شروط الاعلان في المنتدى اضافه الي قائمة السلع الممنوعه .

[general]

انا ماعندي اي فكره عن دعم العماله .. بس اسمع فيها

والسؤال هو :

هل المبالغ اللي كتبتها اخوي بوعقيل غير الرواتب ؟؟

يعني ( مبلغ دعم العماله + راتب من الشركه او المؤسسه = اجمالي راتب الموظف )

بالضبط
و الي كتبته وذكرته هو راتب دعم العماله فقط

 

[بو عمر77]

أخ بو عقيل مارديت على رسالتي بالخاص ، مع الشكر

 

[general]

أخ بو عقيل مارديت على رسالتي بالخاص ، مع الشكر

اخ العزيز لم يصلني منك شي بالخاص
يرجى اعاده الارسال

 

[alsaif10]

السلام عليكم

هل مبالغ دعم العمالة المكتوبة في الموضوع تشمل بدل الاجار للمتزوج ؟
و إن لم يشملها فما قيمة بدل الاجار ؟؟

وجزاك الله كل خير

 

[general]

السلام عليكم

هل مبالغ دعم العمالة المكتوبة في الموضوع تشمل بدل الاجار للمتزوج ؟
و إن لم يشملها فما قيمة بدل الاجار ؟؟

وجزاك الله كل خير

وعليكم السلام
المبالغ اعلاه لاتشمل بدل الايجار
وقيمه بدل الايجار 150 دينار

 

[alsaif10]

وعليكم السلام
المبالغ اعلاه لاتشمل بدل الايجار
وقيمه بدل الايجار 150 دينار

مشكور أخوي على التجاوب السريع

 

[general]

حياك

 

[أبوفلان]

اخوي جنرال بارك الله فيك ،،

هل يكون على راتب دعم العمالة تأمينات اللي هي 18% ، ولا هي فقط على راتب الشركة ،،

؟!

 

[Rap Soul]

جزاك الله
خير واسئل الله أن يرزقك ورزقنا ويرزق جميع امة المسلمين من حلال طيب

 

[general]

اخوي جنرال بارك الله فيك ،،

هل يكون على راتب دعم العمالة تأمينات اللي هي 18% ، ولا هي فقط على راتب الشركة ،،

؟!

ابوفلان عزيزي راتب الشركه + راتب دعم العماله = مثلا 500 دينار تشيل منهم 120 غلاء المعيشه و 50 دينار الزياده الاخيره الي صارت يصير330 دينار تضربهم في 18% وتشوف جم يطلع قسط التأمينات

ملاحظة / قلت لك شيل منهم 120 غلاء معيشه و 50 الزياده الاخيره وذلك لان هذيل ماينحسبون من اشتراك التأمينات يعني بالعربي ماعليهم تأمين

 

[general]

جزاك الله
خير واسئل الله أن يرزقك ورزقنا ويرزق جميع امة المسلمين من حلال طيب

مانحتاج غير دعواتكم الطيبه ياالطيب

 

[!وحيد الجزيره!]

بو عقيل

انا أدرس في جامعه الكويت وعمري 20 سنه وموظف في شركه في القطاع الخاص وراتبي 300 دينار وما يمشي لي دعم العماله

وتوني متزوج .. ما أدري يمشي لي دعم العماله ؟؟ ولا لازم أكمل 25 سنه ؟؟

 

[Wicked]

الحين الفرق بين اللي معاه شهادة روضة واللي معاه جامعية وما يعلووهاااااا ، بس 60 دينار ههههههه بطني بطني هههههه

يعني تخيلو ، واحد ما درس شيء من الروضة ، بس قاعد يلعب ويستانس ويكسر جامات السيارات في الشوارع ، لين صار عمره 21 وبعدين توظف ،،

وواحد دش الابتدائي وكلف اهلة مصاريف ، وملابس وكشاكيل ، ودفاتر رسم ، والاكل الخاص اللي امه تحطة بالشنطة بدل المقصف اللي ما تقدر تاكل من الزحمة هههه ، وكل يوم ابوه قاعد يوصله ، ويحل الواجبات حقة ،،

بعدين عاد الولد تخرج ، ودش المتوسطة ، وتعال عاد جهز الولد ، وتوصيل كل يوم ، وملابس وكتب ، ودفاتر ، وكل يوم هواش وزف علشان ينام مبجر ويحل الواجب ، ومشاكل المدرسة وكل يوم ساحبينه عند الاخصائي ، ووساطات وسالفة ، وعلى هالحال 4 سنين ، لين الحمد لله الولد تخرج من المتوسطة سالم العقل والبدن ،

