ممكن خدمه جزاكم الله خير ابي اركب شفاط لتانكي الماي وين

[ولد عطا]

الي يعرف يركبون شفاط لتانكي الماي يدخل وجزاكم الله خير ورقمي 66220663

 

[FOFOO12]

انته ركبة بالغطا حق التانكي وخلة المروحة داخل تشفط الحرارة وتسحب حرارة التانكي

 

[jaber]

تروح حولي شارع تونس وتلف فوق تحت من الاشارة اللي بعد الرحاب وبعدين اول لفة يمين وتروح لآخر محل من محلات الادوات الكهربائية وقوله ابي شفاط حديد لونه ابيض ماركة bak مو متأكد وأخذ أكبر شفاط من هذه الماركة أعتقد 14 انش ووصل له واير لأقرب نقطة كهربائية عند التانكي وحطه على فتحة التانكي وشرط يكون يسحب الهواء من داخل التانكي ويطلعه في الخارج . وتراه ثابت بس على شان الاطمئنان اشتر براغي خشب اللي لونهم اسود وحادين من الامام وثبت الشفاط بالتانكي .

 

[ولد عطا]

تروح حولي شارع تونس وتلف فوق تحت من الاشارة اللي بعد الرحاب وبعدين اول لفة يمين وتروح لآخر محل من محلات الادوات الكهربائية وقوله ابي شفاط حديد لونه ابيض ماركة bak مو متأكد وأخذ أكبر شفاط من هذه الماركة أعتقد 14 انش ووصل له واير لأقرب نقطة كهربائية عند التانكي وحطه على فتحة التانكي وشرط يكون يسحب الهواء من داخل التانكي ويطلعه في الخارج . وتراه ثابت بس على شان الاطمئنان اشتر براغي خشب اللي لونهم اسود وحادين من الامام وثبت الشفاط بالتانكي .

مشكور اخوي بس التانكي عندي مدور البافلين نوعه الي يجي غطا نفس الماي صحه يركب عليه عادي او لزم نوع معين وهل الغبار يدخل لو اخلي الفتحه مفتوحه او لا يا ليت تفصل اكثر

 

[ولد عطا]

انته ركبة بالغطا حق التانكي وخلة المروحة داخل تشفط الحرارة وتسحب حرارة التانكي

عفوااااا اخوي مو فاهم شنو تقول انت ركبة شفاط ولا شنو يا ليت التوضيح

 

[العاشق]

اخوي نصيحه لاتحط شفاط يترس التانكي غبار ووصخ بعدين المبردات الحين رخيصه ومكفوله بعد ركب وريح بالك انظف واحسن

 

[al_m9r83]

اخوي .. ولد عطا .. نصيحة لله لا تركبه ..

عندي اخوي ركبه وألتمس عليه الكهرباء واحترق عليه التانكي >> طبعا احترق الجانب اللي فوووق ..

مثل ما قال اخوي الاعاشق المبردات احسن ومكفوله انظف لك

 

[jaber]

يا جماعة الخير
انا صارلي 5 سنين مركب الشفاط بالطريقة الطريقة الموصوفة في ردي السابق .
المميزات :
الماي الحار نسيته + اقل صرف كهربا + لا اشغل السخان + توفير كبير بالسعر مقارنة مع المبردات .

 

[arrayyyan]

تكفون


قولوا لى ::: ش السالفه,,,,,


يمكن انا استفيد

 

[ولد عطا]

تكفون


قولوا لى ::: ش السالفه,,,,,


يمكن انا استفيد

هلا اخوي ومشكور كل من شارك في الموضوع واقرا الموضوع تفهم لووووووووووووووووووووووووووووول

 

[AL_Doosari]

ركب تبريد من الغانم احسن لك
سعرة 150 دينار مع صيانة انا مركبة صارلي 3 سنوات وتقدر تتحكم بدرجة البرودة ممتاز

 

[albttar]

انا شريت واحد من البحرين من منطقة الرفاع تقريبا من سنتين ويكون شكله مثل دكت التكييف إسطواني مثل حرف ( ال) بالإنجليزي تشيل الغطا مال التانكي وتركبه مكانه والبدي ماله نفس بدي التانكي نفسه وداخله الشفاط وبالفتحة مالته مثل الشبك عشان يمنع دخول الغبار وتقدر تفتحه وتغسله سعره كان ب 35 دينار بحريني .
الصراحة شغل عدل مدل والماي الحار نسيناه . أنصحك فيه ممتاز .



.

 

[MAC/D]

للبيع

انا عندي جهاز تبريد الماء للتانكي شاريه من الغانم وابي ابيعه منو يشتري ويسوم

 

[الموحد1]

اخوي اللي اشتريته من البحرين نبي الاسم مال المحل او العنوان بالضبط جزاك الله خير؟

طيب موجود بالكويت؟

 

[الموحد1]

اخوي .. ولد عطا .. نصيحة لله لا تركبه ..

عندي اخوي ركبه وألتمس عليه الكهرباء واحترق عليه التانكي >> طبعا احترق الجانب اللي فوووق ..

مثل ما قال اخوي الاعاشق المبردات احسن ومكفوله انظف لك

بس هم كهرباء وتخوف والاّ؟

اعرف واحد حاط مكيف شباك شايل الغطا وحاط شغله مثل الهوز طالع من المكيف وداش بفتحة التانكي يحلف بعز الصيف الماي مثل البراد ويقول اضطر اشغل السخان لانه ينسى يطفي المكيف مرات

 

[ولد عطا]

مشكورين على التوضيح ونبي حلول اكثر يا شباب وامان اكثر يا ليت كل واحد يكتب ملاحظته علشان الجميع يستفيد منها جزاكم الله خير

 

[المستعمل]

الحقيقة الاخوان ما قصروا ولكن راح اقول لك اذا تبي تتسبح وتغسل في عز الصيف بماء بارد ينعشك اشتر مبرد حرارة (كمبريسور ) يركب عند الدرام ( التانكي ),
ولا تفكر بغير هالطريقة وبس

 

[ولد عطا]

بارك الله فيك وكل من شارك وناطرين طرق جديده لتبريد اكثر