شركة مجموعة الصفوة ش.م.ك مقفلة قابضة ( الصفوة )

[بن عدوان]

الله يعطيك العافيه يا سعد، عندى ملاحظة... القمتين الى تقصدهم مو نفس القمتين الى تكونوا فى الصفوة... علشان يكتمل الشكل الى تقصده لازم الفوليوم فى القمة الثانية اقل من الاولى

هلا وغلا ابوفواز
الله يعافيك

قارن سلمك الله بين القمه الاولى الشمعه الخضراء والقمه الثانيه الشمعه الحمراء تجد ان القمه الثانيه الشمعه الحمراء اقل من القمه الاولى الشمعه الخضراء . والكميات حاطهم لك في الشارت .

استغرب انك اخترت الشمعه الخضراء اللي بتاريخ 11/8 !!!!

نختار الشمعه الحمراء اللي بتاريخ 12/8 لانها تعتبر اخر قمه وبذلك تكون شمعة 11/8 فعلا قمه ولكن اتت بعدها قمه اخرى بنفس الحد الاعلى وهوسعر 79 لذلك لايعتد الا بالقمه الاخيره.

شكرا لملاحظتك وان شاء الله اكون وصلت المعلومه

 

[BuFawaz]

هلا وغلا ابوفواز
الله يعافيك

قارن سلمك الله بين القمه الاولى الشمعه الخضراء والقمه الثانيه الشمعه الحمراء تجد ان القمه الثانيه الشمعه الحمراء اقل من القمه الاولى الشمعه الخضراء . والكميات حاطهم لك في الشارت .

استغرب انك اخترت الشمعه الخضراء اللي بتاريخ 11/8 !!!!

نختار الشمعه الحمراء اللي بتاريخ 12/8 لانها تعتبر اخر قمه وبذلك تكون شمعة 11/8 فعلا قمه ولكن اتت بعدها قمه اخرى بنفس الحد الاعلى وهوسعر 79 لذلك لايعتد الا بالقمه الاخيره.

شكرا لملاحظتك وان شاء الله اكون وصلت المعلومه

16 مليون مافرقت وايد عن 22 مليون
والشمعتين الخضره والحمره لامسو نفس حاجز المقاومه و الشمعة الخضره اغلاقها اعلى...

شوف القمتين الى ذكرتهم فى البدايه يشكلون نموذج صحيح... القمة الاولى احتاجت فوليوم اكثر (اول مستطيل من اليسار) من القمة الثانيه (ثانى مستطيل)....

شوف القمتين الى بعدهم... القمة الاولى احتاجت فوليوم مساوى تقريبا (ثالث مستطيل من اليسار) للقمة الثانيه (رابع مستطيل)

الموضوع عجبنى بصراحه وياريت الى عنده وجهة نظر يشاركنا الموضوع ومشكور يا سعد على التوضيح وتصبح على خير.... ادعيلى يصلحون ال dsl لما الحين طايحله dial up كرت بدينار لا وبعد ما ادش وايد على الانترنت علشان ما يخلص مالى خلق اروح الفرع اشترى

 

[بن عدوان]

صبحك الله بالخير

عفوا طال عمرك النقاش الراقي يعلمنا على مكان الخطأ والكل مكمل للاخر

وان شاء الله تاخذ ايقوووووووووووو ابرك لك من dsl وانا ماهقيت يخلص اشتراكي معاهم على طول شركة زين والحمدلله مرتاح بلا عوار راس

 

[مضارب عقاري]

ليش بالحد الادنى ؟؟؟؟؟؟؟؟؟؟؟؟؟؟؟؟

 

[بن عدوان]

الحمدلله على كل حال

تم التخلص منه على 71 خساره 5 فلوس

الله يعوض علينا

 

[Bn-Sha6i]

شباب هل سعر السهم مناسب اليوم على ال69 او ننطر باجر ؟

 

[شاعري]

شسالفه فيه شى صاير​

 

[bigbin78]

شكلة السهم داج بالعالم اليوم بالحد الادني ليش ما ادري
شنو السبب يا اعضاء المنتدي .

 

[بن عدوان]

شباب هل سعر السهم مناسب اليوم على ال69 او ننطر باجر ؟

اتوقع 66

اضافه اذا اغلق تحت 71

 

[شاعري]

فيه شراى قوى وفيه بياع قوى شسالفه ​

 

[export]

هاليومين صايرة موضة تخارج بين الشركات عطنى واعطيك قو قلبك بس وتوكل على .

 

[شاعري]

هاليومين صايرة موضة تخارج بين الشركات عطنى واعطيك قو قلبك بس وتوكل على .

السوق خل فينا قلب هههههههههههههه
الصبر زين وصدقنى مافكرت ابيع لانى متاكد السعر رخيص وان السهم راح يشهد صعود قوى بس متى الله واعلم

 

[export]

والله صدقت الصبر زين واذا تذكر السهم او المجموعة كاملة انضغطت العام الماضى وكان فى تساؤل منو اللى وراها .

 

[-m55]

اسهم رخيصة وتابعة لمجموعة استثمارية شعبية ونشطة قد تبرز ويتجدد نشاطها في الاسبوع الاول من شهر رمضان المبارك، ومحافظ مالية تقوم بالوقت الحالي بعمليات ضغط و«تنشيف» تكتيكي على هذه الاسهم.


تاريخ النشر 18/08/2009

 

[برق الشرق]

عرض حد أدنى بلا طلب 3 مليون في هاللحظه!!!

 

[adel8877]

يقولون والله أعلم إن فيه تخفيض على رأس المال 50 % كما قلت الله أعلم بس فيه كلام داخل السوق ودمتم بخير الجميع .

 

[FAWAZ-1]

شكلة السهم داج بالعالم اليوم بالحد الادني ليش ما ادري
شنو السبب يا اعضاء المنتدي .

لاني شريته قبل يومين ...

 

[بو سجي]

يقولون والله أعلم إن فيه تخفيض على رأس المال 50 % كما قلت الله أعلم بس فيه كلام داخل السوق ودمتم بخير الجميع .

حبيب اذا في تخفيض يعنى من صالح السهم مثل نخيل عطونا خذوا نص كميتنا وعطونا علي كل سهم قيمته فوق 100 فلس

 

[FAWAZ-1]

حبيب اذا في تخفيض يعنى من صالح السهم مثل نخيل عطونا خذوا نص كميتنا وعطونا علي كل سهم قيمته فوق 100 فلس

هذا في حالة كان تخفيض رأس المال بنسبه معينه وارجاعه الى المساهمين ... ولكن في حالة الصفوه .. هل راح يردون نسبة رأس المال المخفضه (ان كان هالكلام صحيح ) الى المساهمين او لأ ؟

 

[بو سجي]

هذا في حالة كان تخفيض رأس المال بنسبه معينه وارجاعه الى المساهمين ... ولكن في حالة الصفوه .. هل راح يردون نسبة رأس المال المخفضه (ان كان هالكلام صحيح ) الى المساهمين او لأ ؟

اكيد راح يردون فلوس لان الشركه ماتحتاج اطفاء خسائر مثل غولف انفست الي اطفئو خسائرهم بتخفيض راس المال

الصفوه ربحانه موخسرانه علشان يسوون نفس الشي