اخر خدمات زين للانترنت

[abo.jraah]

السلام عليكم


اخر خدمات زين للانترنت تخفيض حدود التحميل من 30 غيغا ال 10 غيغا فقط :d

ياسلام عليج يا زين لا حسيب ولا رغيب الانترنت اغلب الشهر عطلان واخر

الشهر حقهم لازم يوصل كامل ولا عروض ولا تخفيضات وخدمات عملاء زفت


ما بعد فيفا راح انقل الي فيفا واغير حتي خطوط الاهل الي فيفا​

 

[pedram]

عفيه

فيفا مافي احسن منها
بس يعدلون خدمه العملاء مالتهم و يزيدون الابراج شويه راح تكون نمبر 1 بالكويت انشاله

 

[هادي33]

الله يلعنها هالشركه ألي تعمرت على فلوسنا ووصلت للعالميه !!!!!

والحين موووت عاد على السرعه والخدمه ........

والله لو اخذ دايل اب خط بطييء ولا اخذ من هالشركه التعييسه .....!!!!

اظاهر يقلدون مصر هم حددو سرعه النت عندهم ولكن شوفوهم شنوو سوو المصرين!!!!

ماخلوو صحيفه ماراسولها مافي ويزير ما نشروو ايميله والناس ترسله احتجاجها ...

هذا احنا الكويتيين الشي بعشره نقول عنه مو شي لازم يصيير 100 علشان يسيير زين ...يازين....

 

[nasanet]

السلام عليكم اخواني الأعزاء
عزالله ان فيفا ارحم وافضل
اما زين عزالله ان اسمها شيــــــــــــــــــــــــــــــــــــــــــــــن مو زين
حسب الله عليهم مثل ما قال اخوي ما تعمرت إلا من فلوسنا
وان إن شاءالله قاطع خطهم بكرة ومحول على فيفا

 

[كل شي للبيع]

التحميل بفيفا احسن من زين ومافي مقارنه
اما التصفح زين أحسن
فيفا اطول الصفحه على ما تبطل
بس الي مريحني فيها التحمييل شغل عدل

 

[أبوسعد الخالدي]

شكر ا علي المعلومه

 

[Bo_Fahad_Q8]

لا يا اخوي .. فيفا افضل من زين بالتصفح

التصفح بزين يجيبلك المرض خصوصا اوقات الذروة

اما التحميل .. حرام المقارنة اصلا

 

[abo.jraah]

المشكله ان الشركة مو شايفه منا اي رد او جديه خدماتها زفت وخدمة ازفت
شوف خدماتها بالسعوديه ....

والمشكله سرعة النت العالم الحين تتكلم بالغيغا واحنا اهنيه للحين 256 و512 والله شي يرفع الضغط
بدل ما نطالع قدام نرجع وره

ياجماعه لازم يكون في جديه اللي عنده خط نت بالشركة يكنسله وحتي خط التلفون غيرره ودق على خدمة العملاء وزفهم
انا دقيت عليهم يقولون اوامر الشركة وطحت فيهم زف الشركة موجوده لخدمتنا والله يذكر بالامس لم كانت شركة محليه والحين عالميه

 

[zohdy]

انا جبت خط زين وعملت خدمه اعز صديق وبعد مخلصت المكالمه ممكن ساعه اتكلم وبعد كده قال ليه تكلفه هذه المكالمه 0.00 اول مره تحصل تقدر تعرف كل مكالمتاتك من عن طريق الويب سيت والتكلفه بتاعه كل مكالمه منهم بس النت ما جربته بس ان شاء الله ناوي الغي خط زين واحول النت فيفا كمان

 

[kuwait_17]

يا جماعه عندي الإيقو بالتصفح زفت الزفت تكرمون ,,, وانا مرتبط معاهم بعقد لمدة سنه

شنو الطريقه عشان اطلع منهم ؟؟؟

 

[fahad95]

زين الكويت -=> من امن العقوبه اساء الادب

خلهم يسوون حركاتهم الى يسونها بالكويت اهني بالسعوديه يقصصون ريشهم اهناك

لان في رقابه على شركات الاتصالات بالسعوديه اما احنا يا غافلين لكم الله اكبرها واسمنها تاجر

حلم عمره يملك 100 سهم في زين مالت على زين انا من طلعت فيفا وانا قاطع خطي والانترنت

مال زين

 

[fahad95]

تصدقون يا اخوان انقطع خطي مال الانترنت مال زين وخليته قلت متى ما دقوا على ادفع له

ولا يعطوني طاف بعد 4 شهور ولا على 4 اشتراكات قلت ليش ؟ قالوا احنا جذي نظامنا الى

ما يسدد ينزل عليه 4 اشتراكات والله وربي حراميه طز فيها شركه وطز بالرقابه الى عليها

20% من مدخول زين من كل الشركات الى بالعالم
80% من مدخولهم بس من الكويت صج حراميه الشرهه مو عليهم على الدوله الى مخليتهم
يبلعونا

