لجميع استفساراتكم عن الرخص التجاريه

[general]

يعلم الله بانني استمتع واستفيد كما غيري من قراءة مواضيعك
فشكرا لك
وجزاك الله الف خير

ولو سمحتلي عندي استفسار ارجو الاجابه عليه والنصح لاخوك

فانا عندي شركة تجاره عامة ومقاولات ..والشركة تزاول نشاطها ولها مكتب ولا توجد لها فروع
وقبل ايام جاءتني احدى الاخوات من جنسة معينه فعرضت علي ان اقوم باستخراج ترخيص صالون نسائي واستئجار الترخيص مني سنويا .
فالسؤال اطال الله بعمرك ونفعنا بعلمك:
1- هل اذا اردت فتح فرع للشركه يجب استخراج شهاده رصيد جديده للفرع المراد فتحه ؟؟
نعم تحتاج شهاده رصيد لكنها قليله وبإمكان المندوب الحصول على واحده لك
2- هل اجراءات فتح الصالون النسائي صعبه ومعقده ام سهله ؟؟
سهله
3- كم تقريبا المتعارف عليه لايجار رخصة الصالون النسائي في السنه ؟؟
تأجير الرخصه تتفاوت اسعارها لكن كون استغلالي خاصاً تبي تأجر لصالون والصالون يطلع ذهب وثاني انت عارف الرخص صايره صعبه ولازم تستغل هل فرصه , انت شوف هل حرمه عندها صالون من قبل شغاله من قبل ولالا ان طلعت شغاله من قبل معناته اهي واقفه على ريولها وخالصه هني تقول لها بالشهر 80 دينار (انت احسبهم كم بالسنه تصير ضرب 12 شهر ) , وان كانت يديده بهل شغله قول لها بالشهر 65 دينار . ولاتنزل ولا فلس
4- كم السعر المعقول الذي من الممكن ان ادفعه للمندوب لاستخراج فرع الصالون ؟؟
مع شهاده الرصيد واستخراج الفرع والله يعتمد لكن مو اقل من 500 دينار (بسبب شهاده الرصيد)
5- ان كان هناك نصيحه لاخوك فلا تبخل بها علي ؟؟
والله في وايد نصايح لكن الافضل حاليا التفاوض معها بخصوص السعر (لان مربط الفرس) وبعد ماتفاوضتوا على السعر كلمني وادز لك عقد تأجير الرخصه وتوريها العقد ان عجبها اهلا وسهلا وان ماعجبها يفتح الله , وكل شي مكتوب بالعقد يعتبر نصيحه لك وزياده معرفه
يالغالي ...ندري باننا اكثرنا عليك بالاسئله.. ولكن اللذي يشفع لنا هي سعة صدرك ...وحبك لنصح اخوانك ... وابتغاء الاجر من الله اولا واخيرا

اسف للاطاله ...واتمنى لك وللاخوان كل خير

تشكر جدا على دعواتك الطيبه وصدقني مرات اقرا استفساراتكم استمتع من قراءه دعواتكم لي كما تستمتعون بالاجابات الي اعطيكم ياها

 

[قناص_السوق]

اخوي سامحني اتعبتك وياي


اذا فتحت مؤسسة فردية باسم امي يصير يكون انا اعتماد التوقيع ولا اعتماد التوقيع فقط في رخص الشركات ؟

 

[general]

اخوي سامحني اتعبتك وياي


اذا فتحت مؤسسة فردية باسم امي يصير يكون انا اعتماد التوقيع ولا اعتماد التوقيع فقط في رخص الشركات ؟

عادي اسأل مليون سؤال
اعتماد التوقيع ملزوم لجميع الشركات وانواعها وجميع المؤسسات ايضا ويستطيع صاحب الرخصه الفرديه (مؤسسه) ان يفوض شخص اخر في اعتماد التوقيع (امك تفوضك انت) لكن الشرط المطلوب ان المفوض بالتوقيع في (اعتماد التوقيع) يجب ان يكون كويتي .
ثانيا بالنسبه للشركات هم ايضا يجب على كل الشركاء ان يفوضوا شخص كويتي ليكون المفوض بالتوقيع بالشركه وماينفع شريك معين يفوض شخص دون موافقه الشركاء كلهم
وشكرا

