دورة المؤشرنت للتحليل الفني
50 دينار كويتي
روح ميلان ساحه الدومو وايد حلوه
ومنطقو كومو بعد حلوه
بس لاتروح روما مقموته وانا بصراحه ماعجبتني
شنو الهدف ؟
أذا أسواق >> روما
إذا هدوء و راحه >> ألبا
بالسلامه
طبعا ميلان كلا مصانع يعني للتسوق
تدخلين المحلات يطير عقلج من اللي تشوفينه
تروحين وترجعين بالسلامه
في روما عندك وايد اماكن منها الملعب الروماني نيست اسمه كودوس او شي هاللطقه
وعندك شارع سبانيش ستيبس حلووو وفيه مطاعم و يمه النافوره مالتهم المشهوره الي يقطون فيها فلوس
بس نفس ماقال الاخ مقموته
عندك فينيسيا ( البندقيه ) حلوه جدا جدا ورومانسيه بس حدها يومين او ثلاث على الكثيرررر
كومو منطقه بميلان
منطقه ساحليه
بس وايد وايد فظيعه
أنا سافرت لها سنة 2005 بصراحة روعة وراقية في التعامل شعبها طيب ومتعاون ويحترم الخليج
إذا انتي من النوع اللي رايح تسوق عندج ميلانو فيها مجمعات وماركات عجيييبة وبالذات روبرتو كفالي عندهم موديلات تصدقين للحين ما نزلت الخليج من اربع سنوات بس روحي لها آخر يومين لأنج بتدفعين بالهبل بدون لاتشعرين
إذا انتي تحبين الطبيعة والخضار والبحيرات في منطقة بيروجيا
في فينيسيا بعد منطقة حلوة وراقية بالحيييل بس فيها سواح كثييير وعرب اكثرهم
وفي بيزا فيها البرج المائل المشهور عشان تصورين يمه هههههههه وفي منطقة قريبة منها بس والله ناسية اسمها لأن ما قعدنا فيها إلا يوم
وفي عندج ريتشوني فيها سواح عرب كثييير وهي منطقة بحرية بس حلوة وااايد
على فكرة أغلب المناطق تقدرين تروحين لها بالقطار وترجعين نفس اليوم
بس عندي لج نصيحة من اخت لأخت
روحي لمكتب سياحي مضمون وعطيه اسم المناطق اللي تبين تزورينها وخليه هو يضبط لج حجوزات الفنادق او الشقق الفندقة إذا انتوا أكثر من شخصين لأن السويتات بالفنادق العالمية مو مريحة بس الشقق الفندقية افضل طبعا بإستثناء سويتات فندق الفورسيزن بالمملكة هذا خطيير
انشالله أكون ساعدتج وان احتجتي دول ثانية راسليني عالخاص انشالله ماراح أقصر معاج
انا رحت روما قبل عشر سنوات واذكر رحنا منطقه ساحليه
اسمها (( بسكارى )) تبعد عن روما ساعه تقريبا بالسياره
وايد حلوه وكل شي فيها نفس اسواق روما موجوده فيها
واذا لج خلق وتحبين شي راقي وكشخه اكثر روحي (( جنوه ))
هذي قمه في الروعه والمناظر والاسواق بس غاليه
جنوه مدينه صغيره بين روما وفرنسا بس ممكن تروحين لها بالسياره
وهم بعد فينيسيا حلوه كمناظر واسواق ...........ورحله موفقه
مشكورررره بس ياليت تذكرين لي اسما المجمعات انتي رحتي للاوت لي الي في سرفالي يبعد عن ميلان تقريبا ساعه ونصف
العفو والله اسماء المجمعات بالضبط ما أذكرها ويمكن رحت للأوت لي بس والله الاسماء مو متذكرتها لأني ما أركز باسمه كثر بضاعته وانا كنت اسأل عن محلات ماركات معينة وكانوا يودونا لهم
روحي ساحه الدومو اللي بميلان
وتشوفين كل محلات الماركات حوالينج
وهناك في مكتب سفريات حق المناطق الاخرى
تلاقينه يم ماكدونالدز تقدرين تستفسرين منه
بس الله يعينج على لغتهم
دورة المؤشرنت للتحليل الفني
50 دينار كويتي