ماقلت لكم امس!!!!!!!!!!!!!!!!!!!!!!!!!!!!! | المؤشرنت
   

ماقلت لكم امس!!!!!!!!!!!!!!!!!!!!!!!!!!!!!

التسجيل
10 نوفمبر 2001
المشاركات
55
آآآآآآه ياراسي آه ماقلت لكم امس ان السوق سوق يهود ولاله آآآآآماااااان ياأخون احذروا لاتروووووووح دراهمكم بين عشيه وضحها بلى شركات قويه بلى خرابيط بلى استثمار بلى كلام فاضي ياأخوان خذوا حذركم ثم خذوا حذركم ترى ماعد فيه الاخسااااااااير في خساير واقرب مثال وما اكثر الامثله شركة IMCL الطبيه كنت ابغى اشتري فيها ب29 دولار كمضاربه علشان ابيع ب30 لكن قدر الله وماشاء فعل اني رحت لم مشوار وتأخرت ويوم جيت لقيتها ب24 دولار لا وموقفه بعد احمدك يارب على العافيه لكن مهوب كل مره تسلم الجره وآسف على الاطاله
 

knnan

عضو نشط
التسجيل
20 نوفمبر 2001
المشاركات
63
ياخوي ارفق على نفسك شوي مابقى الى تطلع علينا من الشاشه
؟؟؟؟؟؟؟؟؟؟؟؟ لكن الله يلوم الى يلومك ؟؟؟
والحمد لله انك ما تورطت بالهنكبه(IMCL)
على فكره ان بغيت اشتري فيه اليوم لكن ربك ستر ...
اما سبب النزول فهو ان عليها قضيه في الكونجرس الشيطاني ههههه
تحياتي وارجو لك التوفيق...
 
التسجيل
10 نوفمبر 2001
المشاركات
55
جزاك الله خير

لاتلومني وانا اخوك وانا اشوف هذا السوق المهبول
لكني ابغى انصحكم نصيحه خذوها من اخ لاخوانه واحبابه اللي توه مابعد دخل السوق او اللي مابعد خسر شيء من راس ماله انصحه انه مايدخل الا بعشره بالميه او خمسطعش (حلوه هذي الكلمه ) من راس مله وهو الربحان دائما وسلامتكم
 
التسجيل
31 أغسطس 2001
المشاركات
28
لقد حذرت الاخوة الاعضاء من هذا السوق (الذي مازال مريضا ويحاول جرينسبان علاجه )في هذا الرابط منذ حوالى الشهرين:

http://www.indexsignal.com/vb/showthread.php?threadid=831

ولا يمكن ان يتعافى اكبر اقتصاد في العالم في غضون شهر اوشهرين بل يلزم له سنوات والله اعلم.
 

ahmedali3

عضو نشط
التسجيل
7 يناير 2002
المشاركات
48
الله يقطع شيطانك يا knnan بعد ما ضحكتني قلت لازم اكتب تعليق

تصورت ان بوابة الارزاق بالفعل زي ماقلت بيطلع من الشاشه

اخوي بوابة الارزاق وش تحسب السوق

المضاربه من اسمها عراك مستمر بين البايع والمشتري

يوم تربح ويوم هو يربح

اقصد ان المشتري يشتري لتوقعه ان السهم سيرتفع
والبايع يبيع لانه يتوقع السهم سيهبط

واللي عنده اولاً توفيق من الله ثم

عنده معرفه اكبر باتجاه السوق حسب خبرته هو الذي يصيب توقعه اكثر

وهذه لاتأتي بالنحيب والعويل
لا

اهدوا ياشباب ترى والله ثم والله لم اجد الى الان فرص تكسبك ذهب سريع زي البورصه الامريكيه

ولكن حاول تتعلم اصول المضاربه اذا انت مضارب

ولا تخلط بين المضاربه والاستثمار

وبعدين زي مادائما اصيح على الشباب ارضى بالهزيمه
يعني ضع سلاحك وارفع يديك واستسلم
كيف

الستوووووووووووووووب لووووووووووووز


بالتوفيق ان شاء الله
 
التسجيل
31 أغسطس 2001
المشاركات
28
كيف حالك يا أخ احمد علي

وين ايامك

انشاء الله تكون بخير.