 

[قناص_السوق]

اول شي جزاك الله خير .....
وانشالله ان تكون اسألتي من الاسأله الممتازه و التي تحوز على اعجابك .... و ان تكون من الاسئله المهم معرفة اجوبتها قبل ممارسة اي نشاط

1- اخوي رخصة تجارة عامه و مقاولاتها تصدر للافراد (مؤسسة فرديه ) ولا فقط للشركاء (شركات )

2- ليش في ناس يملكون رخصة تجاره عامه و مقاولتها و يدرجون تحتها عدة رخص (فروع ) مثلا (رخصة صالون - رخصة توزيع مواد غذائيه ) ...... ليش يسلكون هالطريق بدال ما يصدرون كل رخصه منفرده (رخصة صالون منفرده - رخصة توزيع مواد غذائيه )


3- اذا عندي رخصة تجاره عامه و مقاولاتها اقدر استورد بضاعه بدون ما يكون عندي رخصة استيراد ولا لازم اطلع رخصة استيراد


4- اذا لازم اطلع رخصة استيراد شنو الانشطه الي اقدر امارسها في رخصة تجاره عامه و مقاولاتها بدون لا اطلع لها اي رخصه تندرج تحتها .....

 

[general]

اول شي جزاك الله خير .....
وانشالله ان تكون اسألتي من الاسأله الممتازه و التي تحوز على اعجابك .... و ان تكون من الاسئله المهم معرفة اجوبتها قبل ممارسة اي نشاط

1- اخوي رخصة تجارة عامه و مقاولاتها تصدر للافراد (مؤسسة فرديه ) ولا فقط للشركاء (شركات )
بالسابق كان تصدر للشركات والمؤسسات لكن حاليا تم الغاء تجاره عامه ومقاولات عن الشركات واصبح عليهم تحديد النشاط لكن للمؤسسات لازالت ساريه

2- ليش في ناس يملكون رخصة تجاره عامه و مقاولتها و يدرجون تحتها عدة رخص (فروع ) مثلا (رخصة صالون - رخصة توزيع مواد غذائيه ) ...... ليش يسلكون هالطريق بدال ما يصدرون كل رخصه منفرده (رخصة صالون منفرده - رخصة توزيع مواد غذائيه )
لتقليل التكاليف اصدار كل رخصه على حده ولكن في حاله الافرع يكون التكلفه اقل لان كل الامور تندرج تحت رخصه الام يعني اعتماد توقيع واحد مدير واحد اداره واحده عقد تأسيس واحد والاهم من ذلك كله تبين صلابه و مكانه الشركه لان عندها افرع , لكن في حاله المؤسسه لايمكن عمل فتح افرع نهائيا


3- اذا عندي رخصة تجاره عامه و مقاولاتها اقدر استورد بضاعه بدون ما يكون عندي رخصة استيراد ولا لازم اطلع رخصة استيراد
رخصه استيراد اهي مجرد ورقه عاديه تستلمها من وزاره التجاره وماتكلف ولا فلس ويعطونك ياها خلال 3 دقايق بس تودي معاك اعتماد التوقيع من غيرها لايمكنك استيراد بضاعه بدون رخصه استيراد لان شحناتك راح تتصادر أو تتوقف بالجمارك

4- اذا لازم اطلع رخصة استيراد شنو الانشطه الي اقدر امارسها في رخصة تجاره عامه و مقاولاتها بدون لا اطلع لها اي رخصه تندرج تحتها .....

رخصه الاستيراد بامكانك تستورد كل ما تشاءه بدون ماتطلع رخص افرع

وتقبل تحياتي ومروري

 

[قناص_السوق]

اخوي ..... رخص تجاره عامه و مقاولاتها تم ايقافها بالنسبه للشركات ...