وبعدين عاد تخرج الولد ، ودش الثانوية ، وياويلي على الثانوية ،، تعال راقب الولد ، وشوف منو ربعه ، وتعال عاد اتحكم فيه وكل يوم متمرد وصراعات وسالفة ، وبعدين عاد مدرسيين خصوصيين وملابس وأدوات مكتبية وكتب وسالفة ،،

للحين يمكن صرفنا على الولد 50 الف دينار ،، بس خل يخلص الثانوية يامعود ،،

والحمد لله عاد خلصها الولد هههههه ،،

تعال دش الجامعة ، ولييييييييييه ، وتعال يبي سيارة وليييييه ، وتعال الكتاب الواحد صار سعره 20 دينار ، وتعال سو ابحاث على 30 دينار ، ومشاريع للمحاضرات ، وتعال راقبه لا يخورها وتعال يبي كمبويتر وسالفة وستين سالفة ،، لين يتخرج عااااااااد ،،

بعدين كل هذه المعاناه علشان ياخذ 60 ديناااااار ،، ههههههههاااااااااي ،،

ولك ، والله بصراحة تخلي الاحد يتحسف انه درس ،،

ليش الانسان يتعلم ليرتقي و يقعد بمجالس الكبار؟ و لا علشان الفلوس؟؟

يقدر اي خكري أو جاهل بالشارع يشتغل مسوق للمخدرات و يحصل له بالتوصيلة الوحده 50 دينار،، و اليوم 3 توصيلات يعني 150 باليوم، يعني بالشهر معاشه أعلى من وزير التجارة و الصناعه

العلم علم مهما كان. بإستثناء أصحاب الشهادات "مسبقة الدفع"

 

[general]

بو عقيل

انا أدرس في جامعه الكويت وعمري 20 سنه وموظف في شركه في القطاع الخاص وراتبي 300 دينار وما يمشي لي دعم العماله

وتوني متزوج .. ما أدري يمشي لي دعم العماله ؟؟ ولا لازم أكمل 25 سنه ؟؟

دام انك متزوج انت الـ king
وبأسرع وقت روح سو اجراءات دعم العماله

 

[بحرري]

اخوي استفسار بسيط بس انا حاليا استلم من دعم العمالة راتب 462 ومع اطفال اثنين يصير 562 ومعاش الشركة 370 الاجمالي 932 اوكى وبشهر 4 او قبل من السنة اليايه ان شاءالله راتب الشركة راح يصير 600 يعني الاجمالي 1162 اذا صار جذي راح يقصون 50 دينار مالت الي رواتبهم اقل من 1000 ولا شنو الطريقة ؟

 

[general]

اخوي استفسار بسيط بس انا حاليا استلم من دعم العمالة راتب 462 ومع اطفال اثنين يصير 562 ومعاش الشركة 370 الاجمالي 932 اوكى وبشهر 4 او قبل من السنة اليايه ان شاءالله راتب الشركة راح يصير 600 يعني الاجمالي 1162 اذا صار جذي راح يقصون 50 دينار مالت الي رواتبهم اقل من 1000 ولا شنو الطريقة ؟

كتبت لي قصه لا ماراح يقصون منك ولا فلس حتى لو راتبك زاد عن الالف

 

[نشاز]

السلام عليكم اخوي الجنرال وكل المختصين ..

انا عندي اخت متزوجة وزوجها متقاعد ..
ممكن يشملها قانون دعم العمالة الوطنية ..

وهو بامس الحاجة للمال ..
وهي ربة بيت وما عندها شهادة ..ابدا ..

يا ريت واحد من يرد علي

 

[نشاز]

اختي مواليد 66

 

[general]

يمشي لها راتب من دون اي مشاكل ولازم تتوظف وتشتغل في احد شركات قطاع الخاص

 

[نشاز]

اسمح لي يا اخوي الجنرال لاني والله ناطرك ردك على احر من الجمر ..
وهل هناك شركات قطاع خاص ممكن توظف اختي وهي بلا شهادة ..؟

انا سمعت عن الشركات الوهمية يعني تسجل اختك عندهم وتاخذ اهي معاش من دعم العمالة

واهم طبعا ما يعطونها شي اقصد الشركة الوهمية ..

سؤالي .. مثلا اللحين اول شيء شنو علي اعمله ؟
وين اروح ؟

وتحيتي لك