دورة المؤشرنت للتحليل الفني
50 دينار كويتي
شريت بلبلين
بس مكما عرف فيهم شي
وسألت قالو الافراخ تبدأ على نهاية 4 وفي خمسة الحين مافي أفراخ
دمتم بخير
هلا بالطبيب
الله يهنيك فيهم وما قلتلي الي شريتهم ربوه ولا عاديين
و لو ناطر على موسم الفروخ كان احسن جان شريت وانت جابلتهم لين يصيرون على مزاجك
على العموم ما كو غير ننطر على شهر 4 وانشوف جم بلبل فروخ ونشتريهم
وعسى الله يوفق الجميع
والله شيشتووني هم انا ابي بعد فرخين
ابشر طال عمركتســلم وهذا رقمي 65166553 ياريت بس تنزل االطيور تبلغني حتى لو بمسج
الطبيب دزلي رقمك عشان اذا نزلوا الفروخ ابلغكوالله يخوي مادري شقولك لما كنت بسوق الحمام
وقف الطيرين على ايدي وأكلتهم بعد تمر بس مو برحي
بس رحت البيت يهربون ما يوقفون كلش وينحش مني وأنا أركض وراه سوالي روجيم
حتى مليت وأمس السبت كنت بروح عند الأهل وناطريني وقبل ماروح قلت أحطلهم أكل أنا فتحت الباب وواحد منهم يفلت على طول وأنا ألحق فيه وهو يطير حتى مسكته بس نص ذيله طار من مسكتي
المهم هم أنا بنتظر الفروخ بشهر 4 ونشوف شيصير
دمتم بخير
ههههههههههههههههههههههههههههههههه
هلا بالحبيب
الله يعينك على هالبلابل
اظاهر يالطبيب انت شريت من الهنود الي يوقفون بالممرات بالسوق وماسكين بلابل على اصابعهم لان الربوه غير مو جذي
وعسى ما باعوك بالغالي
على العموم صدقني ما يفيدونا غير الفروخ نشتريهم واحنا انربيهم على راحتنا ومزاجنا لان فعلا فرق انا كان عندي فرخ وربيته لي درجة لما كبر كنت اطلع بره بالحوش واهو يطير فوق راسي مايهدني بالمره وياكل معانا بالسفره وعلى طول بره القفص ومن نفسه بالليل يرد القفص بس للاسف من فتره قريبه مات
عشان جذي قاعد ادور الحين فرخ
على العموم يالطبيب ابيك ادزلي رقمك على الخاص وانشالله من اللقى فروخ تاكد باخذلي واحد و ولك واحد
وبالتوفيج
هلا بوعبدالله
اخوي هذول الهنود نصابين يدوخ الطير ويجوعه ويكون ناتف ريشه بس انت تجيله يحطه بيدك ولما تعطيه اكيد ياكل لان بالاساس جوعان وبس توديه البيت ياكل عدل ويشرب تالي تلقاه ينتعش ويرد على الطبيعته الوحشيه
والملعون باعك اياهم غاليين
على العموم الله يعوض عليك
وخلهم نفس ما قالك رفيجك كل واحد بقفص وبعدهم عن بعض وعامة الطيور يبيلهم فتره لين يتاقلمون على الوضع الجديد باليت تالي تلقاهم يغردون بس طبعا مو نفس الربوه وحاول بالنهار اطلعهم بره بالشمس
وبالتوفيج
على فكره رقمك وصلني ان شاء الله اذا نزلوا الفروخ ابلغك
دورة المؤشرنت للتحليل الفني
50 دينار كويتي