تعلم أصول القهوه العربيه

[بوسعود66666]

بسوق الصباح تلاقي محلات قديمه حيل

تذكرك بسنة 1982

في عندهم محل مال قهوه وهيل وهالسوالف الطيبه

اشوف ظغط عنده اكيد انه زين

مشكور وماقصرت

 

[شعطان]

ممكن تدلونى وين احسن مكان نشترى منه القهوه
وشكرا لكم

هلا بو سعود

انا لو تشوف ردي على دكتور كويتي بتعرف زياده
بس عندي ولد عمي يشتري من الشويخ صوب سوق التمور و هو بنفسه يحمسها و يطحنها بمزاجه
و صاحبي عنده مطحنه بحولي (( البن النيباري )) بجانب لتل سيزرز عالإشاره مو عشان صاحبي امدحها
بس انت روح و هو يذوقك اياها ,, عنده فناجيل ناطره راييك
وجرب الي قالك عنه مشرفنا يمكن احسن من الي قلتلك عنهم

تحياتي

thanks..


Khaled

حياك الله يالغالي

 

[شعطان]

قهوه يالربع

 

[شعطان]

للرفع

 

[yoyo1983]

شكرا

 

[مديرو]

تسلم اخوي شعطان عالموضوع المميّز ..


وللعلم .. تقدر تعتبرني "مدمن" قهوة عربيه من الدرجه الثانيه


يعني أشوه من الأولى شوي


المهم .. شقولك بالقهوة (المحوجه)؟​

 

[شعطان]

تسلم اخوي شعطان عالموضوع المميّز ..


وللعلم .. تقدر تعتبرني "مدمن" قهوة عربيه من الدرجه الثانيه


يعني أشوه من الأولى شوي


المهم .. شقولك بالقهوة (المحوجه)؟​

الله يسلمك يالحبيب

المحوجه تصير خليط من عده بهارات (( هيل , زعفران , بن , و و و و و ))
وكل واحد و خلطته

بس انا احبها من شغل ايدي
وعليك بالعافيه كل الفناجيل الي شربتها و بتشربها مستقبلا ان شاء الله

 

[المسعودي]

بيض اللة وجهك كفيت ووفيت

 

[ريّس نفسه]

ابشر يا دكتور بعزك
هذي مقادير مطاره بولتر و نص
تحمس القهوه النيه لين تغمج او تصير ذهبيه (( عاد انت تقدرها ))
و تطحنها بمطحنتك بالبيت و تخليها نفس الشكر او أنعم
تحط لتر و ثلاث ارباع لتر ماي بقوري القهوه (( الي جنه مال الحليب )) تغلي الماي و تكون حاط فيه مسمار (( خمس مسامير اذا مسمار كامل أو ما يعادلهم اذا مطحون (( هم انت تقدرها ))
ولما يبلش يدخن (( قبل لا يغلي بدقيقه )) تحط فنجالين او ثلاثه على حسب البن و نوعه,, خلنا على ثلاث فناجيل قهوه
حطيت القهوه الحين و تنطرها لما تفوح اول فوحه و توخرها عن النار لما تهدي شوي (( طبعا النار متوسطه عشان ما تحرق قهوتك ))
و تردها على النار مره ثانيه و اول ما تفوح ترد تشيلها لما تهدي
الحين تحط فنجال كامل هيل و رشه شويه زعفران
و تردها على النار لما تفوح ثالث فوحه
و تنطرها تهدي ادري قصه بس مزاج
الحين هدت القهوه .. تقوم تقصر النار عالآخر و تخليها تحت اقوري فتره ثلاث دقايق الى اربع عشان ما تصير مره زياده من الهيل
عقبها طال عمرك تشخلها بداخل مطارتك (( يفضل مطارة ام نقطه حمره مجربينها و حيل زينه و تحفظ الحراره ))
وعقبها طال عمرك تشربك فنجال يعدل مزاجك بعد طيحت السوق
انت تحس انها طبخه معقده بس بعدين انت راح تتفنتق صدقني
لا تزهق اذا غلطت !!
و سلامتك و تعيش

عاشت رووحك وبيض الله وجهك .. كفيت ووفيت

راح اجربها ان شاء الله


وشكرا للسائل -الدكتور-.. لولاه جان ما عرفنا طريقة شعطان

 

[ريفالدو]

شكرا

 

[Dr-Q80]

عاشت رووحك وبيض الله وجهك .. كفيت ووفيت

راح اجربها ان شاء الله


وشكرا للسائل -الدكتور-.. لولاه جان ما عرفنا طريقة شعطان

حيااك الله اخوي ريس نفسه... و شكرنا الجزيل للاخ شعطان مرة ثانية.

 

[شعطان]

بيض اللة وجهك كفيت ووفيت

وجهك ابيض يالغالي

عاشت رووحك وبيض الله وجهك .. كفيت ووفيت

راح اجربها ان شاء الله


وشكرا للسائل -الدكتور-.. لولاه جان ما عرفنا طريقة شعطان

حياك الله و بالعافيه مقدما

شكرا

عفوا

حيااك الله اخوي ريس نفسه... و شكرنا الجزيل للاخ شعطان مرة ثانية.

ماسوينا شي دكتور

كلكم عزيزين و غالين

و عوافي للكل

 

[بو متعب]

شعطاني من الظفير الأصايل
ونعم الاصل والموضوع
نبيك يوم تصلح لنا الدله وتكيف لنا الراس يا الامير
طبعا للمنتدى كله مو لي انا بس ونعم ونعم ونعم الرجال
عيال وايل يمسون عليك يا طويل العمر

 

[فوركسي]

الحقيقة جهد جبار في كتابة هذا الموضوع شكرا لك

 

[عـذبي]

يعطيك العافيه وماقصرة على الموضوع الطيب يالظفيري موضوع جميل