1- انزين هل الشركات القديمه الي تملك هالرخصه تخضع للقانون اليديد عند التجديد .... ؟ خصوصا في ناس للحين تبيع هالرخصه .

2- شنو السبب ان في ناس يشترون رخصه شركه او مؤسسة بدال ما يطلعون رخصه يديده مع ان الرخصه للحين تصدر من التجاره وكذلك شراء الرخصه يكلف اكثر من اصدار رخصه يديده ؟؟

3- هل استطيع التحويل من رخصة شركه الى مؤسسه فرديه بعد خروج الشركاء جميعا و جم راح تكون حصتي 100 % ؟؟

4- هل في المؤسسات الفرديه يمكن ادخال شريك بالحصه ولا لازم تحويل الى شركه ؟

 

[general]

اخوي ..... رخص تجاره عامه و مقاولاتها تم ايقافها بالنسبه للشركات ...


1- انزين هل الشركات القديمه الي تملك هالرخصه تخضع للقانون اليديد عند التجديد .... ؟ خصوصا في ناس للحين تبيع هالرخصه .
الكلام حاليا فقط عند تأسيس الرخصه لن تستطيع عمل تجاره عامه ومقاولات وبالنسبه للشركات القديمه لا زالت كما هي بدون تغيير , لكن عند التجديد لا اعتقد (قناعه شخصيه) انه سيتم اجبارهم بتحديد نشاط بدلا من تجاره عامه ومقاولات . (لأن الوزاره راح تحصل قضايا بسهوله يفوز فيها اصحاب الشركات .

2- شنو السبب ان في ناس يشترون رخصه شركه او مؤسسة بدال ما يطلعون رخصه يديده مع ان الرخصه للحين تصدر من التجاره وكذلك شراء الرخصه يكلف اكثر من اصدار رخصه يديده ؟؟
عزيزي سبب شراء رخص الشركات هذي ظاهره طلعت مؤخرا وذلك لعده اسباب اولها واهمها ان الناس تبي تجاره عامه ومقاولات واذا الحين بيؤسس ماراح يخلونه يسوي تجاره عامه ومقاولات وبهل شكل يتم بيع الرخص بسعر خيالي . وثانيا الحين تأسيس شركه (محدوده النشاط) مو اقل من 3000 الى 4000 دينار والسعر صار 10 اضعاف (قبل كان التأسيس 400 دينار) وسبب السعر الخيالي ان محد عنده شهاده رصيد (يحط 150 ألف بحسابك ليومين عشان يحصل شهاده) ومافي احد يرضى يحط لك هل مبلغ مقابل 200 دينار الواحد قام يفكر بالاف الدنانير , لكن بالسابق كنت تشتري شهاده رصيد ب 200 دينار ( مزوره) وكانت تعدي على التجاره , لكن حاليا تم ربط اجهزه البنوك بالتجاره (لابد تحط المبلغ فعليا) .

3- هل استطيع التحويل من رخصة شركه الى مؤسسه فرديه بعد خروج الشركاء جميعا و جم راح تكون حصتي 100 % ؟؟
مامر علي واحد من شركه يحولها مؤسسه وشنو الهدف ؟؟ اجراءاتها تطول اكثر من تأسيس مؤسسه يديده , لكن اعتقد بالامكان .
وبالنسبه لحصتك المعروف ان المؤسسه الفرديه تكون انت ملك فيها بنسبه 100%

4- هل في المؤسسات الفرديه يمكن ادخال شريك بالحصه ولا لازم تحويل الى شركه ؟

لايمكن بأي شكل من الاشكال ادخال شريك بالمؤسسه لانها فرديه واي ادخال شريك في المؤسسه لازم تسويها شركه

وشكرا

 

[قناص_السوق]

3- هل استطيع التحويل من رخصة شركه الى مؤسسه فرديه بعد خروج الشركاء جميعا و جم راح تكون حصتي 100 % ؟؟
مامر علي واحد من شركه يحولها مؤسسه وشنو الهدف ؟؟ اجراءاتها تطول اكثر من تأسيس مؤسسه يديده , لكن اعتقد بالامكان .
وبالنسبه لحصتك المعروف ان المؤسسه الفرديه تكون انت ملك فيها بنسبه 100%

اخوي الهدف الي استفدته منك

عشان اشتري رخصه و اتهرب من شهادة الرصيد

بادخالي كشريك جديد 1% ثم يخرجون باقي الشركاء ..

