مؤجر لم ممتنع عن دفع الأيجار

[ابوعمر2]

مشكورين والله يجزاكم خير بارك الله فيكم

 

[qanon]

بو عمر حبيبى لا تتردد لاى موضوع افا عليك ))))))))))))

 

[rahaly]

اولا نبارك لابو عمر انتهاء القضيه بالصلح والهدوء

ثانيا .... فيونه
انا افكر داااااائما بفكر محامي وتاجر بنفس الوقت

ثالثا: مداج بتأدبين المستأجرين... لجنة الظواهر السلبية في المجلس يدورون ناس تشتغل معاهم

ا


اولا

 

[ابوعمر2]

مساكم الله بالخير والله ياخوانى من امس ناطر المؤجر معطانى المفتاح ولا دفع الأيجار مادرى شسوى اصبر بعد رحالى يمكن يكون معسر وماعنده فلوس صج ومستحى بس ليش يقفل الباب اذا مستحى اشرايك

 

[الطـبـيـب]

أخوي بالنسبة للقضية تاخذ 6 شهور إلى 14 شهر

وأكلمك من خبره وممكن المستأجر يتحايل على القانون وتخسر القضية ويحملك رسوم القضية 25 دينار بعد ويزيد قهرك قهر

مثل ما قال الاخ الحبيب رحالي أجرها وتابع القضية وان شاء الله تحصل حقك

او اخذ منه ايجار شهر وامرك لله

دمتم بخير

 

[الطـبـيـب]

وأكرر نصيحتي

ترى القضاء أمره طويل

يومهم بسنة

وكل يوم رفعت الجلسه لعدم اكتمال

ورفعت الجلسة لمادري سنو

ورفعت الجلسة للنطق بالحكم وهني الله يعلم بعد جم تعقد ويطلع الحكم لصالح من

 

[fayoona74]

بو عمر هذا الريال مبين من البداية مو ناوي خير خلك شرس ولا تستحي منه وارفع عليه قضية صدقني ماراح يدفعلك وراح تذكر كلامي لان الكتاب يبين من عنوانه

 

[rahaly]

مساكم الله بالخير والله ياخوانى من امس ناطر المؤجر معطانى المفتاح ولا دفع الأيجار مادرى شسوى اصبر بعد رحالى يمكن يكون معسر وماعنده فلوس صج ومستحى بس ليش يقفل الباب اذا مستحى اشرايك

طول بالك حبيبي ..
ونصيحة اتصل على جارك اللي توسط ... وقوله باخلص الموضوع لان في مستأجر ثاني .. واذا طول يخسرني وتتعقد القصة .. واذا طول علي ما راح استلم ..

واذا في حرج خلي الحارس يقوله هالكلام

وشوف هاليومين ... اذا ما انتهى الموضوع ... فلكل حادث حديث

 

[ابوعمر2]

السلام عليكم وصبحكم الله بالخير

والله ياجماعة نطرت المؤجر يدفع الى تفقنا عليه وطول يومين مارد على دق عليه الحارس قاله وينك انا ناطرك تفتح الشقة وتدفع الأيجار قالة زين انا بالدوام الحين اذا طلعت اييك المهم ثانى يوم دق عليه الحارس قال هاه وينك قال الحين ااييك انطرنى بشارع اشوى وياه عطاه مفتاح وراح بسرعة طبعاّ بلغنى الحارس انه عطاه المفتاح قتله والأيجار قال سئلته وين الأيجار قال اى ايجار مافيه ايجار عموماّ قلت للحارس زين شوف الشقة شوى ولا يدق على الحارس يقول ابى أدخل المفتاح بالكالون (( السلندر )) يعنى القلب مال القفل ولا مومثبت يرد ورى يعنى فاكين البرغى الى بالوسط الى يثبت القلب جذيه راح يطيح القلب مال القفل داخل الشقة وهى مقفلة وتضطر تكسر الباب عموماّ قتله لا تسوى شى ولا تجيس الشقة دق على المؤجر قوله المفتاح مو راضى يفتح تعال أفتحلى الشقة لو سمحت دق عليه جان يقوله اشلون مايفتح هو يفتح معاى ومافيه شى وصكر التلفون ومارد على الحارس جان أدق عليه قلته ماعليك أمر لو سمحت ياطيب أذا عندك مجال اى وقت فاضى ممكن تمر الحارس وتفتحله الشقة اهوه مسكين مو عارف يفتحها يمكن القفل خربان جان يقول لا القفل زين مو خربان بس بعض المرات يلك شوى المهم باليل مر الحارس وصعد وياه للشقه جان يدخل المفتاح ولا القلب داش داخل جان يقول منو مسوى جذيه قاله الحارس انت مسوى جذيه يقول جان يطلع بسرعة ولا تكلم ولا كلمة . ثانى يوم أتصلت عليه السلام عليكم السلام قلت طال عمرك صار بالنسبه للشقة ما فتحتها للحارس جان يقول الظاهر الحارس متعبث بالقفل وطاقه مرجعه ورا وخفت أدخل المفتاح يطيح القلب مال القفل قلته بسيطة وبالنسبة للأيجار ترى دق على رفيجك وقتله مافيه مشكله خله يدفع ايجار شهر واحد وين الأيجار جان يقول بالنسبة للأيجار انا مابى أدفع وانا طلعت من الشقة والقانون يعطينى 3شهور ما أدفع لأنى من زمان بطلع من الشقة قتله منو قالك هل الكلام قال رفيجى قانونى ويعرف عدل بالقانون قتله شوف أخوى انا ما أدخل معاك بمشاكل احنا اتفقنا انك تدفع ايجار شهر وانتها الموضوع وأذا انت ماعندك فلوس أو معسر عليك ديون هاذا شى ثانى جان يقول لا يبه عندى فلوس وخير بس ماأبى أدفعلك والحق وياى وانت مالك شئ عندى .



