اجتماع عاجل بعد العيد لضبط التنافس في «الاتصالات»!..

[مضارب شجاع]

كفاية يا زين نهب اموال الكويتيين
نبى نجرب شركه ثانيه تنهبا غيركم لانكم نكرتوا الجميل ونقلتوا مقركم خارج الكويت .

 

[s man]

والله انا استلمت ذاك الرقم المرتب من فيفا , ووزعته على نص اللى أعرفهم (لان النص الثانى مالى خلقهم) , وبنفس اليوم ألغيت اشتراكى مع شين بعد 14 سنة معاهم ماشفت الا اسوأ الخدمات بأغلى الأسعار حرامية ومصاصين دم

 

[UNDER_0]

كفاية إن كل الأهل و هم شعب الكويت مكتتب بفيفا

 

[قـنـــاص2]

طلاق بالثلاثة يازين فيفا فيفا وبس كل ماشد التنافس نحن المستفيدين وسلم لي على الشركة الوطنية بالطريق

اخيس انترنت بالعالم e-go

كل المنطقة تشبك ب ip واحد كنت لما ادق على الشركة من سنة كاملة يقولون نفس الاسطوانة اخوي عندنا تطوير بالشبكة او اخوي أعملك ريست ويشتغل تمام

وزارة المواصلات متواطئة معاهم انه تأخر تركيب التلفون لسنوات على المناطق الجديدة لتسهل لشركات الاتصالات مص دمنا حشى لو يهود ممكن يرحمنا شوي حسبي الله ونعم الوكيل

سؤال ليش الوزارة حتى الان لم تقم بتركيب هواتف لكل من صباح الناصر وعبد الله المبارك مع العلم ان صباح الناصر من المناطق القديمة عمرها أكثر من 15 سنه او أكثر شنو السر بالتأخر ياوزير المواصلات

صدقت يا اخوي

 

[المغيرة17]

هذا فساد وسوف نصبح اردى من سوريا وبعض دول افريقيا بالفساد والرشاوي التي تجر البلد الى الهاويه.

حبيبي يا بعد قلبي .. الرشاوي منتشرة وخالصة .. تبي أقولك وين ..؟؟ حتى البنغالي في البطاقة المدنية ياخذ !!

لاحول ولا قوة إلا بالله

 

[فوريو]

كفاية يا زين نهب اموال الكويتيين
نبى نجرب شركه ثانيه تنهبا غيركم لانكم نكرتوا الجميل ونقلتوا مقركم خارج الكويت .

( فــنـــقـــر زيــــن )



فنقر زين....... لانها مصت حساب الكويتيين 15 سنة وتوها تبدأ عروضها الحلوه

فنقر زين....... لانها الشركة الوحيدة اللي تضيف دبل مكالماتك واذا كلمتهم قالوا بنسجلك طلب جنك اطر منهم وهم بايقينك

فنقر زين...... لانها حاولت توقف شركة فيفا اللي كسرت خشمها وسعد البراك يقول مو من صالح الشعب الكويتي تفتح شركة ثالثة والسوق الكويتي متشبع ,,, يالله شناطرين طلعوا

فنقر زين...... لانها ما احترمت الشعب الكويتي لـما فتحت بالسعودية وخلت كل مكالمتها الدولية بسعر محلي باستثناء الكويت ,,, عكس ما سوت فيفا وخلت المكالمات الدولية محلية بين شركاتها

فنقر زين....عشان تتأدب كل شركة ماتحترم الكويتيين وتعرف ان الكويتي زبون غالي وله كرامة

فنقر زين... عشان كافي عليها آلاف الـمليارات اللي طلعتها من فلوس الكويتيين وخلتها تفتح في كل الدول وياليت ذكرت فضل الكويتيين عليها ,, بس شاطرين يمدحون ادارتهم ويبينون انهم ادارة شاطرة وناجحة

فنقر زين... لانها عمرها ما فكرت توزع ارقام حلوه ابلاش واقل سعر لارقامها الحلوه مو اقل من 500 دينار

فنقر زين... لانك صرت تخاف تشتري خط لعيالك وبناتك منها ,, بسبب الدعايات الاباحية بالمسجات حق خدمات دردش وشارك واطلب نغمات وغيره وكل شوي تشتري حق عيالك كروت تعبئة

فنقر زين....وخلك زين.... فيفا والله واجد زين



انشر ولاتتردد ,, لانك اذا نشرت حتى فيفا راح تبدأ خدماتها باسلوب يحترم الكويتيين ويحفظ هيبتهم​

 

[المغيرة17]

فنقر زين....... لانها مصت حساب الكويتيين 15 سنة وتوها تبدأ عروضها الحلوه

كويتيين ومقيمين .. سيم سيم

من قالك 15 سنة يبه .. صار لها طال عمرك 25 سنة !! وإذا تبيها بالضبط يوم 22-12-2008 تكمل 25 سنة و 6 شهور .. شرايك فيني ؟ :d


وأظن أن العنوان الأمثل للموضوع : اجتماع عاجل بعد العيد لضبط شفط الجيوب!..

 

[qatel4]

أنا ما شفت ان عروض فيفا الى هالدرجة تسوي ازمة
دقيقتها من 30 الى 35 فلس والغير ذروة وقت جدا قصير وميت وماحد يدق فيه
والوطنية وزين عندهم عروض الدقيقة فيها ارخص
بس تبقى الشغلة الرئيسية اللي مسوية المشكلة هي ثقة الناس
اذا الناس مو مقتنعة في زين او الوطنية فهذي فيفا موجودة
الاجتماع اعتقد مو للاسعار الاجتماع هو لتركيب الهوائيات لأن فيفا مو قادرة تركب هوائي

 

[المغيرة17]

الاجتماع اعتقد مو للاسعار الاجتماع هو لتركيب الهوائيات لأن فيفا مو قادرة تركب هوائي

الجماعة ماشين في التراخيص وموافقات الوزارات من شهور إذا مو سنة