قانون العمل في القطاع الخاص يمنع حجز جوازات العمالة
على العموم بخصوص قانون إلغاء الكفيل بالنسبة لي شخصيا أشوف إنه أمر جيد على الأقل يفك الكفيل من الفرارة بالإدارات الحكومية عشان أخلص معاملات الموظفين أو حتى تسجيل مندوب من الموظفين بوزارة الشؤون أو الداخلية
هذا غير إن الملف يتسكر بالداخلية كل سنتين إذا ما تروح تقدم لهم صورة من إعتماد التوقيع بعد التجديد حتى وإن لم تكن لديك أي معاملة خلال الفترة.. شكو مادري
وبالنسبة لموضوع كفاءة العامل وإنتقاله بسبب حصوله على أجر أفضل لو هو مرتاح عندك ما يطلع وإذا حصل فرصة أفضل ليش أستعبده وأحلبه وأعصره! خل يتوكل على الله ويترزق وبدال ما أيب واحد يديد من بره وأعلمه الشغل أيب واحد جاهز من السوق
هذا كله بخصوص العماله "العامله" في نفس الشركة والمؤسسة مو العمالة السائبة بالشوارع من تجار الإقامات مساكين يدفعون آلاف عشان يدشون البلد يشتغلون و مئات عشان يجددون الإقامة وثلثين الملفات في الشؤون مسكرة يعني لازم تبقشش عشان يفتحون الملف ويجدد