أشرايكم : هاذى أخر التفاصيل شسوى وياه

 

[fayoona74]

ماقلت لك بوعمر ماراح تطول منه شي ونصحتك من البداية ماتستلم منه المفتاح هالنوعية اعرفها زينذخلص سكر معاه وروح ارفع عليه قضية اخلاء وايجارات متاخرة ومايستجد وجنك ماستلمت المفتاح وهذي اخر نصيحة مني وانت حر

 

[ابوعمر2]

اختى فيونة انا ماستلمت منه المفتاح كتلج اهوه لاعب بالقفل ويبى يقص على الحارس يتعبث بالباب بس ما صار الى يبى الحمدالله لأنى قلت للحارس لا تسوى شئ بالباب دق عليه خله أهوه الى يفتح الباب حتى اذا قالك حاول تفتحه قوله ماأعرف ولا توقع اى اورقه ييبها لك يقول وقعها أرفض وأذا شفته يا الشقة مرة ثانيه دير بالك شوفه شنو يسوى خاف يكسر الباب ولا يسوى شئ عشان يضرنا وعلى فكرة أنا طبيعى رافع علية قضية وماشيه ناطر موعد الجلسه الحين شقول حق القاضى اقوله انه طلع ولا أسكت وبعدين بالنسبه حق مندوب الأعلان أجيك معاهم أذا بلغوه ولا سجلو العنوان موواضح أشرايكم

 

[rahaly]

اخوي بو عمر ... الله يوفقك فعلا باين عليك رجل طيب ومو مال مشاكل

اخر مشاركة لي بالموضوع ....

قلتلك سوي اثبات حاله بالمخفر عشان تثبت بس انه عطاك المفتاح رسمي
وهو مو مجنون بعد 6 شهور يقول ما عطيته .. وقتها يصير عليه ايجارات .. وانت عندك شاهد هو الحارس اللي استلم


افتح الشقة واجرها

واطلب من المحكمة الايجارات المتأخرة فقط .. ( راجع مشاركتي فوق)

بالتوفيق

 

[ابوعمر2]

مشكورين وجزاكم الله خير اخوى رحالى رحت اليوم المخفر وبلغتهم عن المؤجر طبعاّ يالله طلعو معاى المهم بطلو الشقة طبعاّ ماحصلو شئ يذكر بالمره شايل كل أغراضه فاضيه طبعاّ مخرب الشقة ليتات مافيه سيراميك ارضيات مكسر صبغ تعبان يعنى تبى تجديد وسجلو أثبات حاله بدفتر المخفر وقالى الشرطى أسجلك أنه ترك الشقة و المفتاح وما وخرج بدون مايسلمكم الشقة وعطانى رقم أثبات الحالة ورقم الدفتر والتاريخ وقالى أذا طلب من القاضى تعطيه رقم أثبات الحالة قتله عطنى ورقه قال لازم امر من المحكمة بس انت جذيه خالص تقدر تستخدم الشقة .

أشرايكم يا جماعة الحين شغلى عدل ولا لا وشنو الأجراء

 

[fayoona74]

شغلك عدل طالما انك اخترت طريق المطالبة بالايجارات المتأخرة فقط دون الاخلاء ومايستجد والاجراء التالي انك تتابع قضيتك بالمحكمة لين يصدر لك حكم بالايجارات اللي مادفعها المستـأجر عن الفترة السابقة وبما انك مسالم وماتحب المشاكل واللوية وماتبي اكيد تدش بموال اثبات حالة لتلفيات الشقة خلص صلح شقتك واصبغها واجرها
وبالتوفيق