لاي استفسار لصبغ السياره

[azizan1]

السلام عليكم
ياجماعة انا عندي دبلوم صبغ وسمكرة السيارات وكويتي منكم وفيكم بس ماعندي كراج حاليا انا موظف ومو قاعد استفيد من شهادتي بس حبيت افيد غيري اي شخص يبي يسالني عن الصبغ او تصليح السياره انا حاضر

 

[بو عبد الرحمن]

اخو ممكن انا دايم اصبع دعاميات سيارتي و بعد سنه او سنه ونصف تتقشر الصبغه وتكون واظحه انها مصبوغه ممكن تفيدني ليش وهل في طريقه اخلي الصبغ مثل المصنع اللي تطلع منه السياره

 

[azizan1]

تلقى الاساس مو مضبوط او الصبغ تعبان

 

[Rap Soul]

السلام عليكم
يعطيك العافيه اخوي على إفادتك للأعضاء واسئل الله ان يجعله في ميزان اعمالك ويبارك لك

وبالنسبه للموضوع انا عندي خفسه بالمدقر الخلفي بسيارتي لكن مافيه اي تقشير بالصبغ او اي شي بس خفسه هل هذي بعد تعديلها المدقر يحتاج صبغ ولا لأ ؟

 

[azizan1]

في بالسوق يبيعون الزيت اللي مثل الشحم حق مفاصل البيبان تحطة على مكان الخفس من بره وتعدلة من داخل المدقر الشحم هذا عشان يحافظلك على الصبغ الاصلي اثناء التعديل

 

[q81963]

جزاك الله خير اخوي لو عندي زلوغ بالسياره بعضها قوي والبعض خفيف مو مطير الصبغه شنو ينفع معاهم

 

[nasser2009]

بيض الله وجهك وكثر الله من امثالك ....

ياغالي انا ابي اصبغ سيارت صبغ تجميل .. والكاله غالي ... وانا ماعرف نوع الصبغ او الماركه

ابي اجود ماركه او متوسطه تكون نفس مواصفاات الخليج مثل حرارة الجو ... عندك علم عن اجود صبغ ؟ وكم سعره ؟ وكم ياخذ شغل ايد الصبااغ ... تحياتي لك

 

[azizan1]

في على الشاصي السيره الرقم مال صبغ السياره اخذه وروح بشارع الزينه اللي في شويخ ناسي اسمه اخذ من عندة اهو يعتمد على اللون

 

[azizan1]

بالنسبه حق الزغلول خلي الكراج يعمل سنفره خفيفه لانها مجرد تنضيف على المكان ويصبغ من غير اساس واذا قالك لازم ماعليك منه انا امسويها على الحوت 2006 واضبطت من سنه ونص وللحين من احلى مايكون

 

[Rap Soul]

في بالسوق يبيعون الزيت اللي مثل الشحم حق مفاصل البيبان تحطة على مكان الخفس من بره وتعدلة من داخل المدقر الشحم هذا عشان يحافظلك على الصبغ الاصلي اثناء التعديل

الله يعطيك العافيه اخوي
بس اخوي الخفس صاير بين المدقر الخلفي والدبه بالمسافه اللي بينهم
شلون اعدله ؟

 

[العنزي1]

جان خذيت دبلوم اخلاق يامعود ..

 

[بدون مجامله]

ياغالي عندي كذا خفسه بسيطه بالسياره ممكن تدلني كراج يعدلها بدون سمكره يقولون فيه بعض الكراجات تعدل الخفسات عن طريق بمب يشفط الخفسه بالهواء ويعدلها

 

[azizan1]

يالعنزي خليتها لك الاخلاق

 

[azizan1]

بدون روح كراج الصالح بشرق عند مجمع الاوقاف

 

[azizan1]

اذا الخفسات عاديه صغيره مو كبيره حيل عادي تنطق من داخل على الخفيف وتتعدل بس اهم شي انه الصبغ مايتاثر

 

[Nagooshy]

جزاك الله خير اخوي عزيزان

ونتمنا نشوفك دايم بالمنتدى


وشكرااا

 

[4x4]

مشكوور أخوي عزيزان على هذ الجهد الطيب منك والله يجزاك كل الخيير.

ونشالله تاخذ الدكتوراه وتكوون في أعلى المراكز.

تقبل مروري تحياتي

 

[azizan1]

مشكور 4x4

 

[bamk555]

الله يجزاك خير ويرحم والديك

 

[Camaro]

ياخي الريال فاتح موضوع عشان يفيد الناس وبدون مقابل موفاتحه عشان تدش حضرتك وتتكلم عن الاخلاق.. وين المشرفين عنك