شركة دار الإستثمار ش.م.ك.م ( الدار ) ..... 7

[المغيرة17]

جايز .. من الممكن ان يكون تقليل المعروض لاغراء من له نية شراء وايهامهم ان السهم وصل للقاع ومن ثم عندما يبدأ الشراء يتم التصريف عليه مرة اخرى ..

لكن فعليا.. كل ما يتم بيع .. يتم ضخ كميات من المعروض ..

قبل كم يوم .. تم بيع 860 ألف فتم سحب ما هو معروض بالحد الأعلى وعرضه بالأدنى..
واليوم بعد بيع ال 400 ألف سهم تم عرض المزيد..

ولكن مقارنة بعرض أمس إجمالا.. اليوم أقل..

هل ما يحدث أمر عشوائي أم مدبر !

 

[BO-MUBARAK]

هاردلك مساهمي الدار صبرا ان شاء الله واذا وصل السهم 20 فلس راح ازيد الكمية

 

[المغيرة17]

هاردلك مساهمي الدار صبرا ان شاء الله واذا وصل السهم 20 فلس راح ازيد الكمية

الله يعينهم ..

 

[rouzy]

الله يعينهم ..

---

ايش رايك نخليها حل وسط عند 50 فلس نبدأ نشتري ؟؟

خصوصا أن معظم حاملي السهم أصبحوا في عداد "المقاصيص" وسعر 50 فلس ربما يناسبهم ؟؟ !!!

"ولا تقنطوا من رحمة الله".

 

[المغيرة17]

لو عندي سيولة جان لميت كل المعروض !

(وجهة نظر شخصية بحتة وليست نصيحة أو دعوة للبيع أو الشراء ولا إيماءا ولا تلميحا بذلك لا بطريق مباشر ولا غير مباشر وعلى المتضرر اللجوء للقضاء وأكيد راح يحكمله القاضي بسهمين في بوبيان)

 

[ابوعبدالله لابتوب]

تحليل مالي على السريع للأخ العزيز يونكس​

عندهم قروض فترات سدادها من 3 شهور الى 4 سنوات. عندهم قرض لازم يتسدد الحين و هذا اللي ذابحهم.

بس ال 900 مليون مو كلها الحين.

طبعاً عنده استثمارات متاحة للبيع، انخفضت بشكل مهول جداً و خصوصاً الأسهم المسعرة "المدرجة" شنو اسهمهم المدرجة مادري.

عنده جزء كبير من استثماراته اسهم غير مسعرة "غير مدرجة" مثل اوكيانا و استحواذ و انت اللي ماشي. يعني صعب تسييلها.

لاحظت انهم قاعدين يزيدون ملكيتهم في أوكيانا و شركة اوستن مارتن القابضة اللي تملك أوستن مارتن، بدون اي تغيير في صلاحيات الدار لادارة الشركة.

لاحظت عندهم طيارة شارينها ب 6 ملايين دينار،، طبعاً طيارة بالسعر هذا "برايفت جت" علشان حظرتهم يقزون فيها.

و لاحظت تدفقاته النقدية سلبية جداً و بالماينس، يعني ماكو فلوس طازجة دخلت عليهم من ربح تشغيلي.

و لاحظت انهم يطالبون شركاتهم التابعة و الزميلة على ما أظن ملاييين الدنانير لما الحين ما ادفعوها للدار.

:|

هذا على السريع و اسمحلي بالقصور​

__________________

"لا تصاحب الأصلع ولا تاخد منه نصيحة ربنا لو بيحبه كان سبهالو صحيحه"
بو معالي في عام2009

 

[rahaly]

مشكلة المسلم ماشي على " استعينوا بقضاء حوائجكم بالكتمان "
والمشكلة الاكبر ... انه لا يزال ماشي على المبدأ ذاته !!!!!

