استفسار عن مرسيدس يابانى

الحالة
موضوع مغلق

Rolls

عضو نشط
التسجيل
13 فبراير 2008
المشاركات
172
السلام عليكم ورحمة الله وبركاته
اخوانى الأعزاء بغيت اعرف بالنسبه للمرسيدس جايه من اليابان وسكانها يسار مع العلم انهم يسوقون يمين هل فيها مشاكل يعنى ترجف بالسرعه وهذا الموديل 90 حجم 560 وبصراحه بغيت اشتريها ومتردد فيها مشاكل ولا
ارجو افادتى جزاكم الله خير
 

560SEL

عضو نشط
التسجيل
13 مارس 2008
المشاركات
731
المرسيدس والسيارات الالمانيه والمستورده الى اليابان يعني صناعه خارج اليابان حتى الامريكي يجي يمين ويسار على طلب الزبون اما السيارات اليابانيه المصنوعه باليابان مواصفات اليابان مثل تويوتا و لكزس وهوندا كلها يمين والاوروبي يجي يمين ويسار والامريكي ما يجي الا يسار وتحصل لكزس باليابان يسار هذي تكون وارد امريكي .
واذا الموتر نظيف وسعره حلو ومقتنع فيه توكل على الله وعلى فكره المواتر جهة يمين منوع تدخل حتى للامارات ولا تتسجل الا بواسطه واذا الموتر جاي من اليابان الى الكويت لا تاكل هم مو معدل والالماني صعب تعديله من يمين الى يسار ومكلف يعين اللي يبي يجيبه ويعدله راح يطلع عليه اكثر من بيع السوق واذا انه تاجر راح يخسر واذا مستخدم راح يتحسف وشف النيسان ال جي تي يعدلونها الناس اللي يبونها استخدام ويدفعون ما يهم هم ويكلف اكثر من 1200 التعديل الصح لامضمون وفيه ب400 بس يفلت باي لحظه .
اذا تبي تتاكد ان الموتر يسار خذ رقم الشاصي ورح للوكاله ويشيكون لك وانا مستخدم 4 مرسيدسات وارد اليبان كلها شد بلد.
 
التسجيل
20 يناير 2009
المشاركات
283
مافيها شي من ناحيت السكان اهم شي لاتصدق العداد و560 مو نوع واحد اكثر من نوع حبيبي فيه ردي حييل وفيه وسط وفيه قوي ؟؟ وكل السيارات لى فى اليابان او الاغلب ينزلوون عداداتهم طبعا فى اليابان و الربع مصدقين ( الكويتين) لى يشترون السيارت (لشريطيه ) مثل مايسوون بالناس ( البعض مو كلهم) الله بعث لهم اليابانيين او اشريطية اليابان واغلبهم باكستانيين وصارو يقصوون عليهم ؟؟؟؟ والربع مستانسين ؟؟؟ويشترروون السياره على حسب التقرير a b c 5 4 3 ويحطلك العداد ومواصفات والعيوب باليابان وانا اتحدا اي واحد شريطي بالكويت يعرف يقرا ياباني انا رحت مره اليابان وشفت الغش وتزيل العدادت هناك وللعلم الجوا حار جدااا جداا قل من لكويت بشويه فى بعض المناطق
 

Rolls

عضو نشط
التسجيل
13 فبراير 2008
المشاركات
172
مرسيدس يابانى

الله يجزاكم خير
والى عنده اضافه ولا معلومه لايبخل علينا
 

general_q8

عضو نشط
التسجيل
19 فبراير 2008
المشاركات
1,137
الإقامة
الكويت
مافي فرق بينهم ولا فيه رجفه ولاشي==وملاحظة مو كل السيارات ينزلون عداداتهم وأسأل عن الكريد ===في أكريد=5
يعني السياره مثل حاله الوكالة
وكريد 4 يعني ممتازة
وكريد3 جيده
أما غير هالكلام !!!!!!!!!!!!!!!خلا عنك أنا تاجر من أمانيا من 20 سنه
وصارلي سنتين أجيب شخصي من اليابان روعه سياراتهم
 

الوالي@

عضو نشط
التسجيل
23 يونيو 2009
المشاركات
219
السلام عليكم

نصيحتي لك يا خوي اذا الموتر نظيف وسعره مناسب اخذه
ولا تصدق العداد قليل شوف انت اي موديل السيارة واحكم يعني معقولة سيارة موديل 95 ماشية 70 ولا 90 الف ؟؟؟؟؟؟؟
انا سيارتي موديل 2005 ماشية 60 الف بصراحة في تلاعب في العدادات ومن غشنا فليس منا
بس مثل ما قلتلك لا تاخذ السيارة علشان عدادها قليل اهم شي النظافة

اسف على الاطالة:)
 
التسجيل
20 يناير 2009
المشاركات
283
اذا لك 20 سنه انا لى 30 بس المشكله انك 20 سنه مو فاهم شي ؟ جينيرال اقراء فوق وتشوف انا كاتب القريت ؟ الوالى انت صح وكل كلمه قلتها صحيحه ؟؟؟ اخوي اذا تبي تشتري اي سياره شيل العداد من بالك وشوف السياره نظيفه اخذها وفحص واذا ماتعرف اسال فيه ناس اخصائي مرسيدس اشريطيه لهم باع طويل بالسيارات الالمانيه ؟
 