لكن ممكن تشوفلي يصير احول الشركه لمؤسسه فرديه بسبب خروج جميع الشركاء و لا جذي تنحل الشركه و يتصكر ملفها من السجل التجاري


او الهدف لو كنت متشارك مع احد و حصل خلاف و الشريك قال ان يبي يطلع من الشراكه ....

 

[general]

اخوي الهدف الي استفدته منك

عشان اشتري رخصه و اتهرب من شهادة الرصيد

بادخالي كشريك جديد 1% ثم يخرجون باقي الشركاء ..

لكن ممكن تشوفلي يصير احول الشركه لمؤسسه فرديه بسبب خروج جميع الشركاء و لا جذي تنحل الشركه و يتصكر ملفها من السجل التجاري


او الهدف لو كنت متشارك مع احد و حصل خلاف و الشريك قال ان يبي يطلع من الشراكه ....

اخوي يصير تحول شركه الى مؤسسه فرديه لكن شغلها يتعب ومو اي واحد يعرف يسويها لان مامرت على احد وبالنسبه لسؤالك عن ان في شركه وصار خلاف واحد الشركاء يبي يطلع في هل حاله خلاص يدخل شريك ثاني فقط 1% واهو 99% وغير جذي تنحل الشركه
وثانيا ليش ماتؤسس مؤسسه من اول ويديد وتكلفك بأبعد تقدير 600 الى 900 هذا في اشد الاستغلال . فقط اتصل على المناديب الي في جريده الوسيط واسألهم
لك بالنسبه للشركات اي اعترف لك صعبه وماقاموا يؤسسون لكن المؤسسات عاديه

 

[قناص_السوق]

انشالله ما اكون ثقلت عليك

1- اخوي يصير افتح شركه باسم امي متقاعده و ادخل انا كشريك موظف حكومه ولا لازم جميع الشركاء غير موظفين بالحكومه


2- ليش تأسيس الشركات اصعب من المؤسسات الفرديه


3- اذا حطيت الرخصه باسم صديق لكوني موظف حكومي (اي مؤسسه فرديه) في هالحال الشركه باسمه و اعتماد التوقيع باسمي و كل شي انا ادفعه , فاشلون اضمن حقوقي في حال اذا انحلت المؤؤسه و اضمن فلوسي او في حال اذا لا سمح الله انقبض روحي و اهو شلون يضمن حقوقه في حال ان كان عليي مخالفات و الخ ......

 

[sasa911]

ابو عقيل

جزاك الله الف خير
مشكووور وما قصرت
عزالله انك كفيت ووفيت يالغالي

 

[general]

انشالله ما اكون ثقلت عليك

1- اخوي يصير افتح شركه باسم امي متقاعده و ادخل انا كشريك موظف حكومه ولا لازم جميع الشركاء غير موظفين بالحكومه

الاجابه ايجابيه بالنسبه للسؤال الاول2- ليش تأسيس الشركات اصعب من المؤسسات الفرديه
لان في نظام التأسيس وعقد تأسيس
3- اذا حطيت الرخصه باسم صديق لكوني موظف حكومي (اي مؤسسه فرديه) في هالحال الشركه باسمه و اعتماد التوقيع باسمي و كل شي انا ادفعه , فاشلون اضمن حقوقي في حال اذا انحلت المؤؤسه و اضمن فلوسي او في حال اذا لا سمح الله انقبض روحي و اهو شلون يضمن حقوقه في حال ان كان عليي مخالفات و الخ ......