يعني عمرك ما تعرف حقيقة الوضع

الى ان يحلوا ازمتهم .................... الله يستر

بس 50 فلس .... اكيد بنشتري (( شدعوة السيولة متوفرة ))

 

[Bubyan]

خسارتنا ما تشيلها بعارين لكن التبريد على الدار او القرين؟؟؟ منو الافضل؟ في كثير يأيدون القرين كأستثمار خاصة بهذه الاسعار، والله اعلم

 

[UNIX]

خسارتنا ما تشيلها بعارين لكن التبريد على الدار او القرين؟؟؟ منو الافضل؟ في كثير يأيدون القرين كأستثمار خاصة بهذه الاسعار، والله اعلم

القرين أكيد.

 

[Bubyan]

القرين أكيد.

شكراً لك

 

[frozen]

مجلس ادارة الدار لي متي ساكتين؟!

 

[ibrahimi]

انه ويا الناس الي بتشتري اب 50 فلس بشتري وياكم

 

[مغامرSAB....?]

الدار يا أهل الدار النصيحة
ندش باجر ونبرد الدفعة الاولى على77 فلس بـ 160 الف والا ننطر
التبريد حاطة على دفعتين

 

[abubatoul]

يا اخوان اليوم قعدت مع مندوب اعلان في المحكمة وهو ماسك منطقة الشرق واللي حواليها .
وفتح معاي موضوع الدار بدون لا اسأله : قال تدري عن الدار اشصاير عليها ؟؟
قلت : شنو ؟؟
قال : تقريبا بشكل يومي اوديلهم اعلانات من المحكمة بسداد ديون بالملايين لناس كثر ... الظاهر انها بتفلس وما قادرة اتسدد اللي عليها ..
على فكرة هالشخص ماله بالبورصة ولا يدري شنو السالفة ...
طبعا انا سكت وما علقت وتمت الحسرة بقلبي ..

 

[السوق الكويتي]

الدار يا أهل الدار النصيحة
ندش باجر ونبرد الدفعة الاولى على77 فلس بـ 160 الف والا ننطر
التبريد حاطة على دفعتين

سؤال بس ؟ انت عندك بيزات مو عدل ؟

ليش تبي تحطهم بمكان يمكن تخسرهم زيادة ؟؟

هالبيزات حطهم بشركة ممتازة حق المضاربة اذا السوق زين ,, على الأقل ترتفع وتربح منها احسن من شركة مستقبلها مو واضح للحين يمكن تزيد خسارتك فيها دبل !

تخيل بردت ,, وكمل نزول السهم ؟؟!!!

ومنو قال التبريد زين ؟؟

 

[خبير النفط]

معقوله هذى الدار مو السى اى آيه ماكوا خبر ولا اى تسريب شنوا الى صاير على السهم وين بيروح ؟

 

[حاكم السوق]

رايح وطي بدون الحكومه

 

[حاكم السوق]

نصيحه لا احد يجازف بدون وضوح الرؤيه بخصوص القانون المزمع تقديمه لإنقاد الشركات المتعسره

 

[abdullah.m]

مشكور على الخبر الحلو

يا اخوان اليوم قعدت مع مندوب اعلان في المحكمة وهو ماسك منطقة الشرق واللي حواليها .
وفتح معاي موضوع الدار بدون لا اسأله : قال تدري عن الدار اشصاير عليها ؟؟
قلت : شنو ؟؟
قال : تقريبا بشكل يومي اوديلهم اعلانات من المحكمة بسداد ديون بالملايين لناس كثر ... الظاهر انها بتفلس وما قادرة اتسدد اللي عليها ..
على فكرة هالشخص ماله بالبورصة ولا يدري شنو السالفة ...
طبعا انا سكت وما علقت وتمت الحسرة بقلبي ..

ان شاء الله باجر حد اعلى السهم

 

[BO-MUBARAK]

المحكمة ترفض الحجز دعوى شركة نور للمره الثانية
وتأجل تظلم شركة الدار الى 14 الشهر

كويت نيوز​