفينها كويتيين خل اتحس الشركات الخاصة الي مطهدين عيالنا.

 

[دلوعة البورصه]

عن نفسي ما راح اغير واروح لفيفا

من باب امسك مجنونك

ولعى قولة اخوي بورش " عتيج الصوف "

 

[فوريو]

بسم الله الرحمن الرحيم
على بركه الله نتوكل ​

وصلني خبر مؤكد بل موثوق به بان وزارة المواصلات قامت باصدار قرار وزاري قبل ثلاثه اشهر يجيز لاصحاب الهواتف المشتركين بتلك الشركتين أعلاه الحق

بنقل هواتفهم من والى بين ثلاث الشركات وهي :-​

​

​

​

​

1- زين للاتصالات .

2- الوطنية للاتصالات .

3- فيفا للاتصالات .

وانه من بداية العام 2009 راح تشوفون ( شين الاتصالات ) و(الوطنية الاتصالات ) تتاثر بعزوف المشتركين من شركاتهم واتجاهم الى شركة فيفا للاتصالات الغنية بالخدمات الجديدة الغير المتوفره بتلك الشركتين وبالتالي بل اجزم انها راح تحقق الشركتين (زين - والوطنية ) خسائر كبيرة من نتيجة عزوف المشتركين .

ودمتم ....

هذا خبر ممتاز جدا بحد ذاته
راح يخلى المنافسه قويه جدا ومن بعده المميزات الكثيره تتوالى ..شكر لك​

 

[al_7ooooooooot]

اي والله فيفا خدامتها عجيبه وحلوه حيل
والوطنيه حراميه وبس يبوقون

 

[الفاتح]

صراحة انا راح احول للشركة الي فيها كويتيين مو اجانب ياخذون فلوسنا ويودونها برا الديرة . الشركة الي اغلب موظفينها كويتيين انا وياهم و جذي ندعم عيالنا الي يشتغلون بالقطاع الخاص و نخلي الشركات تدعمهم و دهنا في مكبتنا

صدقة بكلامك بس منو الودى فلوسنا بره من الي اخذ قروض كبيرة وزيادة راس مال عملاقة الاكبر على مستوى المنطقة وصار مقره بالبحرين

تكفه الشركة الي تقصدها ما رحمتنا بالفواترير كانت متوحدة فينا الله يكثر شركات الاتصالات والاحسن والارخص يعيش

 

[daisy13_8]

انا ماقصد ابكلامي الشركات الغير كويتية انا اقصد ان الشركة لازم يكون الموظفين اللي فيها كويتيين , اما بالنسبة حق الناس الكبار احنا مو قدهم بس مايوظفون ناس ماتسوى ظفر عيالنا الي متخرجين من احسن الجامعات و يبون ناس خريجين جامعات مايندرى شنو اهي و يخلونهم يدوسون على راسهم و يقتلون طموحهم. الكويتي اولى ياعالم وين يروح؟ يروح ديرت هل اجانب والله يعزونة اكثر من ما اهو في ديرتة.

 

[bo3looosh]

بلنسبة لي زين و بسسسسسسسسسسسسسسسسسسسسسسس

 

[nawaf.g.alahmad]

السلااام عليكم ورحمة الله وبركاته ...

اخوى العزيز دولاركو ...

ترى الرجال ماقال شى الا عن خبر حصل عليه وانا سامعه من قبل

وترى اذا الموضوع مايهمك يمكن يهم غيرك ...!!

فياريت يكون ردك افضل من جذى ...!!

او اذا الموضوع تافه بنظرك او مايهمك حبذا انك ماترد افضل من هذا التجريح

وتقبل كلاامى بصدر رحب

ياعيني عليك كلامك عدل .....

ورد اخونا صاحب الموضوع يدل على طيب اصله وانه شخص متربي

واحب اقول او الي لاحظته من دراكولا انه دايم يحب يفرض رايه انت موضوعك حلو وانت مو عاجبني وانت مادري شنو محد عاجبه

ياخي لاتقرا بس لاتفرض رايك على الناس ولا صدقت نفسك انك دراكولا

احترم الناس عشان يحترمونك

يا محترم

 

[الفاتح]

دراكولا الله يهديه يتعلم يرد بموضوعية ردودا للاسف منحرفة

 

[المتسامح]

أقوي رد مؤلم بالنسبة لشركة زين هو الغاء خدمتهم و الرحيل الي شركة أخري..
خاصة اذا كان خطك نظام فاتورة ( Postpaid) .

من واقع معرفتي بهم جيدا .. لا يهمهم علي الاطلاق أنتقادهم كلاميا ..
فهم لا يحترمون لغة الكلام انما لغة الأرقام !

 

[الفاتح]

أقوي رد مؤلم بالنسبة لشركة زين هو الغاء خدمتهم و الرحيل الي شركة أخري..
خاصة اذا كان خطك نظام فاتورة ( postpaid) .

من واقع معرفتي بهم جيدا .. لا يهمهم علي الاطلاق أنتقادهم كلاميا ..
فهم لا يحترمون لغة الكلام انما لغة الأرقام !

المتسامح راح الغي خطي الي بزين ولو اشترك بالوطنية او اي بطيخ كمرة اطيح على خطء بفاتورتي ويدوخوني السبع دوخات ويردونها بحساب التلفون

خدماتهم كلها نص مافي خدمة ممتازة الانترنت من 3 شهور عندهم متوفي بس فالحين كل شهر 27 دينار

 

[marvel]

متى تفعيل هذه الخدمة؟

 

[AWSAT]

انا سامع في خدمه عند فيفا
اذا رصيدك مافي افلوس تقدر ان ترسل رساله
حق اي شخص( اتصل علي ) والرصيد خالص وبدون افلوس
هذي بالنسبه للدفع المسبق
وهم الفواتير كذالك وماياخذون علها شي ببلاش خدمه للمتوهق
والرساله بس مكتوب عليها( اتصل علي ) فقط ماتقدر تضيف شي عليها
هذي زينه حق الاجانب والشباب الاصغار
الله زيد وبارك