توزيع بيوت سعد العبدالله ( مو بكيفك ! )

[الـصانع]

السلام عليكم

لي صديق مقدم من 93 وتوه قبل اسبوع ياله الدور

بـ منطقة سعد العبدالله باركناله على البيت ومستانس حده

وصاحبي اهله وشغله وشغل زوجته ومدارس عياله داخل الديره

قال قالتلي موظفه بالاسكان تقدر تبدل عقب شهرين .. تمام للحين

طبعا لما يعطونك بيت يعطونك كتيبات عن التكييف وغيره وهديه بخور

راح شاف البيت زاويه وشغل عدل بس مخططين الطوفه بألوان ما عجبته قال عادي باجر اصبغه واضبطه .

الزبده .. دق علي البارح ومتكدر حده .. عسى ما شر بو فلان

قال يا معود قريت الكتيب ولا كاتبين

ممنوع !! صبغ البيت من الخارج او اي تغيرر حتى تتملكه !! يعني عقب عشرين سنه اذا الله اعطاه عمر

ممنوع !! البدل

ممنوع ويسحب !! منك البيت اذا ما سكنته خلال شهر !!

انزين حكومتنه الرشيده و وزارة الاسكان ..

ريال مقدم واهو كان شباب وعطيتوه البيت عقب 15 سنه .. عادي حالنه حال الشعب ..

تعطونه بيت بأخر الدنيا هم عادي وحالنه حال الشعب ..

أما تعطونه بيت لونه اييب المرض وحاطيله خط بصبغ رش .. جنه محول كهربا ومشخبطين عليه .. وتقولوله ما تقدر تصبغ الا بعد عشرين سنه لما تتملكه .


هذه بـ كل بساطه .. مسخره حدها حدها حدها


ما ادري انا هالقوانين ما عليها رقابه ولا محد يتابعها

بيتي وناطره كالهالمده ما اقدر حتى اصبغه ! عيل لو قايل بهد الديوانيه وبستغلها غرفه .. يسحبون جنسيته اعتقد ..

ويا فرحه ما تمت

استغفر الله يا رب ​

 

[BMW750]

الله يعينه

 

[musad]

يالطيب مو قلنا لا طبنا ولا غدى الشر ورضينى بالهم والهم مارضى فينى بس يالغالي ربك المستعان .

واللحين شباب هذه حاله من الحالات وما خفيه كان أعظم والله يستر علينا ويرزقنا .

 

[اساهيم]

صاحبك فاهم غلط ..

نظام الاسكان اذا سويت شى فى البيت يعنى صبغت او وسعت البيت تسقط الكفاله ..

الكفاله تعتبر عن اى خراب فى البيت من صحى او كهرباء او ابواب ...الخ.

يعنى اى شى يخرب تصلحه لك الاسكان ..

 

[شيخة الكويت]

من صجكم
لالالالالالالالا
تعليق

 

[شيخة الكويت]

بغيت اسال ياليت تجاوبوني شلون ممنوع البدل
هذا من متي القرار

 

[الجود الاول]

لا لا

غلطانين الاسكان

المفروض يحطون قانون أن اهل البيت ينامون الساعه 9 بالليل بالضبط

واى مواطن يخالف هالقوانين يسحبون البيت

شنو فوضى الدنيا يعطونك بيت وتقعد تسهر


يعنى شلون ما يقدر يصبغ !!!!!!!!!

بيتى وحر فيه بعد شنو

اللون مو عاجبنى شلووووووووووون

يخرب بيت هالشغله

والله ارتفع ضغطى​

 

[بدون مجامله]

ياحبيبي اصبغ على كيفك انت فاهم غلط مافيه مانع اتوسع واتهندس ابيتك

 

[musad]

لا لا

غلطانين الاسكان

المفروض يحطون قانون أن اهل البيت ينامون الساعه 9 بالليل بالضبط

واى مواطن يخالف هالقوانين يسحبون البيت

شنو فوضى الدنيا يعطونك بيت وتقعد تسهر


يعنى شلون ما يقدر يصبغ !!!!!!!!!

بيتى وحر فيه بعد شنو

اللون مو عاجبنى شلووووووووووون

يخرب بيت هالشغله

والله ارتفع ضغطى​

قــــــــــــــويــــــــــــــــــة والله

 

[بو متعب]

يقدر يهده ويبنيه من جديد محد له شغل بس هم يقصدون ان صيانته تسقط منه
اما بخصوص اللون حتى بنك التسليف لما يقرضونك يقولون لك البيت لونه ابيض الخارجي وهذا موجود بشرط البنك بس محد ملتزم فيه واغلب البيوت لها اصفر وبيج علشان الغبار والاوسخه الخارجية
اسمح لي صديقك مضيع انصحه يشرب ماي مقري عليه

 

[شلون نبني؟]

كام اساهيم و بو متعب منطقي

 

[شيخة الكويت]

لا لا

غلطانين الاسكان

المفروض يحطون قانون أن اهل البيت ينامون الساعه 9 بالليل بالضبط

واى مواطن يخالف هالقوانين يسحبون البيت

شنو فوضى الدنيا يعطونك بيت وتقعد تسهر


يعنى شلون ما يقدر يصبغ !!!!!!!!!

بيتى وحر فيه بعد شنو

اللون مو عاجبنى شلووووووووووون

يخرب بيت هالشغله

والله ارتفع ضغطى​

هههههههههههههههه صج اني طيبه صدقت

 

[nasser11]

كام اساهيم و بو متعب منطقي

مع حمد قلم

 

[شلون نبني؟]

مع حمد قلم

عسى ما شر ؟

 

[ارماندو]

السلام عليكم00 ياجماعه كم تكلفة توسعة الديوانية وعمل توسعات بسيطة علي بيوت سعد العبدالله اذا فيه احد بالنهضه مجرب ياليت يفيدني بهالموضوع00 يسلموا

 

[BMW750]

منطقه النهضه ناس بانين البيت بالكامل وعلي الشارع العام واضح

 

[الـصانع]

يا اخوان

اللي قلته الحمدالله مكتوب بالعقد اللي أي واحد يستلم بيت يعطونه ورقه يوقع عليها

ومن البنود عدم تغيير اللون الخارجي .. ويسحب المنزل ان لم يسكن خلال شهر

تمام

هالحجي حق الشباب اللي ما شاء الله عليهم .. اللي يقول مضيع والثاني يقول خل يشرب ماي مقريء عليه !! تحبون الطنازه والقشمره .. وياليت أحد فيكم قرأ البنود اللي اتكلم عنها قبل لا يرد هالرد

عموما .. مشكورين​

 

[AL_RAGI]

اخوانى ابى اسال متى يحق لساكنى بيوت جنوب الجهراء ( الحكومة ) انهم يبيعون بيوتهم لانى ناوى اشترى واحد ان شاء الله .​

 

[دار الفردوس]

الله يعين صاحب يالصانع

ما يصبغ ولا يغير وبعد مو من اهل المنطقه االله يعين بعد 5 سنوات الكل عندة جيتى او زاد وشوف البيت بعد راس داخلى يعنى البرج طيب عند بيتها

 

[كويتي8_*]

انزين أهم شيءإذا خذيت بيت بسعد العبدالله وما صبغته ولا عدلت فيه اقدر ابدل مع بيت بالقرين أو صباح السالم؟؟؟؟؟؟؟؟ولا بعد ممنوع التبديل منو يعرف ؟؟