الاجابه سلبيه ولاتسويها

 

[general]

ابو عقيل

جزاك الله الف خير
مشكووور وما قصرت
عزالله انك كفيت ووفيت يالغالي

عزيز وغالي ويكفينا شهادتك لنا طال عمرك

 

[.:. عطر .:.]

تسلم بو عقيل يعطيك العافية

سؤالي من خلال ملاحظاتك و خبرتك هل اذا ابي اشتري رخصة مؤسسة نفس سعر اذا ابي اشتري رخصة شركة ولا ارخص بوايد ؟؟ تجارة عامة و مقاولات .

جزاك الله خير و الله يوفقك .

 

[general]

تسلم بو عقيل يعطيك العافية

سؤالي من خلال ملاحظاتك و خبرتك هل اذا ابي اشتري رخصة مؤسسة نفس سعر اذا ابي اشتري رخصة شركة ولا ارخص بوايد ؟؟ تجارة عامة و مقاولات .

جزاك الله خير و الله يوفقك .

اخوي عطر يالغالي
سعر شراء رخصه مؤسسه ارخص من سعر شراء شركة (ماقدر اقول بوايد ولالا بس المفروض بوايد )

بس يالغالي يإلي قطعت عنه مره وحده , انا اكثر من مره نبهتك تأسس رخصه مؤسسه يديده افضل لك بوايد , خصوصا انا عارف وضعك عدل مثل ما شرحت لي بالسابق , وبعدين كل المشاكل والصعوبات في تأسيس الشركات لكن المؤسسات لازالت نفس اهي بكل يسر وسهوله لكن اسعارها صارت اغلى لكن هم ارخص من سعر شراء شركه .

 

[قناص_السوق]

جزاك الله خير اخوي بو عقيل ..........


بس انا ابي اتشارك مع واحد من الربع و الصراحه محتار اخلي الرخصه مؤسسه و لا شركه

----- * بس اذا مؤسسة في عندك حل شلون كل واحد يضمن حلاله خصوصا ان قانون شراكتنا كل شي بالنصيفه ..........

---- * و انت وايد من ردودك تحذر من المؤسسة وان اجراءاتها متعبه و الرخصه الفرديه افضل خصوصا حق واحد يديد ... فممكن تسرد لنا الاسباب انك دائما تدعونا باستخراج الرخص الفرديه ؟



و بالنهاية جزاك الله خير ..... و عسى ربي يحفظك و يرزقك الذرية الصالحه


========

اخيرا :- البنك الصناعي :- هو بنك حكومي و وقانون هالبنك ان الحكومه تساعد كل مواطن كويتي على المشاريع الخاصه , فشلون ناخذ منهم تمويل او نطلب من هالبنك يوفر لنا المعدات اذا ما كنا نعرف من وين نشتري هذي المعدات ؟

 

[Mr.President]

أولا احب اقولك مشكور و عساك على القوه و الله يوفقك للخير

سؤالي: اسست شركه تجارة عامة و مقاولات سنه 2005 و عندي عقد التأسيس اما الرخصة انتهت من زمان و الشركة اصلا ما اشتغلت

هل اقدر اجدد الرخصة؟ مع العلم انه الي أسس الشركة مكتب تخليص و ما استبعد انه زور الشهادة البنكبة؟

هل يوجد علي مسؤلية قانونيه؟ مع العلم ان الشركة لم تزاول اي نشاط؟

و اخيرا لو حبيت اشتغل فيها هل راح يطلبون مني اني احدد النشاط؟ مع العلم انها تجارة عامه و مقاولات

و دمتم

 

[general]

جزاك الله خير اخوي بو عقيل ..........


بس انا ابي اتشارك مع واحد من الربع و الصراحه محتار اخلي الرخصه مؤسسه و لا شركه

الشراكه خلها دائما شركه وليس مؤسسه

بس اذا مؤسسة في عندك حل شلون كل واحد يضمن حلاله خصوصا ان قانون شراكتنا كل شي بالنصيفه ..........

