العيوب المصنعيه في السيارات الجديده وحماية المستهلك

[hassankoc]

شكرا لك

 

[TRADING]

بارك الله فيك وخوش موضوع بصراحة

ودي فقط انوه الي انه بالغالب الوكالة تتحاشي اعلان استدعاء من باب عدم تدمير السمعه وان كان هالشي علي حساب سلامة وامان المستخدم ويتم تبديل اي قطعه كانت اذا لزم الامر بالسيرفس العادي دون ذكر الموضوع بشكل رسمي ويتم دون علم العميل باغلب الاوقات وهذا ما حصل معاي بالغانم لما بدل قطعه من سيارتي شفر 2007 بالقير وكانت بهدف الامان والسلامة ولم يتم اخطاري بالموضوع ولكن بالصدفة وبسبب تاخير تسليم السيارة عن موعدها قالوا لي انهم يبدلون القطعه حسب توصيات المصنع وذلك لعيب مصنعي يتعلق بالسلامة بالقير
كلنا يعرف بالكويت لو لا سمح الله استدعي الساير سيارة لكزس 350 شنو يعني ؟ دمار للساير خصوصا انتشار هالسيارة بشكل غير طبيعي وبالاحري جميع سيارات الساير المنتشرة بشراهة لدي جموع المستخدمين
طبعا لا الساير ولا غيره بيهمه شيصير بالمواطن والمهم عنده استمرار التسويق والبيع وباسعار خيالية ولو حتي لا سمح الله تعرض احد لحادث نتيجة خلل فني بالسيارة مسرع ما يروح فيها بشربة ماي ولا احد دري عنه او حتي يتم محاسبة الوكيل

الله المستعان

 

[sass22]

السلام بالنسبة لي عندي تاهو 2008 الرمولت كنترول تبع الباب ما قام يفتح رحت الشركة بدلو كل الدينمو تبع البيبان على احسابهم بسبب خلل مصنعي

 

[********.com]

يعطيك العافيه اخوي

 

[ليث متواضع]

مشكورين وما قصرتوا

 

[أعرابي]

الهيدروليك الأمامي في السوكويا طلع خطأ مصنعي !!!!!! صلحه الساير ثلاث مرات حق واحد و المشكلة يرد يخرب قالو له خلاص ولي إستعمالك خايس !!

 

[ahmad73]

عند الأهل تويوتا أوريون 2011
كان فيها مشكلتين :
المشكلة الاولي : انه الجامه الخلفية دائما يصير عليه مادة مثل الضباب. راجعت الوكالة للموضوع وجزاهم الله ألف خير بلغوني انه هذا عطل مصنعي في بعض سيارات الأوريون. سوولي طلبية للقطعه العطلانه وبدلوها علي حسابهم.
المشكلة الثانية : التواير فيهم طبطبة ورجفة خفيفه. وعقب حنة ورنة وافقوا انهم يبدلونهم. وعقب تبديلهم التواير الجدد طلع فيهم صوت دوي خفيف. قالوا لي بعد الاستعمال يروح الصوت. وفعلا لمن وصل العداد علي 20ألف تقريبا راح الصوت.