560SEL

عضو نشط
التسجيل
13 مارس 2008
المشاركات
731
مظبوط الموديلات القديمه اغلبها منزل عدادتها وانا رحت للامارات وشفت الغش واللعب وال 560 النظيف قيمته حدود 1500 دينار ويجيبونه ويبيعونه ب3000 دينار واكثر بعد وفيه على 1000 دينار ويكون فيه دعمه ومنزل عداده وانا محصل بي ام مرسيدس كله منزل عداده وتلقى استيكر الصيانه على 90000 والصيانه الجايه 100000 والعداد 50000 واذا قلت ليش العداد منزل يقول لك والله هي جت كذا بعد ما تكشفه ومو معقوله ان موديل 90 ماشي 40000 مو معقول واذا فيه اصلا باليابان لا يقل عن 5000 دينار بأرضه وشف اللعب والغش كيف واذا شاف الكويتي والسعودي قام يرفع الاسعار وشرايكم بشبح 1994 600 ب1000 دينار نظيف وانباع ب2500 دينار شفت الربح اللي اكثر من 1000 وخل ال 500 جمرك ومصاريف والشريطيه ينغشون ويغشون.
انا شخصيا مستخدم 4 مرسيدسات وارد اليابان واحد منهم طلع منزل عداده باليابان لانه مستورد من اليابان دايركت مو شغل الامارات ووحده ثانيه موديل 1985 عدداه حقيقي مو منزل بس مصبوغ كامل بالوكاله باليابان ويقولون لك صبغ المصنع واللي يخلي الياباني نظيف ان الداخليه وكاله وبعضه مجدد وفي واحد جاب 560 اذا شفته كلمة وكاله اقل من حقه وبعد فتره طلعت له قرقعه وبعد التشييك طلع مرهم 280 كله من تحت اذرعه ومقصات وغيرها واذا شفته تقول جديد شفتو الغش شلون.
 

Rolls

عضو نشط
التسجيل
13 فبراير 2008
المشاركات
172
مرسيدس يابانى

الله يجزاكم خير
الضاهر بستخير الله و انى بتوكل على الله وباخذه ولا يقولون مكيفه يابانى يعنى لاتعتل هم بالنسبه للتبريد المكيف وبصراحه انا ماهمنى العداد اهم شئ النظافه .
 
التسجيل
20 يناير 2009
المشاركات
283
انت اسمك 650 اس اي ال وكلامك لايعلا عليه وكل كلمه قلتها صح 100 ب 100 وين الناس لى يقتنعون بالكلام الصح؟؟؟؟ انا لى اعرفه ممكن سياره وحده تجي من الامارات ماشيه شويه او من السعوديه سيارتين او من قطر وا من المانيا سياره اوخمس سيارات ماشين شويه لكن 1000 سياره كلهم ماشين تحت 40 الف لا وفيه سيارات ماشيه 5 الاف موديل تحت 90 ؟ بسكم خش بسكم نصب بسكم تحايل على الناس بسكم افلوووس السياره تكلفه 900 دينار مع الجمرك وشحن 600 تطلع 1500 دينار ليش تعرضها 3000 واذا قالك المشتري ليش تقوله هذا ماشيه شويه وانت تعرف هذا مو مشيها الصحيح خاف ربك وستح على وجهك وتقي الله لاتوكل اعيالك حرام ؟
 

عـذبي

عضو نشط
التسجيل
28 مايو 2009
المشاركات
42
اخوي انا شريت 560 ياباني موديل 89 من مكتب بالكويت خذيته ماشي 44 تشوف الموتر تقول ولله نظافة 2006 المهم خذيتا من مكتب 2400 ياخوي جننتي الحراره وانا ماعرف للألماني واول مره اشتري الماني بدلت دقمة الحراره وترمستات71 وهم حراره بدلت راديتر و مطارة الماي مع الغطى وهم حراره شلت دبات التلوث وهم حراره :) بس الامانه خفت الحراره اشوي لمن غيرت كلج المروحه ..ولكن على الممشى تامن بالله اني كل قطعه ابدلها مستهلكه ماشفت قطعه اصليه صفيته طبعآ قطع التصفيه كلهم تجاري دسكات وسفايف تجاري الي لقيتهم عليه كلج المروحه الي بدلتها هم تجاري والمروحه الخارجيه تجاري كور الهودروليك تجاري طيات تجاري معاونايات اماميه تجاري المهم السياره جتني من اليابان ولا قطعه فيها اصليه ياخي مستغرب من شي اول ماشريتها مافيها قرقعه بعد فتره بين فيها قرقعه يارجل ولله كل سبوع انا بشويخ الشغلات الستهلاكيه جننتي وكل قطعه القاها نوعها بوش الي الراديتر بهمن فا الممشى ماني مصدق انه 44 على هالقطع التجاريه
 

560SEL

عضو نشط
التسجيل
13 مارس 2008
المشاركات
731
شفت انه ملفق ومرهم كله شغل ترقيع بترقيع واذا تبي تاخذ وارد اليابان خذ موديل حديث اقل شي 2002 ومع هذا راح تغير الاستهلاكي كله لانه مع النقل والوقفه كل شي يخرب ويتيبس .
انا عندي 560 1990 وارد اليابان قاط عليه صيانه وتواير 1000 دينار والجايات اكثر والله يعين واذا ما ظبط ما لي الا افتك منه وارتاح.
 

الوالي@

عضو نشط
التسجيل
23 يونيو 2009
المشاركات
219
مشكور اخوي الهدى والايمان وباقي الاخوان ما قصرتوا
 
الحالة
موضوع مغلق
أعلى