ماتقدر تضمن حقك لأنها رخصه فرديه ولاتورط نفسك وتعتمد على كلام (سو عقد بينك وبينه ) ناس عندهم شركه وقاعدين ينضربون هل مره تبي تضمن حلالك بعقد عرفي

---- * و انت وايد من ردودك تحذر من المؤسسة وان اجراءاتها متعبه و الرخصه الفرديه افضل خصوصا حق واحد يديد ... فممكن تسرد لنا الاسباب انك دائما تدعونا باستخراج الرخص الفرديه ؟

انا ما احذر من الابتعاد عن الشركات لكن انا اقول مافي شركات حاليا الوضع صعب مو مثل قبل وثانيا ادعوكم لاستخراج المؤسسات لانها لازالت متوفره للتأسيس والاهم من ذلك اغلبكم له مشروع صغير و يبي يشتغل فيه فليش يروح للشركات (الى اهو المفروض يكون معاه شركاء) لكن المؤسسه بتصير شيخ نفسك , للاسف اغلبكم مايفكر اهو شنو حاجته للشركه فقط انه يبي شركه

و بالنهاية جزاك الله خير ..... و عسى ربي يحفظك و يرزقك الذرية الصالحه


========

اخيرا :- البنك الصناعي :- هو بنك حكومي و وقانون هالبنك ان الحكومه تساعد كل مواطن كويتي على المشاريع الخاصه , فشلون ناخذ منهم تمويل او نطلب من هالبنك يوفر لنا المعدات اذا ما كنا نعرف من وين نشتري هذي المعدات ؟

انا مادري ليش اخوي عطر فتح موضوع البنك الصناعي ياجماعه اغسلوا ايدكم

 

[general]

أولا احب اقولك مشكور و عساك على القوه و الله يوفقك للخير

سؤالي: اسست شركه تجارة عامة و مقاولات سنه 2005 و عندي عقد التأسيس اما الرخصة انتهت من زمان و الشركة اصلا ما اشتغلت

هل اقدر اجدد الرخصة؟ مع العلم انه الي أسس الشركة مكتب تخليص و ما استبعد انه زور الشهادة البنكبة؟

تقدر تجدد الرخصه لكن تحتاج عقد ايجار ووصل ايجار (شوف لك مكتب بوشهر) وبالنسبه للشركات الي تم تأسيسها سنه 2005 فأقولك ماعليها كلام لان اغلب الكلام كان على شركات الي تم تأسيسها سنه 2008

هل يوجد علي مسؤلية قانونيه؟ مع العلم ان الشركة لم تزاول اي نشاط؟
اخذ اجابه سؤالك الاول

و اخيرا لو حبيت اشتغل فيها هل راح يطلبون مني اني احدد النشاط؟ مع العلم انها تجارة عامه و مقاولات

قانون تحديد النشاط هي للشركات اليديده لكن القديمه (مثلك) لاتزال تجاره عامه ومقاولات

و دمتم

حياك الله

 

[قناص_السوق]

والله مشكور ما تقصر عسى ربي يطول بعمرك ........ اللهم يااااااااااااا رب .

وانا أبي اسس شركة , لان شراكه مع صاحبي بس بعرف من اي ناحيه الصعوبه راس المال ولا شنو بالضبط ؟

واذا ابي رخصة تجاره عامه و مقاولات اشتريها عدل ؟

واذا حددت النشاط شنو الاحسن اشتري رخصة شركه و نطلع الشركاء القدم و ندخل احنا اليديد ولا اصدر رخصه يديدة كون من كلامك الشركه اصعب و معقده ؟

ممكن هاتف مكتب تخليص معاملات ثقة , ويقدر اييب لنا الرخصه و يدبر لنا اجار مؤقت اذا ما لقينا مكان مناسب و استكمال راس المال

والصراحه انت بالك طويل لو عندك مكتب تخليص معاملات اتوقع تنجح لان ماشالله بالك طويل