الظاهر انت عايش بالبر حجي خلك من بومهدي دش على موقع كونا وشوف الخبر ياقلبو وحره على قلبك وعلى الحساد وسلام على بمهدي وانتو اي شيشه قاعدين
انا ما كذبتك في نقلك و لا كذبت الخبر نفسه, راجع كلامي قبل ما ترد
انا قلت ان بومهدي ينقل اخبار و تحليلات صحيحة من مصادر مصداقيتها اكبر بكثير من موقعك و انتم تكذبونه في كل مرة لأنه ضد مصالحكم
و انت مسوي مهرجان على خبر منقول من موقع غير معروف و لا فيك صبر تنطر لما ينشرونه في الجرايد
طبعا هالحركات معروفة اسبابها و لا راح تمشي على الناس خصوصا ان السيولة شحيحة في السوق و اراضيك تحتاج سنوات طويلة علشان تصير صالحة للسكن و اقول لك و انا صادق بكلامي اني لو القاها الحين بخمسين الف ما شريتها
بالنسبة للحرة اللي على قلبي (على قولتك) هي موجودة بس مو على بو فطيرة او غير بوفطيرة, الحرة اللي في قلبي (و في قلوب آلاف الناس اللي ساكنين بالإيجار) هي على الشريطية الاستغلاليين الجشعين اللي يضاربون بسكن المواطن المسكين
و عندنا ثلاثة أمور نقدر نسويها
السلاح الأقوى و هو سلاح الدعاء عليكم بأن يمحق الله البركة من اموالكم
الأمر الثاني هو المقاطعة و الإيجارات متوفرة و لله الحمد و الحكومة ملزمة بتوفير سكن للمواطن, و حتى لو سراديب تحت الأرض احسن من استغلالكم
و الأمر الثالث هو الضغط على النواب لإصدار قوانين تجعل تجارة السكن الخاص صعبة عليكم و طبعا الشريطية و التجار الصغار ما يقدرون يصمدون لمدة طويلة.
قبل ما انسى, انا مو قاعد في شيشة مثل ما تقول
انا ما احب الجلوس عند ناس يدخنون شيشة لأن التدخين السلبي مضر بالصحة