اكيد انك عرفتني

صديقك القديم عبدالله.
 

bn4fun

عضو نشط
التسجيل
7 ديسمبر 2001
المشاركات
21
عزيزى بوابه الارزاق
نظرا لحظك السئ و دائما تختار الشركات التى تتعرض للافلاس و الهبوط السريع

اقترح عليك مشروع سوف يكسبك ذهبا
ان ترسل تحذيرات للافراد عند نيتك فى شراء سهم حتى لا يقومو بشرائه

مجرد دعابه
ارجو تقبلها بصدر رحب :)
 

knnan

عضو نشط
التسجيل
20 نوفمبر 2001
المشاركات
63
اقول بوابة الأرزاق .؟.؟.؟.
والله اقتراح BU4FUN جيد وبعدين نبي نسوي معاك صفقة او لفعة حلوه
خلنا في المهم
نبي نعطيك على كل سهم نربح فيه نسبه وخلك من السوق الخرطي ؟
بس توعدني انك ماتدخل هالسوق الا( بالخمسطعش %)
وبعدين ياخي فشلتنا وش خمسطعش ياخي خلك جنتل رجل (MEN)
بالغه القصيميه
على فكره السهم واصل النزول الى 17 دولارررررررررررررررررررر
اخي لاتزعل علينا هما انا ما اقدر اتحمل زعل الشباب بهالمنتدى الطيب
وارجو لك التوفيق ب الخمسطعش%
 

هوت ميل

عضو نشط
التسجيل
31 ديسمبر 2001
المشاركات
30
الإقامة
السعوديه
أحلى وأروع كلمه (لا تخلط بين المضاربه والاستثمار)
(لا تخلط بين المضاربه ولأستثمار)
(لا تخلط بين المضاربه ولأستثمار)
المضارب: اذا اشترى عينه تتقلب وقلبه يدق وعرقان وحالته حاله مع كل سنت طالع أو نازل.
المستثمر:اذا شرى يقفل جهازه وينام.
(احمد علي الله يكثر من أمثالك )
 
التسجيل
10 نوفمبر 2001
المشاركات
55
كل شيء الا الزعل تراي ما أحبه ابدا

بس لقيتك يا كنعان انت وخويك اللي ما عرفت اقرأ اسمه بالانقليزي اصحاب دعابه حلوه بس ابغى اعطيكم فايده توها طالعه من الفرن يعني طازه قولوا وشي ؟ زين اقولكم يا حلوين (عفوا على الكلمه) الفايد ه هي اني اتابع الشركات اللي مثل هذي ترى فيها رزقك للمضارب السريع الماهر اللي يعرف يدخل ويطلع بسرعه ولا يكبد نفسه خساير
هو في غنى عنها وتراي ما أزعل ولا أحب الزعل ولا أواطن اللي يزعل
 

knnan

عضو نشط
التسجيل
20 نوفمبر 2001
المشاركات
63
الأخوان احمد وعبدالله حياكم الله
اخي عبدالله استثمرنا وطفينا الجهاز ونمنا على قولك ولكن ؟؟؟؟؟؟؟؟؟؟
يوم قمنا لقينى ال(........................................................
الشباب يكملون الفراغ بالاجابه الصحيحه
على فكرة انا مدرس وأحب زي الأسئلة هذي
الشباب(المؤشر ,الأستاذ,بريد الكتروني.........) في هذا المنتدى ماقصروا يحللون ويعطون دروس ولكن كل شيء بتوفيق الله
 

أبو وليد

عضو نشط
التسجيل
9 نوفمبر 2001
المشاركات
147
احمممممممددددد ربك

يا أخوي من 29 إلى 24طاح قلبك !! وش لو انك شاري بشركة Isph اللي طاحت بدقيقة بعد تصريح مديرها من 16 دولار إلى 4 دولار يعني راح ثلاثة أرباع قروشك قبل ما تكمل شرب الفنجال!!
يقولون ولو نزلنا شوي "من بغا الدح ما قال أح" والسوق الأمريكي :
....................." نصفه دحح وربعه بح والربع الباقي صح".......
بالمناسبة البح هي لعبة للأطفال كانوا يتماسكون فيها الأيدي ويدورون مع بعض حتى تدوخ رؤوسهم..وهكذا السوق الأمريكي "يمسط" بك بعض المرات "ولا داير راسك" !!!!
 
أعلى