ملعب حشيش على كيف كيفك

[ابو عبدالوهاب]

بصراحة انا من قبل جم يوم لعبت في ملعب في الفروانية وكان واااااااااااااااااااااااايد حلو وبصراحة شي متعوووووووووووب عليه , وكأنك قاعد تشووووووووووف ملعب من ملاعب اوروبا واللي يبي يأجر الملعب هذي ارقامهم (99291677-55751272)

 

[ابو عبدالوهاب]

للرفع

 

[firask]

شي جميل
وكم ايجاره بالساعة اخوي

 

[ابو عبدالوهاب]

25 بالساعة

 

[alanzi]

25 بالساعة

بالتووووووووووووفيق
بس مو سعر وواجد حيل اخووي ابو عبدالوهاااب
للعلم تاجير ملعب كاامل للهيئة العامه للشباب والريااضه 5 دنانير
ونص الملعب 3 دنانير بالساااعه


اتمنى لك التوووفيق

 

[الرسلاتي]

اولا صغير مايصلح حق كبار وثانيا 25 اجار الملعب 5 دنانير

 

[rock404]

امممممممممممم اعتقد غالي لان في ملاعب حلوه ع 10 دك بس ممكن عنوانه يالغالي
ودي اشوفه

 

[مدرس بدنيه]

جداااااااااااا غالي

لو الساعه بخمسه ممكن

 

[a7mdoosh]

حبايبي لاحد يقوول 5 او 10 شووفو الملاعب الثيل على جم مثل المهندسين مشرف يونايتد ثيل الجابرية وثيل المهبوله على 30

 

[hassan_83]

السلام عليكم ورحمة الله وبركاتة
اخواني بالنسبه للاجار الملاعب الثيل الصناعي ترى هذي اسعارهم و 25 دينار يعتبر سعر زين عن باقي الملاعب الثيل الصناعي على 30 الباقي وشكرا ............... بوعبدالمحسن

 

[زفررررر]

صبحكم الله بالخير تر موضوع ال25 يمكن البعض يقوول غالي بي هذي الاسعار واللي قاعد يقول بـ

10 دنانير يالله ويين انا ااجره لا وعلى طول بعد وفلوسي كاش يا شبااب ملاعب الهيئه محجوزه

حق الوزاره هذا الكلام الكل قالي اياه وماتحصل حجز الا بالطق واللي يلقى ارخص انا ابي على

ايدكم من فتره وانا ادور

 

[a7mdoosh]

بو عبدالوهاب الكره علينا ولا عليهم

 

[investor 2007]

سعره زين بس على حسب جم لاعب يكفي؟؟

 

[Taekwondo]

أخوي زفر عساك على القوة .. اول مره اسمع انه ملاعب الهيئه حق الوزارات .. تقريبا تقريبا كل اسبوع نلعب بملعب الهيئه اللي اب بيان صاير على الخط السريع حشيش وشغل عدل وكل ما بغينا نروح ونحجزه ما قالوا وزارة ولا غيره وبجم الساعه مادري الصراحه لأنه الشباب يحجزون واحنا نشوت

 

[خسران جداً]

تنويه
بخصوص المبلغ. كل ملاعب الحشيش الصناعي ب30 دنيار وهذا الوحيد اللي ب25 دينار.......والملاعب الصناعيه دايماً محجوز و زحمه. يعني بخصوص السعر انا اشوف انه مناسب الصراحه..واتوقع ان مرخصه على شان الزباين بس.

اما بخصوص سالفة الوزارات...ملاعب الهيئه نوعين...نوع اجار حق عامة الشعب و نوع حق الوزارات(بمعنى اخر حق اللي بالواسطه)

يعني على سبيل المثال...ملعب الهيئه مال منطقة مبارك الكبير..هذا حق عامة الشعب والملعب دايماً يكون رملي وماكو حشيش من كثر الدوس
اما ملعب الهيئه مال منطقة القصور فهو حشيش صناعي ولا تقدر تاخذه الا بكتاب رسمي من مبنى الهيئه العامه للشباب والرياضه بمنطقة الرقعي...ومن الاخر اذا ما عندك واسطه ..لا اتعب روحك وتروح تقدم كتاب لان انا موديه من قبل ولما اليوم ماشفت منهم شي وانا اعرف واحد من الشباب لاعب فيه ويا ربعه ولما سألهم عن الطريقه؟ قالوله بالواسطه ماخذينه.

 

[Taekwondo]

بس ما شاء الله صورة الملعب عجيبه ودي اعرف من وين مصورها فوق عمارة ولا هيليكوبتر؟

 

[ابو عبدالوهاب]

السلام عليكم
اخوانى انا قليل الدخول على المنتدى واسف على التأخير
بالنسبة للملعب ما راح ازيد على رد بعض الاخوان الى لهم خبرة فى الملاعب وخاصة بالاسعار
الشى الثانى ترى الملعب متعوب عليه وخاصة من ناحية الثيل الانه اصحاب الشركة جو من برا الكويت ركو وراحو بالنسبة للتصوير بصراحة من فوق العمارة

انا انصحكم تشوفون الملعب بالعين وراح تحكمون
والله يوفقكم وشاكر مروركم الكريم جميعا .
اخوكم ابو عبدالوهاب

 

[MeshMesh]

شلون يشوتون بالكورنور @@

 

[قناص_السوق]

اخوي الملعب مرخص ؟ من البلديه و لا غير مرخص ؟ لاستغلال المساحه القائم عليها الملعب ؟

 

[ابو عبدالوهاب]

السلام عليكم
اية نعم مرخص ورسمى .