abo saleem
عضو نشط
لا تطق بريك ولا شي
ولا تعتبر كلامي مهم بالنسبه لك ( اتخذ قرارك بناءً على قناعاتك انت )
لو كلنا نبي نهتم بقناعه الردود بصفحات الشركات جان صارت علوم
اذا انت مقتنع بالسهم اشتر اذا انت مو مقتنع لا تشتري اهني مربط الفرس
اولاً ابيار شركه جيده هذا الكلام معروف عند الكل انها شركه تشغيليه
صانع السوق صارله 8 شهور مسوي له منطقه تجميع
او بالاحرى صندوق تجميعي
اعلى التداولات على السهم كانت فوق سعر الـ 100 فلس
وطبعا 75% بالميه من التداولات فوق الميه فلس كان صانع السوق هو من له يد فيها
و25% بالميه كانت ناس تشتري مع صانع السوق
بسعر فوق الـ 100
وقتها كثر الكلام ( ركز على الكلام ) انه السهم رايح لا مجال للمناقشه فوق للـ 150 فلس
ولكنه خالف توقعاتهم ونزله تحت الـميه فلس وصار يتداول بين 98 - 85
انا توقعاتي اقول انه 15% من الناس اللي شرو بسعر 100 فلس وفوق
باعو السهم على بين 89 - 96
طيب منو شراهم
اكيد صانع السوق ؟
لانه باعه لهم فوق الـ 100
وشراهم بسعر اقل وهو عارف السهم وين راح يروح لانه يملك كميات كبيره من الاسهم ويقدر يتحكم بالسهم ويظعط عليه
المهم الحين رجع نفس الكلام اللي قبل انه السهم بعد فتتره الاكتتاب بيشلع
ليش طلع هالكلام انه السهم بيشلع بعد الاكتتاب ؟
على شنو استند اللي يقول انه السهم بيشلع بعد الاكتتاب ؟
هذي بورصه وسوق
لازم تتوقع الا متوقع
عالعموم بالنهايه السهم حلو ومافيه شي والسهم معلن ارباح في الازمه الماليه في حين اغلب الشركات تعلن عن خسائر وهذي تحسب لاداره ابيار
واذا فيك صبر ومو محتاج فلوسك هالفتره حلو سعره 85 - 86 حاول تصيده
واغلاقه تحت الـ 80 فلس وقف خساره ويجب الالتزام بها عشان ما تطيح بالمصيده
بالنهايه سهم ابيار تحت الـ 100 فلس ما يخوف وعلى قولت ابو سلطان الله يذكره بالخير
منو كان يحلم يلقى سهم تحت الـ 100 فلس قبل سنتين
وكلامي اللي قريته بردي السابق كان موجهه للاخوان المضاربين اللي مدتهم بالمضاربه قصيره
والله يرزق الجميع
