اهداف بعض الاسهم والله تعالى اعلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[knp]

مساء الخير knp بوسلطان

للأمانه طرحك عجبني وجريئ وأغلب الناس يشوفون صعود السوق اليوم

فتح قابات والعلم عند الله وفي ناس مستغربه من الارقام أنا أقول هذا سوق

وكل شي جايز مثل ما سهم يصعد من 200 ويروح 6 دنانير وممكن يصير

العكس​

الله يعطيك العافية ومشكور على فتح موضوع الشكر

الارتداد اللي حاصل متوقعه قبل ما اكتب هالموضوع اصلا وهو شيء

مو غريب لازم السوق يصعد بعد موجه نزول بس هالرتدادات كلها وهمية

وغير حقيقية الي ان يثبت العكس والناس على بالهم هالاسعار راح

تتحقق بوميين او ثلاثه لا طبعا ممكن ما تتحقق اصلا وممكن تتحقق مع

الوقت ولنا عبره بالبنوك الخليجيه بس كثير من الاخوان ما يطلع على اسعار

البنوك الخليجية قبل يوميين تقريبا بنك الريان القطري كسر سعر الاكتتاب

ووصل الى 9 ريال وهذا اعتبره فتح الباب لبنوك ثانيه والله تعالى اعلم

وهذا رابط توقع صعود السوق لاخونا يوسف

http://www.indexsignal.com/vb/showthread.php?t=137257

 

[3lgm]

لا خلا ولا عدم انشالله يا بو سلطان

 

[بومهدى75]

مشكور اخوى على هذا الموضوع والله يعطيك الف عافيه

 

[توكل]

وانا ايضا اخي الكريم بانتظار رايك ب د للاجاره

 

[ebety]

مشكور علي هالطرح

اذا ممكن شنو اهداف الاولى لللاستثمار

 

[anw-exchange]

شكرا أخوي knp على الموضوع بس ودنا نشوف تحليلك جزاك اله خير

 

[hamany]

قواك الله بوسلطان knp كلامك عين العقل وهذه حقا فرصة للهروب والناس تعتقد الحكومة راح تساعد السوق وهي بالأصل متوهقه..سعر النفط قرب على خانة الثلاثين دولار والأستثمارات الخارجية خسايرها جايدة لكن محد يعترف بالحقيقة وأستهلاك الدولة عالي جدا ...كل هذا والبورصة ترتفع .على شنو على ولا شيء .بوسلطان انت حذرت وماقصرت والله يعطيك العافية والصحة الدائمة .ولاتبخل علينا بتحليلاتك الرائعة.

 

[knp]

وانا ايضا اخي الكريم بانتظار رايك ب د للاجاره

السلام عليكم السهم فنيا ان شاء الله جاهز للارتفاع لسبب مو ضرب

ودع طبعا لان موشراته منخفظه بشكل كبير من جهه والجهه الثانية السهم

عنده دعم تاريخي عند 112 فلس وارباح الشركة 55 فلس الشركة عندها

خسائر غير محققه السوال ليش التداول عليها اليوم 42 مليون سهم

والشركه اسهمها 313 مليون سهم طيب منو اللي قاعد يبيع ؟ ولو

عكسنا السوال منو قاعد يشتري ؟؟ نروح للصفقات اللي تمت على الشركة

تم تنفيذ 922 صفقه وهي اعلى عدد صفقات للشركة بعام

2008 اذا ما كان بتاريخ الشركة كله

صفقات اليوم اغلبها 20 الف سهم الي 100 الف سهم يعني غالبا واقول

غالبا هم الصغار اليوم اذا كان فيه تصريف راح يكون بالعالي مو بالحد

الادنى اللي قاعد يصير شي غريب انا ما اقول هالكلام للتخويف ولكن

اسئلة تحتاج اجابة .

السهم فنيا متشبع من البيع وحالة الارتفاع اقرب بكثير من النزول

دعم السهم وهو تاريخي 112 فلس

التعليق على الشركة شيء والتحليل الفني شيء اخر اتمنى تكون العملية

واضحة علشان ما اشتت افكاركم بالشركة واحرمكم من شراء شركة

راح تعطي او العكس ادخلكم بشركة راح تنزل ممكن الشركة تروح حد اعلى

اسبوع وممكن العكس الله اعلم

اذا تعليقي غير واضح اتمى تبينونه لي علشان نستفيد

واللي يحب انزل شارت الشركة وابين اللي وضحته فنيا انا حاضر

انا مجتهد اصيب واخطأ والخطأ وارد اكثر من الصواب

​

 

[ابوالفوز]

اخوي الله يجزاك خير ممكن نفهم وشلون متشبع نزول وانت تقول ان بيتك 360 بوبيان 136
للعلم ترى انا ما اشكك في كلامك لاكن حتى ما يكون فيه لبس وحبيت انك تبين هذا
وسلامتك

 

[knp]

شكرا أخوي knp على الموضوع بس ودنا نشوف تحليلك جزاك اله خير

 

[knp]

اخوي الله يجزاك خير ممكن نفهم وشلون متشبع نزول وانت تقول ان بيتك 360 بوبيان 136
للعلم ترى انا ما اشكك في كلامك لاكن حتى ما يكون فيه لبس وحبيت انك تبين هذا
وسلامتك