ما تسحب الدوله رواتبنا بعد وتعطيهم التجار ويعطونا كل يوم وجبات وربي لو تصير !!!؟

اتوقع يطوفون وجباتنا عشان يبوقون ههههه الله المستعان عسى هل ازمه العالميه

تشفط فلوسهم وتقلبهم من تجار الى مديونين عالميا مو بس بالكويت لان لو بس بالكويت

يسوون لهم اسقاط ديون ولا مثل الى صاير الحين دعم 6 مليار حق جم حرامي

 

[ابو عبدالله333]

اتركوا زين يا شباب لا سرعه لا تحمل ولا ونفس الشاب الى فوق تركهم اربع اشهور وتكود عليه مبلغ وانا نفسك تكود علي مبالغ وقالوا اذا ما تدفع هم يزين وانا اربع اشهور مو شغاله عندى الخدمه بوق بس على ذرابه هههههههههههههههه
اتركوها وروحوا حق الفيفا بس هم يبوقون كروت التعبيه تعبى واخيرا تتفاجاء رصيدك صفر بس هم ينترقعون احسن من زين

 

[Hi5]

يا جماعه انا بعد اشتراكي وطنيه بـ 25 دينار والله بطيء بشكل مو طبيعي والتحميل سرعته سلحفاة توها طالعه من البيضه

وعلى فكره يا جماعه في شغله مهمه انتو مو منتبهين حقها ،، طبعا احنا نشوف البطئ بزين والوطنيه

تدورون يا جماعه ان زين والوطنيه جذي مو قاعد يبوقون فلوسنا إلا قاعد يبوقون من عمرنا إي والله يا جماعه اصلا يمكن بالشهر يطلع معدل أكثر من ثلاث ايام من عمرنا ( مجموع ساعات الانتظار بالشهر) ثلاث ايام من عمرنا بالشهر بس انتظار الصفحه متى تتبطل والا الداون لو د البطئ يخلص

المساله مو مساله وقت وفلوس المساله مساله عمر يا جماعه قاعد يروح هدر

واحد من الشباب كان يدرس بامريكا والله يقول انك لما تتصفح الانترنت هناك بمجرد ما تضغط الانتر الا الصفحه بما فيها تفتح معاك بمجرد الضغط على الانترنت

 

[Q8Series]

انا كنت زين ومعاهم بعقد لمدة سنتين حق من الدوام ماخذه كان الليميت عندي 20 قيقا وطبعا انا انسان مينون داون لود والله ياجماعه 4 الشهر انا طايف العشرين قيقا وعلى هالحال لمدة 6 اشهر ومره سافرت وما شبكت بالاشتراك يوم ارد ولا اشوف النت بطيء قلت ممكن معلقين ونطرت جم يوم شفت لا ماكو فايده وانا فيني دوده قاعد انطر الداون لود يوم ادق عليهم ولا يقولون اي اخوي انت متبرمج بالنظام انك 6 الشهر تطوف الليميت فيعني مبين بالنظام طايف الليميت رحت اهناك قلبت الدنيا عليهم وسويت كتاب شكوى من الدوام مثل الحمير كرمك الله قطعوا الاشتراك مالي لا وبدون لا ادفع الغرامه والحين مريح بالي 2 ميقا كوالتي نت الحمد لله على النعمه مو ناقصني اي شي لا ليميت ولا لاق ولا هم يحزنون

 

[foxmind]

بصراحه احنا نستاهل هاللي تسويه زين وجميع الشركات لان زين اهانتها بتخفيضاتها خارج الكويت وبقولها على لسان البراك ان الكويتي عنده يدفع فالمفروض يكون في مقاطعه شامله علشان نرخصها مو هي اللي ترخصنا وتلعب فينا

 

[WEST LIFE]

خلكم من موزين واخذو فيفا

 

[الهاشمي1]

اقول والله اعلم مع كل الاحترام الخالص لكم ولعموم شركات الاتصالات بالانترنت بالنسبة لزين حتى شهرنوفمبر2008 الماضي في القمة يصل الداون لود اذا سيرفر الموقع اوكي الى750 كيلو بايت ترانسفير بير سكند في منطقة الجليب ولكن الان انخفض المستوى الى 440 كيلو وساعات 220 كيلو اما الوطنية فلديها تميز بالمصداقية من حيث تحديد السرعة فمثلا الداون لود يصل الى 220كيلوبايت ترانسفير بير سكند ويصل الاب لود من 500 كيلو الى 2 ميجا لكن عدم قيامها بالشكل الصحيح بالفحاحيل بشهادة اناس من اهلها اما فيفا فهي الافضل الان يصل الداون لود الى 550كيلوبايت ترانسفيربيرسكند والاب لود الى3ميجا وعلى العموم مقيدون بضغط المستخدمين وعددهم كحال اي انترنت بالعالم هذا والله اعلم وسامحوني ولا تاخذوا كلامي على محمل الدليل القطعي انما هو راي وخاص بملاحظتي الخاصة وماعليش سويناها قصة فاعتذر للمرة الاخرى

 

[boxku]

يبا مو زين هذي شين الله يعينكم

 

[الحريه وطن]

طيب شرايكم بالوطنيه؟