يعطيك العافيه يابوخالد ومساك الله بالخير
بالنسبة للمؤشر على ال 200 يوم في الرابط هذا والي كنت حاطه يابوخالد, هذا ماشي على السمبل, والسمبل اشاراته بطيئة في استيعاب حركة السهم أو المؤشر, هناك حالات معينه يتم فيها استخدام السمبل بطريقة أخرى يطول شرحها, ولكن انت تطرقت لها بصورة غير مباشره
بوخالد شوف الشارت المرفق (جميعها موفنج افرج 200, ولكن الأسود ويتد, الأحمر الإكسبو, والأصفر السمبل) الويتد اعطانا خروج قبل السمبل, واعطانا دخول قبل السمبل, وهو ما اعتمدت عليه في احد مواضيعي السابقه وقلت السوق مازال فيه نفس صعود بعد, وفعلاً صعد من يومها 800 - 1000 نقطه تقريباً
والملاحظة الأهم الإكسبو يقول ان السوق ليلحين مو كفو الواحد يدخله كإستثمار, وأيضاً هذا مربوط مع مؤشر آخر ان دمجت شرحهم في هذا الموضوع راح ياخذ وقت, واسمحلي بالتقصير حيث ان ظروف الدراسه ماتسمح للشرح لأني راح احتاج مجابل للمواضيع لأنها راح تكون امانه اني اوصل الصورة بشكل كامل, وانا ماقدر عليها حالياً بسبب ظروفي
الخلاصه, لماذا استخدمت يابوخالد السمبل ؟ الويتد والاكسبو افضل منه حالياً, وهذا واضح من خلال تاريخهم, وارجع له من خلال الشارت وراح تشوف ان كلامي صحيح
وازيدك من الشعر بيت يابوخالد, شوف الويتد على 150 يوم, وشوف من متى معطي دخول, وشوف السمبل وشوف متى معطي دخول
السوق ليلحين مافي دخول, وأعطى خروج من 8400 تقريباً, والنزول جداً وارد في المؤشرات الحاليه
وسامحنا على الطواله والتقصير