حياك الله

هدف بيت التمويل مو بهاليومين واول هدف للتمويل هو 830 فلس وبعدها

من 430 الي 360 وهذا راح يصادف صعود للسوق ونزول وغيره الى ان

يصل للهدف اما الموجه الحاليه فهي موجه صعود تعطي فيها الاسهم

وبعدها ترجع لتكمل نزولها

بالنسبة لدوليه للاجارة انا اتكلم عنها بتحليل اليوم وانها مؤهلة للصعود

بهالموجة اللي صايره الحين اما بالمستقبل والله تعالى اعلم هدفها 80 فلس

ممكن الاهداف ما تتحقق لا اليوم ولا بعد سنه وممكن تتحقق بعد 3 شهور

هذا بعلم الغيب واتمنى ان ما توصل اصلا ولكن هذا اجتهاد

اتمنى اكون وضحت الامور

 

[ابوالفوز]

حياك الله

هدف بيت التمويل مو بهاليومين واول هدف للتمويل هو 830 فلس وبعدها

من 430 الي 360 وهذا راح يصادف صعود للسوق ونزول وغيره الى ان

يصل للهدف اما الموجه الحاليه فهي موجه صعود تعطي فيها الاسهم

وبعدها ترجع لتكمل نزولها

بالنسبة لدوليه للاجارة انا اتكلم عنها بتحليل اليوم وانها مؤهلة للصعود

بهالموجة اللي صايره الحين اما بالمستقبل والله تعالى اعلم هدفها 80 فلس

ممكن الاهداف ما تتحقق لا اليوم ولا بعد سنه وممكن تتحقق بعد 3 شهور

هذا بعلم الغيب واتمنى ان ما توصل اصلا ولكن هذا اجتهاد

اتمنى اكون وضحت الامور

نعم وضحت ووفيت بارك الله بعلمك ونفع الله بك وجعل هذا العمل في ميزان اعمالك

 

[بوحسين11]

نزول قوي للسوق الامريكي و الاوربي


http://finance.yahoo.com/

 

[anw-exchange]

بارك الله فيك على الملف
الشرح ممتاز

 

[دايــم]

نزول قوي للسوق الامريكي و الاوربي


http://finance.yahoo.com/

ليش لا صرت متشائم
تردد مشاركاتك في اكثر من موضوع !!!!​

 

[مليون دينار]

السلام عليكم موضوعي اهداف بعض الاسهم وكالعادة ممكن يعارضني

الكثير ومن يعارض ما اقول له الا الايام كفيلة بالاسعار ليس من باب العلم

بالغيب حاشا لله ولكن اجتهاد قد يخطا وقد يصيب والسوق ليس بيدي ولا

بيدك والاسعار تتغير فهذه سنة الله في خلقه وارجعوا للتاريخ قبل التعليق

والمفيد وغير المفيد

يسمحولي المشرفين بعدم تنزيل شارتات والاكتفاء بالاسعار فقط

ان شاء الله نمون عليهم فهم اخوان لنا .

بسم الله نبدأ

بيت التمويل 1- الهدف الاول هو 1520 ووصلناه وانتهينا منه
2- الهدف الثاني 830
3- الهدف الثالث من 430 الي 360

بنك بوبيان 1- الهدف الاول 265
2- الهدف الثاني 136

مشاريع 1- الهدف الاول 270
2- الهدف الثاني 172

صناعات 1- الهدف الاول 345
2- الهدف الثاني 210

زين 1- الهدف الاول 800
2- الهدف الثاني 610
3- الهدف الثالث 475
4- الهدف الرابع احتفظ فيه

مخازن 1- الهدف الاول 280
2- الهدف الثاني 162

اتصالات 1- الهدف الاول 810
2- الهدف الثاني 350


اخواني الاسعار هذه لن تكون بيوم وليلة ولكن مع الايام ويرافق هذا النزول

ارتدادت صعوديه للتصريف طبعا ..................................................

وارجع واقول انا مجتهد اصيب واخطأ ممكن يتحقق ما ذكرته وممكن ما

يتحقق والحذر ما يمنع من القدر والسوق مضاربه في مضاربه وخلك دائما

مع السوق اذا وجد ترند صاعد حتى لو كان بسيط واخرج فورا بعد الكسر

فلو كان السوق فيه خير ما كسر ترنده

والله تعالى اعلم واجل
​

اليوم السوق رد على كلامك وتوقعاتك للاسهم

يعني بالعقل الاسعار اللى حاطها ولا بالحروب تصير

الله يصلحك

 

[بوحسين11]

ليش لا صرت متشائم
تردد مشاركاتك في اكثر من موضوع !!!!​

ليش زعلان حجي ما تبي نشارك ما نشارك ولا تزعل يبه

 

[دايــم]

ليش زعلان حجي ما تبي نشارك ما نشارك ولا تزعل يبه

ماني زعلان حبيبي
بس رايي ماله داعي لاعادة المشاركه في كم موضوع
وانت حر ​

 

[الفاتح]

عادي اصدق كل شيئ جايز في اسهم كانت 12 دينار راحت لل 30 فلس

 

[knp]

اليوم السوق رد على كلامك وتوقعاتك للاسهم

يعني بالعقل الاسعار اللى حاطها ولا بالحروب تصير

الله يصلحك

اخووي الموجه الحاليه ارتداديه لازم السوق يصعد شوي وبعدها

يكمل مشواره الله يهداك تبي السهم ينزل كل يوم لما يوصل لهدفه

شيء مستحيل واحتمال يكون موضوعوعي كله غلط بغلط الله اعلم